Налайх дүүргийн Хүүхэд, гэр бүлийн хөгжил хамгааллын хэлтэс

05/08/2026

❤️ААВЫНОРОЛЦОО-ХҮҮХДИЙН ИРЭЭДҮЙ❤️

04/08/2026

👨‍👧‍👦❤️ “АМИН ЭРДЭНЭЭ ОЙЛГОХУЙ-ХҮҮХДИЙН ИРЭЭДҮЙД ААВЫН ОРОЛЦОО” АРГА ХЭМЖЭЭ ЗОХИОН БАЙГУУЛАГДЛАА

Налайх дүүргийн Хүүхэд, гэр бүлийн хөгжил, хамгааллын хэлтсээс хүүхдийн хөгжил, хүмүүжилд аавын оролцоог нэмэгдүүлэх, аав, хүүхдийн харилцаа холбоо, харилцан ойлголцол, итгэлцлийг бэхжүүлэх, гэр бүлийн эерэг хүмүүжлийг төлөвшүүлэх зорилгоор “Амин эрдэнээ ойлгохуй-Хүүхдийн ирээдүйд аавын оролцоо” арга хэмжээг 2026 оны 08 дугаар сарын 04-ний өдөр зохион байгууллаа.

Арга хэмжээнд Налайх дүүргийн Онцгой байдлын хэлтэс, Цагдаагийн хэлтэс, 353-р цэргийн анги, 014 дүгээр цэргийн ангийн албан хаагчид хүүхдүүдийнхээ хамт оролцож, аав, хүүхдийн харилцаа, ойлголцол, итгэлцлийг бэхжүүлэхэд чиглэсэн сэтгэл зүйн болон бүтээлч үйл ажиллагаанд идэвхтэй хамрагдлаа.

Тус арга хэмжээ нь аавын хүүхдийн хөгжил, хүмүүжилд гүйцэтгэх үүрэг, оролцооны ач холбогдлыг таниулахын зэрэгцээ аав, хүүхдүүд хамтдаа чанартай цагийг өнгөрүүлж, хайр, талархал, дэмжлэгээ илэрхийлэх эерэг орчин бүрдүүллээ.

👨‍👧 Аавын оролцоо-хүүхдийн итгэл, хөгжил, аз жаргалын үнэтэй хөрөнгө оруулалт юм.

#АминЭрдэнээОйлгохуй
#ХүүхдийнИрээдүйдАавынОролцоо
#АавХүүхдийнХарилцаа
#ГэрБүлийнЭерэгХарилцаа

04/08/2026

🏆 БАХАРХАЛТ АМЖИЛТ-ИРЭЭДҮЙН ИНЖЕНЕРҮҮДЭЭРЭЭ БАХАРХАЖ БАЙНА! ✈️

Монгол Улсын аварга шалгаруулах Нисэх загварын тэмцээнд амжилттай оролцсон "Нис нис" дугуйлангийн суралцагчид, багш нартаа халуун баяр хүргэе.

🥉 Б.Ган-Очир-Хүрэл медаль, дипломын эзэн болж бахдам амжилт гаргалаа.
🏅 Г.Батжин-Шагналт IV байр эзэлж, ур чадвар, авьяасаа амжилттай сорин өрсөлдлөө.
Мөн тус тэмцээнд манай ирээдүйн инженерүүд болох Б.Төрмөнх, Э.Амарбат нар шүүгчээр ажиллаж, мэдлэг, туршлагаа хуваалцан, хүүхэд залуучуудын хөгжилд үнэтэй хувь нэмэр оруулж, нийгмийн идэвх оролцооны үлгэр жишээ боллоо.

👏 Та бүхний хөдөлмөр, хичээл зүтгэл, ур чадварын үр шим болсон энэхүү амжилтаар бид бахархаж байна.

✨ Ирээдүйн инженерүүддээ улам их амжилт, өндөр оргил, шинэ шинэ ялалтыг хүсэн ерөөе!

31/07/2026

⚽🌞 ЗУНЫ ХАМГИЙН ХӨГЖИЛТЭЙ ТЭМЦЭЭНДЭЭ УРЬЖ БАЙНА! 🌞⚽

Бөмбөгөө аваад, багаа бүрдүүлээд, найзуудтайгаа хамт талбайдаа уулзаарай! 🏃‍♂️🏃‍♀️💙

🏆 "НАЛАЙХ-2026 SUMMER CUP"
Хүүхдийн хөлбөмбөгийн тэмцээнд оролцож:
⚽ Ур чадвараа сорьё
🤝 Шинэ найзуудтай болъё
🏅 Хөгжилтэй дурсамж бүтээе
🎉 Хамтдаа баярлая!

