02/06/2026
ГАЗАР ЭЗЭМШҮҮЛЭХ ДУУДЛАГА ХУДАЛДААНД УРЬЖ БАЙНА
Ханбогд сумын ИТХ-ын 2025 оны 6/04 дүгээр тогтоолоор батласан 2026 оны Газар зохион байгуулалтын төлөвлөгөөний дагуу, төсвийн орлого бүрдүүлэх зорилгоор сумын Засаг даргын 2026 оны А/563 дугаар захирамжаар дараах 5 байршилд газар эзэмшүүлэх цахим дуудлага худалдааг 07 дугаар сарын 03-нд 09:00-15:00 цагийн хооронд зохион байгуулна. Газрын цахим дуудлага худалдааны үнийн саналыг дуудлага худалдаа эхлүүлсэн цагаас эхлэн 15 цаг 00 минут 00 секунд хүртэл үргэлжлүүлэхээр, дуудлага худалдааны үнийн санал авах хугацаа нь 15 цаг 00 минут 00 секундээс эхлэн 60 секундийн хүлээлтийн горимд шилжиж хүлээлтийн хугацаанд үнийн санал ирүүлээгүй нөхцөлд ялагчийг тодруулах 17 цаг хүртэл үргэлжилсэн тохиолдолд 17 цагт хамгийн өндөр үнийн саналыг ялагчаар тодруулах горимоор явагдана.
Дуудлага худалдааг Засгийн газрын 2016 оны 10 дугаар тогтоолын 1 дүгээр хавсралтаар батлагдсан “Газар өмчлүүлэх, эзэмшүүлэх, ашиглуулах дуудлага худалдаа явуулах журам”-ын дагуу явуулна.
Дуудлага худалдаанд оролцох хүсэлтээ 2026 оны 06 дугаар сарын 15-ны өдрөөс 2026 оны 06 дугаар сарын 19-ны өдрийн 15 цаг 00 минут 00 секунд газрын цахим биржийн www.mle.mn сайтад хандан гаргана.
Хүсэлт гаргахдаа газрын цахим биржийн www.mle.mn сайтад бүртгүүлэх шаардлагатай бөгөөд бүртгүүлсэн тохиолдолд таны мэйл хаягаар нэвтрэх нэр, нууц үг ирнэ. Мэйлээр ирсэн нэвтрэх нэр, нууц үгийг ашиглан газрын цахим биржийн программд нэвтрэн орно.
Цахим дуудлага худалдаанд оролцохыг хүссэн иргэн, аж ахуйн нэгж байгууллага дараах материалуудыг бүрдүүлнэ. Үүнд:
1. Дуудлага худалдаанд оролцох хүсэлт
2. Иргэний үнэмлэх болон ААНБайгууллагын улсын бүртгэлийн гэрчилгээний хуулбар
3. Дэнчин төлсөн баримт (Дэнчин нь дуудлага худалдааны доод үнийн 10%тай тэнцүү байна) Төрийн сан банк 100110000967 Өм.Газрын дуудлага худалдааны орлого
Төлбөрийн баримтад оролцож буй дуудлага худалдааны дугаарыг заавал бичих
4. Тэмдэгтийн хураамж 12500 төгрөг бөгөөд татварын itax.mta.mn сайтаар хандан төлбөрийн даалгавар үүсгэн төлнө.
