Батсуурийн Даваадалай Davaadalai Batsuury

Батсуурийн Даваадалай Davaadalai Batsuury "ЭРДЭНЭС МОНГОЛ" НЭГДЛИЙН ГҮЙЦЭТГЭХ ЗАХИРАЛ Монгол Улсын Ерөнхийлөгчийн эдийн засгийн бодлогын зөвлөх Б.Даваадалай

01/08/2026

🎶Мартагдах учиргүй соёлын өв

Баянхонгор аймагт үе дамжин өвлөгдөн ирсэн үндэсний тоглоом наадгайн нэгэн нандин өв бол “Дуутай хуруу” наадгай

Дайчин вангийн хошуу нутгаас уламжлагдан ирсэн дэмбээний нэгэн төрөл болох энэхүү наадгай нь зөвхөн тоглоом бус, монгол ахуй, үлгэр сургааль, хүмүүжил, ёс заншил, өв соёлыг аялгуу хэмнэлээр дамжуулан сэтгэлд хоногшуулдаг үнэт өв билээ.

Хошуу нутаг, халуун бүлээрээ тоглож, үеэс үед өвлөгдөн ирсэн энэхүү наадгай нь Баян-Овоо нутгийн ахуй амьдрал, оюуны соёлын салшгүй нэгэн хэсэг болсоор иржээ.

Түүхээ дээдэлж, өв соёлоо эрхэмлэн, үр хойчдоо өвлүүлэн үлдээх нь бидний эрхэм үүрэг

🌿Өв соёл мөнхөд оршиж, Баян-Овоогийн үнэт өв үеийн үед түгэн дэлгэрэх болтугай

🐎Баянхонгор аймгийн Баян-Овоо сумын 80 жилийн ой, “Аймгийн төвийн бүсийн хурд-2026” хурдан морьдын уралдааны Соёолон нас...
30/07/2026

🐎Баянхонгор аймгийн Баян-Овоо сумын 80 жилийн ой, “Аймгийн төвийн бүсийн хурд-2026” хурдан морьдын уралдааны Соёолон насанд Баянхонгор аймгийн Баян-Овоо сумын уяач Батсуурийн Цэдэвсүрэнгийн ХАЛТАР ҮРЭЭ айргийн гуравт хурдалж, Дуурсахын хөндийд цугласан наадамчин олноо баясгалаа. Хурдан халтар үрээг Баянхонгор аймгийн алдарт уяач Бадрайн Түвшинжаргал уяа сойлгыг нь тааруулжээ.

🇲🇳Баянхонгор аймгийн Баян-Овоо сум байгуулагдсаны түүхт 80 жилийн ойн баяр наадмын нээлт өргөн дэлгэр боллоо.Нутгийн ирг...
30/07/2026

🇲🇳Баянхонгор аймгийн Баян-Овоо сум байгуулагдсаны түүхт 80 жилийн ойн баяр наадмын нээлт өргөн дэлгэр боллоо.

Нутгийн иргэд ураг төрөл, элгэн садан, халуун ам бүлээрээ цуглан түүхт ойн баяраа бахдал дүүрэн тэмдэглэж байна.

Ахмад үеийнхнийхээ бүтээснийг улам бататгаж, байгаль дэлхий, нуур ус, бэлчээр нутгаа хайрлан хамгаалж, уламжлалт мал аж ахуйгаа хөгжүүлж буй нутгийн зон олон минь дэлгэр сайхан наадаарай.

Баян-Овоо нутгийн минь өрх бүрийн голомт өөдөө, мал сүрэг нь арвин, зон олны хийморь золбоо төгөлдөр байхын өлзийтэй ерөөлийг өргөн дэвшүүлье.

Хотол олноороо сайхан наадаарай!

29/07/2026

Баянхонгор аймгийн Баян-Овоо сумын түүхт 80 жилийн ойн баярын Их насны морьдын уралдаанд Монгол Улсын Алдарт уяач Б.Батсанаагийн унаган адуу, Бууцагаан сумын уяач Батбаатарын Пүрэвдоржийн хул хээр Айргийн дөрөвт хурдаллаа.

Хул хээр адууг Завхан аймгийн Тосонцэнгэл сумын Д. Жамьяндорж хүү унаж хурдлуулжээ.

29/07/2026

Баянхонгор аймгийн Баян-Овоо сумын түүхт 80 жилийн ойн баярын Их насны морьдын уралдаанд Баянхонгор аймгийн Эрдэнэцогт сумын уяач Тэрбишийн Мөнхсэргэлэнгийн хүрэн халзан адуу Айргийн гуравт хурдаллаа.

