Дипломат байгууллагын үйлчилгээг эрхлэх газар ТӨҮГ

21/08/2026

📚 “ДЭЭДИЙН БЭЛГЭЭ ӨРГӨЕ” НОМЫН ХАНДИВЫН АЯН

“Дипломат байгуулагын үйлчилгээг эрхлэх газар” ТӨҮГ нь нийгмийн хариуцлагын хүрээнд нийтийн номын сангийн фондыг баяжуулах, хүүхэд, залуучууд болон нийт уншигчдын ном унших, мэдлэгээ тэлэх боломжийг дэмжих, соён гэгээрүүлэх үйлсэд хувь нэмрээ оруулах зорилгоор энэхүү номын хандивын аяныг нийт албан хаагчдынхаа дунд зохион байгуулж байна.

📖 Хүүхэд, залуучуудад зориулсан ном, үлгэр, уран зохиол, танин мэдэхүй, түүх, соёл, урлаг, шинжлэх ухаан болон бусад төрлийн ном хүлээн авна.

🎁 Нэг болон түүнээс дээш ном хандивлах боломжтой.

📅 Хугацаа: 2026.09.10-ны өдрийг дуустал
📍 Ном хүлээн авах цэг: ДБҮЭГ, 205 тоот
📞Утасны дугаар: 89019961

Номын цагаан буян дэлгэрэх болтугай.

20/08/2026

“Сод Монгол Групп” ХХК -ын төлөөлөгчтэй уулзлаа

Дипломат байгууллагын үйлчилгээг эрхлэх газар” ТӨҮГ-ын Захирал Б.Халиун, Санхүү, төлөвлөлт, хамтын ажиллагааны хэлтсийн дарга Ч.Мөнхбат нар “Сод Монгол Групп” ХХК -н жижиглэн борлуулалтын ахлах менежер М.Отгонбаяртай уулзан хамтын ажиллагаа гэрээний хэрэгжилтийн талаар санал солилцлоо.

Уулзалтын үеэр захирал Б.Халиун “Дипломат байгууллагын үйлчилгээг эрхлэх газар” ТӨҮГ-ын үйл ажиллагааны чиглэл, үйл ажиллагааны онцлогийг танилцуулсан, тэр дундаа Автобаазын алба нь төрийн тусгай чиг үүргийг хэрэгжүүлэн Монгол Улсад зохион байгуулагдаж буй төрийн бүхий л айлчлалд дипломат үйлчилгээ үзүүлдгийг онцлон тус үүргийг гүйцэтгэх явцад үүрэг гүйцэтгэж буй автомашинууд шатахуун түлшээр тасарч болохгүйг онцоллоо.

Мөн “Сод Монгол Групп” ХХК-д гэрээний үүргээ биелүүлэн шатахууны үнэ нэмэгдсэнтэй холбоотой бичиг баримтыг ирүүлэх нь гэрээний үүрэг болохыг санууллаа.

“Сод Монгол Групп” ХХК -н жижиглэн борлуулалтын ахлах менежер М.Отгонбаяр шатахуун түгээлтийн өнөөгийн нөхцөл байдлыг танилцуулан, шатахууны үнэ өссөн тайлбарыг өгч гэрээний үүргээ биелүүлж ажиллахаа илэрхийллээ.

Уулзалтын төгсгөлд талууд харилцан гэрээний үүргээ биелүүлэн ажиллахаар санал нэгдлээ.

20/08/2026

“Дипломат байгууллагын үйлчилгээг эрхлэх газар” ТӨҮГ-ын 75 жилийн ойн хүрээнд санаачилсан ажил:

“Дипломат байгууллагын үйлчилгээг эрхлэх газар” ТӨҮГ-ын Захирал Б.Халиун, Захиргааны хэлтсийн дарга Т.Ууганбаатар, Зөвлөх О.Алтансүх, Хуулийн зөвлөх бөгөөд ахлах мэргэжилтэн Ё.Баясгалан, Мэргэжилтэн О.Лхагвасүрэн нар Монголын Үндэсний Олон Нийтийн Радио Телевизийн Ерөнхий захирал Г.Гэрэлтэй хамтарсан уулзалтыг өчигдөр /2026.08.19/зохион байгууллаа.