👦 10 хүртэлх нас (U-10)
👧 11–14 нас (U-11, U-12, U-13, U-14)

📅 2026.08.14
🕙 09:00 цагт

Энэ бол зөвхөн тэмцээн биш...
✨ Нөхөрлөл,
✨ Хөгжил,
✨ Багийн уур амьсгал,
✨ Эрүүл амьдралын эхлэл юм.

👨‍👩‍👧‍👦 Эцэг эх, асран хамгаалагч та бүхэн хүүхдээ дэмжиж, хамтдаа хөгжөөн дэмжигчээр хүрэлцэн ирээрэй!

📞 Дэлгэрэнгүй мэдээлэл: 88022557

💙💛 ТОГЛОЖ НЭГДЬЕ, ГООЛДОЖ БАЯРЛАЯ! 🌟

14/07/2026

⚠️ БАЯР НААДМЫН ӨДРҮҮДЭЭР ХҮҮХЭД ХАМГААЛЛЫН БАГ ХӨДӨЛГӨӨНТ ЭРГҮҮЛЭЭР АЖИЛЛАЖ БАЙНА

Налайх дүүргийн Хүүхэд, гэр бүлийн хөгжил, хамгааллын хэлтэс нь дүүргийн Онцгой байдлын хэлтэст, Цагдаагийн хэлтэстэй хамтран баяр наадмын өдрүүдэд хүүхдийн аюулгүй байдлыг хангах, гол, усны ослоос урьдчилан сэргийлэх зорилгоор хөдөлгөөнт эргүүл хийн ажиллаж байна.

👨‍👩‍👧 Эргүүлийн бүрэлдэхүүн гол, усны эрэг орчимд амарч, аялж буй иргэдэд сэрэмжлүүлэг, зөвлөмж хүргэх, хүүхдийн аюулгүй байдлыг хангах, болзошгүй эрсдэлээс урьдчилан сэргийлэх чиглэлээр ажиллаж байна.

⚠️ Эцэг, эх, асран хамгаалагчид дараах зүйлсийг анхаарна уу.
🔹 Хүүхдээ гол, усны ойролцоо хараа хяналтгүй орхихгүй байх.
🔹 Амралт, аяллаар явахдаа усны эрэгт хэт ойр буудаллахгүй байх.
🔹 Үерийн ус, ширүүн урсгалтай голд усанд орох, сэлэх, автомашинаар гатлахгүй байх.

‼️ Иргэн бүр сонор сэрэмжтэй байж, өөрийн болон бусдын аюулгүй байдлыг ханган, гол, усны ослоос урьдчилан сэргийлье.

Налайх дүүргийн Онцгой байдлын хэлтэс

10/07/2026

🇲🇳 Тулгар төр байгуулагдсаны 2235 жил, Их Монгол Улс байгуулагдсаны 820 жил, Үндэсний эрх чөлөө, тусгаар тогтнолоо сэргээн мандуулсны 115 жил, Ардын хувьсгалын 105 жил, Налайхын их уурхайг улсын мэдэлд авсны 104 жилийн ой, Налайх дүүргийн баяр наадмын хурдан морины уралдаан

2026 оны 7 дугаар сарын 10-ны өдрийн байдлаар Налайх дүүргийн баяр наадмын хурдан морины уралдаанд нийт 238 хурдан морийг 117 хүүхэд унаж уралдсан.
Энэ хүрээнд хүүхдийн эрх, аюулгүй байдлыг хангах чиглэлээр холбогдох байгууллагууд хамтран хяналт тавин ажиллаж байна.

Налайх дүүргийн Хүүхэд, гэр бүлийн хөгжил, хамгааллын хэлтэс нь хууль, журмын хэрэгжилтийг ханган ажиллаж, уралдаанд оролцож буй хүүхэд бүрийн:
✅зориулалтын хамгаалалтын хувцас, хэрэглэл (хуяг, хамгаалалтын дуулга, гутал, суудлын зөөлөвч);
✅гэнэтийн ослын даатгал;
✅эцэг, эх, асран хамгаалагчийн зөвшөөрөл болон холбогдох баримт бичгийг нэг бүрчлэн шалгаж, шаардлагыг бүрэн хангасан хүүхдүүдийг уралдаанд оролцуулж байна.