Дорнод аймгийн Сэргэлэн сумын Улсын аварга малчин Агааны Батзоригийн унаган адуу Хүрэн халзаныг Тод манлай уяач О.Батболд болон залуу уяач М.Шинэжил нар уяа сойлгыг нь тааруулж, Төв аймгийн Борнуур сумын харьяат н.Төрмандах хүү унаж хурдлуулжээ.

29/07/2026

🐎 Баянхонгор аймгийн Баян-Овоо сумын түүхт 80 жилийн ойн баярын Их насны морьдын уралдаанд
Баянцагаан сумын Аймгийн алдарт уяач Жанчивын Гэрэлмөнхийн хонгор аман хүзүүд хурдалж, наадамчин олноо баясгалаа.

Хурдан хүлгийг Аймгийн алдарт уяач Ц.Саранбаатар уяж сойн, Б.Бодь-Эрдэнэ хүү унаж хурдлуулжээ.

29/07/2026

🇲🇳БАЯНХОНГОР АЙМГИЙН БАЯН-ОВОО СУМЫН ТҮҮХТ 80 ЖИЛИЙН ОЙН БАЯР НААДАМД МОНГОЛ УЛСЫН 34 ДЭХ ЕРӨНХИЙ САЙД Г.ЗАНДАНШАТАРЫН МЭНДЧИЛГЭЭГ УЛАМЖИЛЛАА

Та бүхэндээ төрөлх Баянхонгор аймаг байгуулагдсаны 85 жил, Баян-Овоо сум байгуулагдсаны түүхт 80 жилийн ойн давхар баярын халуун мэндийг өргөн дэвшүүлье!

Тэртээ 1946 онд Эрдэнэцогт, Баацагаан сумын есөн багийг нэгтгэн, 600 гаруй өрхтэйгээр Хөхбүрд нуурынхаа хөвөөнд гал голомтоо асаасан Баян-Овоо сум маань өдгөө 80 жилийн баялаг түүхийг бүтээжээ.

Өдгөө энэ л нутагтаа Мандалхайрхан, Уранхайрхан, Асгамба, Мэргэн багийн хөдөлмөрч зон олон маань мал сүргээ өсгөн үржүүлж, сум орныхоо хөгжил дэвшил, өнгө төрхийг тодорхойлон явна.

Монгол хэмээх их гэрийн нэгэн бат бөх багана нь Баянхонгор нутаг, Баянхонгор хэмээх их айлын нэгэн өнөр гал голомт нь Баян-Овоо сум юм.

Өнгөрсөн наян жил бол Баян-Овоо нутгийнхны хөдөлмөрөөр бүтсэн бахархалт түүх. Харин ирэх наян жил бол бидний өнөөдөр гаргах шийдвэр, эв нэгдэл, хичээл зүтгэлээр бичигдэх хөгжлийн шинэ түүх байх болно.

Байшинтын таг шигээ сүрлэг
Баян-Овоо нэр шигээ буян хишигтэй
Хөхбүрд нуур шигээ тунгалаг, амгалан
Баян-Овоо нутгийнхаа түүхт 80 жилийн ойг тэмдэглэж буй та бүхэндээ чин сэтгэлийн баяр хүргэе!

29/07/2026

Нэр шигээ баян, буян хишиг нь дэлгэрсэн Баянхонгор аймгийн Баян-Овоо сум үүсэн байгуулагдсаны түүхт 80 жилийн ойн баяр наадам өргөн дэлгэр, омог төгөлдөр үргэлжилж байна.

Мандалхайрхан, Уранхайрхан, Асгамба, Мэргэн багийн хөдөлмөрч, бүтээлч зон олон мал сүргээ өсгөн үржүүлж, өв соёлоо өвлөн хадгалж, төрөлх сумынхаа хөгжил дэвшил, өнгө төрхийг бүтээл хөдөлмөрөөрөө тодорхойлсоор байна.

Түүхт 80 жилийн ойн баяр наадамдаа хол ойроос зорин ирж, элгэн садан, нутаг усныхантайгаа учран золгож, баяр цэнгэлээ хуваалцаж буй Баян-Овоочуудын сэтгэл нэгэн, бахархал нэгэн, ерөөл нэгэн байна.

Төрөлх нутгийнхаа түүхийг дээдэлж, өв соёлоо эрхэмлэн, ирээдүйгээ хамтдаа бүтээх өлзийтэй ерөөлөөр дүүрэн Баян-Овоо сумынхаа түүхт 80 жилийн ойн баяр наадам мөнхөд дурсагдах сайхан наадам байг ээ.

Баян-Овоо сум минь мөнхөд хөгжин дэлгэрч, буян хишиг нь үеийн үед арвижих болтугай!

Address

Ulaanbaatar
11976

Website

Alerts

Be the first to know and let us send you an email when Батсуурийн Даваадалай Davaadalai Batsuury posts news and promotions. Your email address will not be used for any other purpose, and you can unsubscribe at any time.

Shortcuts

Share

Category