УИХ дахь ХҮН нам

УИХ дахь ХҮН нам Монгол Улсын Их Хурал дахь ХҮН намын Зөвлөлийн албан ёсны хуудас

04/07/2026

Л.Энхнасан, УИХ-ын гишүүн:

Австрийн Засгийн газартай байгуулсан санхүүгийн хамтын ажиллагааны хэлэлцээрийг соёрхон батлах хуулийн төслийг Аюулгүй байдал, гадаад бодлогын байнгын хороо дэмжлээ. Төслийн хүрээнд хорт хавдрыг өндөр нарийвчлалтай эмчлэх төв байгуулах ач холбогдолтой.

Лутаагийн Энхнасан

04/07/2026

Б.Найдалаа, Эрчим хүчний сайд:

Салбарын ужиг асуудлыг шийдэхийн тулд тариф, засаглалын цогц шинэчлэл хийнэ. Солонгосын зээлээр гацаад байсан 10 аймгийн дулааны станцын төслийг улсын төсвөөс 400 тэрбум төгрөгөөр санхүүжүүлж, 2028 оны 1-р улиралд багтаан ашиглалтад оруулахаар ажиллаж байна.

Бадрахын НАЙДАЛАА

04/07/2026

Б.Найдалаа, Эрчим хүчний сайд:
Эрчим хүчний дэд бүтцийг яаралтай тэлэхгүй бол сэргээгдэх эрчим хүч шингээх чадвар тулсан. Үнэ тарифыг өртөгт нь дүйцүүлж, компаниудын санхүү, зээлжих чадварыг сайжруулахгүй бол дараагийн төслүүд тасалдана. Ханшны эрсдэлийг шийдэх шаардлагатай.

Бадрахын НАЙДАЛАА

04/07/2026

П.Наранбаяр, УИХ-ын гишүүн:

Өнөөдрийн чуулганы нэгдсэн хуралдаанаар Орон сууцжуулалтын тухай, Орон сууцны санхүүжилтийн төрөлжсөн банк байгуулах тухай хуулийн төслүүдийг үзэл баримтлалын хүрээнд хэлэлцэхийг дэмжив. Миний байр суурь:
1. Иргэдэд хамгийн бага зардлаар нийгмийн орон сууцанд суух боломж бүрдүүлж байгаа ч үлдсэн зардлыг төсвөөс гаргахад ямар хэмжээний үр ашиг болон дарамт ирэхийг нарийн тооцох хэрэгтэй.
2. Баянзүрх дүүрэгт олноор байдаг хувийн нийтийн байр, дотуур байрнуудын талбай, түрээсийн үнийг судалсан эсэх болон энэхүү хууль тэдний зах зээлд хэрхэн нөлөөлөхийг тодруулах шаардлагатай байна.
3. Мэдээлэл сайтай, томоохон ААН-үүд их хэмжээний газар чөлөөлүүлж авчихаад яг барилга барьдаг жижиг, дунд компаниудад өндөр үнээр өгдөг. Жишээлбэл, төрөөс мөнгө гаргаж, бонд хүртэл босгож, бариулсан “Сэлбэ” хотхоны байр өнөөдөр м.кв нь 4.8 сая төгрөгт хүрчихээд байгаа нь дундын зуучлагч нарын үр дагавар. Үүнийг хуулиар зохицуулж өгөх шаардлагатай.

Пүрэвсүрэнгийн Наранбаяр-Naranbayar Purevsuren

ХҮН намын Зөвлөл хаврын ээлжит чуулганы үргэлжлэх хугацаанд онцгой үр дүнтэй ажиллалаа.📌 2026 оны хаврын ээлжит чуулган ...
03/07/2026

ХҮН намын Зөвлөл хаврын ээлжит чуулганы үргэлжлэх хугацаанд онцгой үр дүнтэй ажиллалаа.

📌 2026 оны хаврын ээлжит чуулган 79 хуралдаж, анхдагч хууль 18, хуулийн шинэчилсэн найруулга 2, хуульд нэмэлт, өөрчлөлт оруулах тухай хууль 188, олон улсын гэрээ соёрхон батлах тухай хууль 7, хууль хүчингүй болсонд тооцох тухай хууль 5, Улсын Их Хурлын тогтоол 58-ыг хэлэлцэн баталлаа.

02/07/2026

Б.Мөнхсоёл, УИХ-ын гишүүн:

МҮОНРТ өсөж хөгжсөнгүй, нэр дэвшигчдэд итгэл үнэмшил, суурь мэдлэг алга. Сонгуулийн хэрэгсэл биш олон нийтийн эрх ашигт нийцсэн, бие даасан, хариуцлагатай байх ёстой. Үзэгчдээ судалж, хариуцлагаа ухамсарлахыг хатуу анхааруулъя.