Уулзалтаар хоёр байгууллагын тус тусын онцлог үйл ажиллагаа, хамтран хэрэгжүүлж болох арга хэмжээний талаар хэлэлцэж, “Дипломат байгууллагын үйлчилгээг эрхлэх газар” ТӨҮГ-ын түүхэн замналыг харуулсан баримтат нэвтрүүлэг, видео танилцуулга бэлдэх ажилд мэргэжлийн байгууллагын дэмжлэг туслалцааг үзүүлэх, хамтын ажиллагааг өргөжүүлэх талаар харилцан санал солилцлоо.

Цаашид талуудын хооронд олон талын хамтарсан төслүүдийг хэрэгжүүлэх шинэ боломжуудыг эрэлхийлж, урт хугацаанд үр дүнтэй ажиллахаар төлөвлөж байна.

20/08/2026

“Дипломат байгууллагын үйлчилгээг эрхлэх газар” ТӨҮГ-ын 75 жилийн ойн хүрээнд санаачилсан ажил:

БНХАУ-ЫН ФУ ЖИАН МУЖИЙН ХУДАЛДААНЫ ТАНХИМЫН ТЭРГҮҮН БОЛОН МОНГОЛЫН ЗАЛУУ БИЗНЕС ЭРХЛЭГЧ ЭМЭГТЭЙЧҮҮДИЙН ХОЛБООНЫ ТЭРГҮҮНТЭЙ УУЛЗАЛТ ХИЙЛЭЭ

“Дипломат байгууллагын үйлчилгээг эрхлэх газар” ТӨҮГ-ын Захирал Б.Халиун, Санхүү, төлөвлөлт, хамтын ажиллагааны хэлтсийн дарга Ч.Мөнхбат. Үйлчилгээ ашиглалтын хэлтсийн дарга Б.Уянга нар. БНХАУ-ын Фу Жиан мужийн худалдааны танхимын тэргүүн ноён Пэн, Лян, Дун болон Монголын залуу бизнес эрхлэгч эмэгтэйчүүдийн холбооны тэргүүн Н.Түвшинбаяр нарын төлөөлөлтэй уулзаж, хамтын ажиллагааны боломжийн талаар санал солилцлоо.

Уулзалтын үеэр “Дипломат байгууллагын үйлчилгээг эрхлэх газар” ТӨҮГ-ын үйл ажиллагаа, үйлчилгээний чиглэлийн дагуу цаашдын хамтын ажиллагааг өргөжүүлэх талаар санал солилцож Чин Ван Ханддоржийн өргөө цогцолборт БНХАУ-ын Фу Жиан мужийн худалдааны танхимын төлөөлөгчдийн бизнес уулзалтыг зохион байгуулахаар тохиролцов.

Түүнчлэн цаашид хоёр тал хамтран хурал, уулзалт, бизнес форум болон бусад арга хэмжээг зохион байгуулах, Монгол Улс, БНХАУ-ын бизнес эрхлэгчид, хөрөнгө оруулагчдын хамтын ажиллагааг дэмжих чиглэлээр хамтран ажиллах боломжийн талаар санал солилцлоо.

Мөн Монголын залуу бизнес эрхлэгч эмэгтэйчүүдийн холбооны тэргүүн Н.Түвшинбаяр тус холбооны “Өглөөний мэнд” уулзалтыг Чин Ван Ханддоржийн өргөө цогцолборт зохион байгуулж байсан, уулзалт зохион байгуулахад Чин Ван Ханддоржийн өргөөний тохижилт, орчин, үйлчилгээний чанар ихэд таалагдсан бөгөөд цаашид санамж бичиг байгуулан хамтарч ажиллахаа илэрхийллээ.

