Дашзэгвийн Ууганбаяр

10/07/2026

🇲🇳 Та бүхэндээ Тулгар төрийн 2235 жил, Их Монгол Улс байгуулагдсаны 820 жил, Үндэсний эрх чөлөө, тусгаар тогтнолоо сэргээн мандуулсны 115 жил, Ардын хувьсгалын 105 жил, Ардчилсан хувьсгалын 36 жилийн ойн Үндэсний их баяр наадмын мэндийг өргөн дэвшүүлье.

Дэлхийд ганцхан Монгол наадмаараа дэнж хотойтол дэлгэр сайхан наадаарай. 🌷🥀🌺💐

СҮХБААТАР ДҮҮРГИЙН АРДЧИЛСАН НАМ

10/07/2026

🇲🇳 Үндэсний их баяр наадмын босгон дээр Монгол Улсын Ерөнхийлөгчийн зарлигаар Үйлчилгээний гавьяат ажилтан цолоор шагнууллаа.

Энэхүү эрхэм хүндтэй шагналыг Сүхбаатар дүүргийнхээ хөгжил, иргэдийн сайн, сайхны төлөө олон жил хамтдаа зүтгэсэн хамт олон, итгэл хүлээлгэж сонгосон сонгогчид та бүхний маань хамтын хөдөлмөр, зүтгэлийн үнэлгээ гэж ойлгон хүндэтгэлтэйгээр хүлээн авлаа.

Үргэлж хамт байдаг хамт олон, дэмжиж түшдэг иргэд та бүхэндээ чин сэтгэлийн талархал илэрхийлье.

Цаашид хамт олон, иргэд сонгогчид та бүхнийхээ итгэлийг дааж, хамтран ажиллаж, илүү сайн сайхан зүйлсийг бүтээнэ гэдэгтээ итгэлтэй байна.

Та бүхэндээ Тулгар төрийн 2235 жил, Их Монгол Улс байгуулагдсаны 820 жил, Үндэсний эрх чөлөө, тусгаар тогтнолоо сэргээн мандуулсны 115 жил, Ардын хувьсгалын 105 жил, Ардчилсан хувьсгалын 36 жилийн ойн Үндэсний их баяр наадмын мэндийг өргөн дэвшүүлье.

Дэлхийд ганцхан Монгол наадмаараа дэнж хотойтол дэлгэр сайхан наадаарай. 🌷🥀🌺💐

Хүндэтгэсэн УИХ-ын гишүүн Хөххүүгийн Болормаа

09/07/2026

🎉 Монгол Улсын Ерөнхийлөгчийн зарлигаар "Үйлчилгээний гавьяат ажилтан" цолоор шагнагдсан Улсын Их Хурлын гишүүн Хөххүүгийн Болормаа Танд халуун баяр хүргэе! 💐🇲🇳

🌸 Сүхбаатар дүүргийн Эрүүл мэндийн төв, Өрхийн эрүүл мэндийн төвүүдийн нийт эмч, эмнэлгийн ажилтнуудын нэрийн өмнөөс Танд чин сэтгэлийн баяр хүргэж, гүн талархал илэрхийлье.

🏥 Сүхбаатар дүүргийн эрүүл мэндийн салбарын хөгжил, бүтээн байгуулалт, иргэдэд үзүүлэх эрүүл мэндийн тусламж, үйлчилгээний чанар, хүртээмжийг сайжруулах чиглэлээр санаачилга гарган, бодлогын түвшинд тасралтгүй дэмжиж, хамтран ажиллаж ирсэнд нийт иргэд, үйлчлүүлэгчдийнхээ нэрийн өмнөөс гүн талархал илэрхийлье. 🤝💙

✨ Түүнчлэн Сүхбаатар дүүргийн 13 дугаар хороонд шинээр ашиглалтад орсон "Сэлбэ" нэгдсэн эмнэлгийн төслийг анхлан санаачилж, бодлогын түвшинд тууштай дэмжин бодит ажил хэрэг болгон хэрэгжүүлсэн Танд чин сэтгэлийн талархал илэрхийлье. 🏥🌟

🌹 Цаашдын ажил үйлс тань улам өргөжин тэлж, эрүүл энх, аз жаргал, амжилт бүтээлээр дүүрэн байж, Монгол Улсын эрүүл мэндийн салбарын хөгжилд оруулах хувь нэмэр тань улам арвин байхыг хүсэн ерөөе. 🇲🇳🎊

💙 Сүхбаатар дүүргийн Эрүүл мэндийн төв болон Өрхийн эрүүл мэндийн төвүүдийн хамт олноос нь

03/07/2026

30/06/2026

30/06/2026

26/06/2026

МЭДЭГДЭЛ

Сүүлийн өдрүүдэд Сүхбаатар дүүргийн Ардчилсан намын дотоод сонгууль болон намын үйл ажиллагаатай холбоотой баталгаагүй, нэг талыг барьсан мэдээлэл цахим орчинд түгээж, намын гишүүд, дэмжигчид болон олон нийтийн дунд ташаа ойлголт төрүүлэх оролдлого гарч байгаатай холбогдуулан дараах албан ёсны тайлбарыг хүргэж байна.

Ардчилсан намын хэмжээнд зохион байгуулагдсан дотоод сонгуулийн үр дүнг 2026 оны 4 дүгээр сарын 8-ны өдөр болсон Намын Их Хурал хэлэлцэн баталгаажуулж, 21 аймаг, 9 дүүргийн намын байгууллагын сонгуулийн үр дүнг хүчин төгөлдөрөөр хүлээн зөвшөөрсөн болно.

Үүний дараа тус Намын Их Хурлаас шинээр сонгогдсон Хяналтын Ерөнхий Хороо 2026 оны 5 дугаар сарын 29-ний өдрийн Дунд суудлын хуралдаанаараа Д/04 дүгээр тогтоол гарган, Сүхбаатар дүүргийн дотоод сонгуультай холбоотой асуудлаар шийдвэр гаргасан нь намын гишүүдийн дунд тус сонгуулийн эрх зүйн байдлын талаар өөр өөр ойлголт үүсэх нөхцөл бүрдүүлээд байсан.

Энэхүү асуудлыг Ардчилсан намын Улс Төрийн Зөвлөл 2026 оны 6 дугаар сарын 11-ний өдөр хэлэлцэж, Хяналтын Ерөнхий Хорооны Д/04 дүгээр тогтоолыг эрх зүйн зөрчилтэй болохыг дурдаад, 28 дугаар тогтоол гаргасан байна.

Цаашид Хяналтын Ерөнхий Хорооны дүрмийн бус шийдвэр гаргасан асуудал нь Ардчилсан намын дүрэмд заасан байгууллагуудаар зохих журмын дагуу үргэлжлэн хэлэлцэгдэх болно.

Сүхбаатар дүүргийн Ардчилсан намын байгууллагын өдөр тутмын үйл ажиллагаа хэвийн үргэлжилж байгаа бөгөөд намын сонгогдсон удирдлагууд бүрэн эрхийнхээ хүрээнд хэвийн ажиллаж байгааг албан ёсоор мэдэгдэж байна.

Иймд Сүхбаатар дүүргийн Ардчилсан намын нийт гишүүд, дэмжигчид та бүхнийг баталгаагүй, нэг талыг барьсан мэдээлэлд үндэслэн дүгнэлт хийхгүй байхыг хүсье.

СҮХБААТАР ДҮҮРГИЙН АРДЧИЛСАН НАМ

2026 оны 6 дугаар сарын 26