Баатаржавын МӨНХСОЁЛ

02/07/2026

Б.Мөнхсоёл, УИХ-ын гишүүн:

УИХ-аар Эдийн засгийн эрх чөлөөний тухай хуулийн төслийн хамт өргөн мэдүүлсэн бусад хуулийн төслүүдийн анхны хэлэлцүүлгийг хийж, Эдийн засгийн байнгын хороонд шилжүүлсэн. Тус байнгын хороо 2026 оны 7-р сарын 1-нд хуралдаж, дэг хуулийн дагуу зарчмын зөрүүтэй саналуудыг шийдвэрлэн, эцсийн хэлэлцүүлэгт бэлтгэлээ.

Баатаржавын МӨНХСОЁЛ

02/07/2026

Т.Доржханд, Монгол Улсын Шадар сайд:

Өрийн удирдлага сайн, ДНБ-ий 40%-иас буурсан ч популизмаас болж гадны хямд зээл, экспертизийг авч дэд бүтцээ санхүүжүүлж чадахгүй байна. Олон улсын байгууллагууд үйл ажиллагаагаа танаж эхэллээ. Илүү нээлттэй байж боломжийг ашиглах хэрэгтэй.

Тогмидын Доржханд

Улсын Их Хурлын 2026 оны 7-р сарын 2-ны өдрийн чуулганы нэгдсэн хуралдаанаар “Нийгмийн даатгалын ерөнхий хуульд нэмэлт, ...
02/07/2026

Улсын Их Хурлын 2026 оны 7-р сарын 2-ны өдрийн чуулганы нэгдсэн хуралдаанаар “Нийгмийн даатгалын ерөнхий хуульд нэмэлт, өөрчлөлт оруулах тухай” хуулийн төслийг эцэслэн батлав.

Хүний хөгжил, нийгмийн бодлогын байнгын хороо Тэтгэврийн тогтолцооны шинэчлэл хийж буй олон давхаргат тэтгэврийн тогтолцоо буюу орлогын 3 эх үүсвэртэй болгох, тэтвэрийн хэмжээг нэмэгдүүлэх зэрэг чухал өөрчлөлтүүд хийсэн уг хуулийн төслийг УИХ-аар богино хугацаанд амжилттай хэлэлцүүлэн батлууллаа. 🇲🇳 👏

Уг хуульд:
🔹 Ахмад настнуудад 100,000-300,000 төгрөгийн суурь тэтгэвэр шинээр олгоно. 2027.01.01-нээс 435 мянган ахмад настанд олгоно.
🔹 2033 оноос эхлэн 10 жилийн цалингийн дунджаас тэтгэвэр бодно. Нэрийн дансны даатгуулагчийн тэтгэврийн хэмжээ огцом буурахгүй.
🔹 Тэтгэвэр тогтоолгох наснаас хойш ажиллавал жил тутамд сарын тэтгэврийг 4%-иар нэмэгдүүлнэ. Наснаасаа өмнө гарвал 4% буурна.
🔹 Сайн дураар шимтгэлээ хувийн тэтгэврийн сангуудад төлж, ирээдүйд нэмэлт тэтгэвэр авах нөхцөл бүрдэв.
🔹 Цагийн ажил хийж байгаа оюутнуудыг НДШ-ээс чөлөөлнө.
🔹 1-5 ажилтантай ажил олгогчийн төлөх НДШ-ийг 3 хүртэлх ажилтанд 36 сараар чөлөөлнө.
🔹 Давхар ажил гүйцэтгэдэг иргэн өөрөө сонгож, 1 ажлаасаа НДШ төлнө.
🔹 Албан бус хөдөлмөр эрхлэгч шимтгэл төлж эхэлбэл 50% хөнгөлөлттэй.

02/07/2026

Б.Мөнхсоёл, УИХ-ын гишүүн:

Төсвийн гүйцэтгэлээр шинэ төслийн 37.8% нь бодлогогүй, барилга байгууламжийн төслийн 50% нь зураггүй, эдийн засгийн үр ашгийн тооцоо 37% нь хийгдээгүй. Цаашид төсвийг мөнгө үрснээр биш үр дүнгээр нь дүгнэж, хариуцлагын тогтолцоог УИХ-ын дэгийн хуулиар нарийвчлан зохицуулах шаардлагатай.

Баатаржавын МӨНХСОЁЛ

Address

Ulaanbaatar

Telephone

+97677000414

Website

Alerts

Be the first to know and let us send you an email when УИХ дахь ХҮН нам posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to УИХ дахь ХҮН нам:

Shortcuts

Share

Category