❗️ Иргэд, эцэг эх, асран хамгаалагчид та бүхнийг Үндэсний их баяр наадмын үеэр хүүхдэдээ тавих хараа хяналтаа сайжруулж, хүүхдийн эрх, аюулгүй байдлыг хамтдаа хамгаалахыг уриалж байна.

🇲🇳 Үндэсний их баяр наадмаараа сайхан наадаарай!

09/07/2026

07/07/2026

ИРГЭД, УЯАЧДЫН АНХААРАЛД

Налайх дүүргийн баяр наадмын Хурдан морины уралдааны унаач хүүхдийн бүртгэл ХҮҮХЭД, ГЭР БҮЛИЙН ХӨГЖИЛ ХАМГААЛЛЫН ХЭЛТСИЙН байранд явагдаж байна.

📌 Унаач хүүхдийг бүртгүүлэхэд бүрдүүлэх шаардлагатай бичиг баримт:
✅ Эцэг, эхийн зөвшөөрлийн бичиг
✅ Эцэг эх, уяачтай байгуулсан аюулгүй байдлын гэрээ
✅ Хүүхдийн төрсний гэрчилгээ
✅ Эцэг, эхийн иргэний үнэмлэхний хуулбар
✅ Уяачийн иргэний үнэмлэх
✅ Эмчийн эрүүл мэндийн тодорхойлолт
✅ Хурдан морины унаач хүүхдийн даатгалын дэвтэр
✅ Унаач хүүхэд цагаан карттай бол авч ирэх
✅ Унаач хүүхэд болон уяач өөрийн биеэр ирж бүртгүүлэх

⚠️ Бичиг баримт дутуу, эсвэл 8 нас хүрээгүй хүүхдийг бүртгэхгүй болохыг анхаарна уу.

07/07/2026

IMC-2026 ОЛОН УЛСЫН МАТЕМАТИКИЙН ОЛИМПИАДЫН БЭЛТГЭЛ АЖЛЫН ХҮРЭЭНД ЗОХИОН БАЙГУУЛАЛТЫН БАГТ ХҮҮХЭД ХАМГААЛЛЫН ЗӨВЛӨМЖ ХҮРГҮҮЛЛЭЭ

IMC-2026 Олон улсын математикийн олимпиадын бэлтгэл ажлын хүрээнд Налайх дүүргийн Хүүхэд, гэр бүлийн хөгжил, хамгааллын хэлтэст ажлын хэсгийн хурал зохион байгуулагдаж хурлаар олимпиадын үеэр сайн дурынхны үйл ажиллагааг чиглүүлэн ажиллах 10 албан хаагчийг бэлтгэж, зохион байгуулалтын үйл ажиллагаанд оролцуулах асуудлыг хэлэлцлээ.

Мөн зохион байгуулалтын багийнханд Хүүхдийн эрхийн улсын ахлах байцаагч Н. Билгүүн Монгол Улсын холбогдох хууль тогтоомж болон “Соёл, спортын үйл ажиллагаанд хүүхдийг оролцуулах, эрхийг хамгаалах журам”-д үндэслэн хүүхэд хамгааллын чиглэлээр зөвлөмж хүргүүлэв.

Тус зөвлөмжөөр олимпиадын үеэр оролцогч хүүхдийн амь нас, эрүүл мэнд, аюулгүй байдлыг хангах, хүүхдийн эрхийг дээдлэх, эрсдэлт нөхцөл байдлаас урьдчилан сэргийлэх, байр, хоол хүнс, тээвэр, эрүүл ахуйн орчны стандартыг хангах, эцэг эх, асран хамгаалагчтай хамтын ажиллагааг сайжруулах, хүүхдийн эрх зөрчигдсөн тохиолдолд шуурхай арга хэмжээ авч холбогдох байгууллагад мэдээллэх зэрэг чиглэлээр анхаарч ажиллах зөвлөмжийг хүргүүллээ.

Түүнчлэн хүүхдийн тусламжийн 108 дугаар болон Налайх дүүргийн Хүүхэд, гэр бүлийн хөгжил, хамгааллын хэлтсийн 7700-2108 дугаарын утсыг хүүхэд, багш, эцэг эхчүүдэд нээлттэй сурталчлан, шаардлагатай үед зөвлөгөө, тусламж авах боломжийг бүрдүүлэхийг зөвлөв.

IMC-2026 олон улсын математикийн олимпиадын бүх үе шатанд хүүхэд бүрийн эрх, хууль ёсны ашиг сонирхлыг дээдлэн, аюулгүй орчинд оролцуулахад талууд хамтран ажиллахаар боллоо.