Уулзалтын үеэр Фу Жиан мужийн худалдааны танхимын тэргүүн ноён Пэн Лян Дун Монгол Улсын хөгжлийн боломжийн талаар өөрийн байр суурийг илэрхийлж, “Монгол Улс хөгжлийн чухал үе шатандаа ирээд байна. Цаашид бизнесийн салбарын бодлогыг оновчтой төлөвлөж хэрэгжүүлж чадвал дэлхийн хамгийн баян улс орнуудын нэг болох боломжтой” хэмээн үзэж байгаагаа онцоллоо.

Уулзалтын төгсгөлд талууд цаашид хамтарсан бизнес уулзалт, форум, арга хэмжээг зохион байгуулах, Фу Жиан мужид зохион байгуулагддаг бизнес эрхлэгчдийн уулзалтын арга хэмжээнд хамтарч ажиллахаар санал нэгдлээ.

“Дипломат байгууллагын үйлчилгээг эрхлэх газар” ТӨҮГ нь цаашид олон улсын байгууллага, дипломат төлөөлөгчийн газар, бизнесийн байгууллага болон хөрөнгө оруулагчидтай хамтын ажиллагаагаа өргөжүүлж, бизнес, хөрөнгө оруулалтын орчныг дэмжих чиглэлээр өөрийн үндсэн чиг үүрэг, үйл ажиллагааны хүрээнд хамтран ажиллах боломжийг эрэлхийлэн ажиллах юм.

19/08/2026

“Дипломат байгууллагын үйлчилгээг эрхлэх газар” ТӨҮГ-ын 75 жилийн ойн хүрээнд санаачилсан ажил:

Өнөөдөр Дипломат байгууллагын үйлчилгээг эрхлэх газрын Захирал Б.Халиун, Санхүү, төлөвлөлт, хамтын ажиллагааны хэлтсийн дарга Ч.Мөнхбат, Үйлчилгээ, ашиглалтын хэлтсийн дарга Б.Уянга, Чин Ван Ханддоржийн өргөөний менежер Н.Мөнхтуул нар Соёл, спорт, аялал жуулчлал, залуучуудын яамны харьяа Соёлын өвийн үндэсний төвийн Архитектурын өвийн судалгааны газрын дарга Т.Эрдэнэцогт, архитектурын зураг төслийн мэргэжилтэн А.Намуун нартай уулзлаа.

Уулзалтаар Чин ван Ханддоржийн өргөөний сэргээн засварлалтын ажлын хүрээнд архитектурын өвийн судалгаа, зураг төсөл, сэргээн засварлалтын ажлын зохион байгуулалт болон цаашид хэрэгжүүлэх арга хэмжээний талаар санал солилцож, хамтарч ажиллахаар боллоо.

18/08/2026

“Дипломат байгууллагын үйлчилгээг эрхлэх газар” ТӨҮГ-ын 75 жилийн ойн хүрээнд санаачилсан ажил:

Инженерийн шугам сүлжээний ашиглалт, засвар үйлчилгээний чиглэлээр хамтын ажиллагааг өргөжүүлэхээр тохиролцов.

Өнөөдөр “Дипломат байгууллагын үйлчилгээг эрхлэх газар” ТӨҮГ-ын Захирал Б.Халиун, Үйлчилгээ, ашиглалтын хэлтсийн дарга Д.Уянга, Хяналтын ерөнхий инженер Р.Сувдмаа нар Орон сууц, нийтийн аж ахуйн удирдах газрын дарга Э.Энхтөртэй уулзаж, цаашдын хамтын ажиллагааг өргөжүүлэх асуудлаар санал солилцлоо.

Уулзалтын үеэр хоёр байгууллагын хамтын ажиллагааны өнөөгийн байдал, цаашид хэрэгжүүлэх боломжтой ажил, арга хэмжээний талаар хэлэлцэж, инженерийн шугам сүлжээний ашиглалт, засвар үйлчилгээний чиглэлд хамтран ажиллах шаардлага, ач холбогдлын талаар харилцан санал нэгдэв.

Уулзалт ажил хэрэгч, үр дүнтэй болж, цаашид инженерийн шугам сүлжээний ашиглалт, засвар үйлчилгээний чиглэлээр хамтын ажиллагааны гэрээ байгуулан, харилцан уялдаатай ажиллахаар тохиролцлоо.

Энэхүү хамтын ажиллагаа нь байгууллагын эзэмшил, ашиглалтад байгаа барилга байгууламжийн инженерийн шугам сүлжээний найдвартай ажиллагааг хангах, ашиглалт, засвар үйлчилгээний чанар, шуурхай байдлыг сайжруулахад чухал ач холбогдолтой юм.

04/08/2026

“ДИПЛОМАТ БАЙГУУЛЛАГЫН ҮЙЛЧИЛГЭЭГ ЭРХЛЭХ ГАЗАР” ТӨҮГ-ЫН НЭГДСЭН ХУРАЛ БОЛЛОО

“Дипломат байгууллагын үйлчилгээг эрхлэх газар” ТӨҮГ-ын албан хаагчдийн ээлжит нэгдсэн хурал Чин Ван Ханддоржийн өргөөнд зохион байгуулагдлаа.

Хурлыг тус газрын захирал Б.Халиун нээж, байгууллагын 2026 оны үйл ажиллагааны зорилго, зорилт, “Бүтээмжид суурилсан жил”-ийн хүрээнд хэрэгжүүлж буй бодлого, хэлтэс нэгжүүдийн хамтын ажиллагааны уялдаа холбоог бэхжүүлэх, бүтээмж, үр ашгийг нэмэгдүүлэх талаар нийт албан хаагчдад үүрэг, чиглэл өглөө.

Хурлын үеэр Захиргааны хэлтсийн дарга Т.Ууганбаатар Хөдөлмөрийн дотоод журам, Ёс зүйн дүрэмд тусгагдсан ажилтны эрх, үүрэг, хариуцлага, Ёс зүйн дэд хорооны үйл ажиллагаа, түүнчлэн хөдөлмөрийн аюулгүй байдал, эрүүл ахуйн шаардлагыг ханган ажиллахтай холбоотой нэгдсэн мэдээллийг нийт албан хаагчдад хүргэлээ.

Мөн гадаад улсад томилолтоор ажиллах хугацаагаа дуусгаад ирсэн албан хаагчдад байгууллагын шинэчлэгдсэн бүтэц, орон тоо, дотоод зохион байгуулалтын онцлог, үйл ажиллагааны дэлгэрэнгүй мэдээллийг хүргэж, тэднийг албан тушаалд томилох тухай захирлын тушаалыг танилцуулав.

Нэгдсэн хуралдаанд Санхүү, төлөвлөлт, хамтын ажиллагааны хэлтсийн дарга Ч.Мөнхбат байгууллагын 2026 оны санхүү, төлөвлөгөөний хагас жилийн хэрэгжилт, санхүүгийн үйл ажиллагааны явцын талаар мэдээлэв.

Хурлын төгсгөлд захирал Б.Халиун нийт албан хаагчдад ажлын өндөр амжилт хүсэж, байгууллагын зорилго, зорилтыг хэрэгжүүлэхэд хариуцлага, сахилга бат, хамтын ажиллагаа, бүтээмжийг эрхэмлэн ажиллахыг уриалснаар нэгдсэн хурал өндөрлөлөө.

10/07/2026

🇲🇳МЭНДЧИЛГЭЭ🇲🇳

Хөх мөнх тэнгэр ивээж, хөрст алтан дэлхий түшиж, төрт ёсны гал голомт бадарсан Үндэсний их баяр наадмын баярт өдрийг тохиолдуулан Монгол түмэндээ халуун баярын мэндийг өргөн дэвшүүлье.

“Дипломат байгууллагын үйлчилгээг эрхлэх газар” ТӨҮГ

07/07/2026