ЭМЯ-ны харъяа Хүүхдийн Төв Сувилал

19/08/2026

Эрүүл мэндийн салбарын нийт эмч, сувилагч, эмнэлгийн мэргэжилтэн, ажилтан, албан хаагчид та бүхэндээ Эрүүл мэндийн ажилтны баяр-ын мэнд хүргэе! 🩺✨
Бяцхан үрсийнхээ төлөө цаг наргүй зүтгэдэг эмч, сувилагч, нийт хамт олон та бүхэндээ эрүүл энх, аз жаргал, ажил хөдөлмөрийн өндөр амжилт хүсье! 🙏💖

#ХүүхдийнТөвСувилал #ЭрүүлМэндийнАжилтныӨдөр

05/08/2026

🍼 ХӨХӨӨР ХООЛЛОЛТ ТҮҮНИЙ АЧ ХОЛБОГДОЛ 🤱✨

Бяцхан үрээ хорвоод мэндэлсэн цагаас нь эхлэн эрүүл, зөв өсгөж хүмүүжүүлэхэд хөхөөр хооллолт ямар чухал үүрэгтэй гээч? Ээж бүрийн мэдэх ёстой бяцхан зөвлөгөөг хүргэж байна. 👇

⏰ Хэзээ хөхөөр хооллож эхэлвэл зохистой вэ?
Амаржсаны дараах эхний 1 цаг бол эх болон нярайн хувьд маш чухал үе юм. Хөхөөр хооллох нь нарийн бүтэцтэй мэдрэлийн үйл ажиллагаа байдаг.

Хүүхдийг төрсөн дариуд нь эхийн энгэрт наах нь хүүхдийг тайвшруулж, хөхөө амлахад нь хамгийн их тусалдаг. Хэрэв эх, хүүхэд хоёрыг төрснийх нь дараа хамт тэврүүлж үлдээвэл хүүхэд 30 минутаас 1 цагийн дотор хөхөө өөрөө амладаг гайхамшигтай байгалийн зөн совинтой төрдөг байна. 🌿

🥗 Хөхүүл ээжүүд юу идвэл зохистой вэ?
Ихэнх ээжүүд хөхөөр хооллож байхдаа хүссэн зүйлээ идэж болно оо. Ердийн хоолны зуршлаа нэг их эвдэх шаардлагагүй.

Хамгийн сонирхолтой нь: Эхийн идсэн хүнс тэжээл хүүхдэд хөхний сүүгээр дамжин амт нь танил болдог! Өөрөөр хэлбэл, хүүхдийг 6 сартайгаас нь бор хоолонд ороход нь үл мэдэгдэх байдлаар ингэж бэлддэг байна. 🥕🥦

🛡️ Эхийн сүүний гайхамшигтай ач холбогдол:
Хүүхдийг 6 сар хүртэл дан хөхөөрөө, 2 нас хүртэл нь үргэлжлүүлэн хооллох нь эрүүл мэндэд нь нэн тустай.

Судалгаагаар эхийн сүүгээр дагнан хооллосон хүүхдүүдийн гэдэсний халдварын улмаас эмнэлэгт хэвтэх тохиолдол 72%-иар, амьсгалын замын халдвараас шалтгаалсан нь 57%-иар тус тус буурдгийг тогтоожээ.

Эхийн сүүнд дархлааны уургууд агуулагддаг бөгөөд энэ нь хүүхдийн хоол боловсруулах тогтолцоог тэр чигт нь бүрхэж вирус, нян орохоос хамгаалдаг.

Насан туршид нь халдварт өвчин, таргалалт, чихрийн шижин, цусны хорт хавдар, шүдний эмгэг, харшлаас хамгаалж, оюун ухааны хөгжилд маш сайнаар нөлөөлдөг. ✨

💖 Хүүхэд төрмөгц аль болох хурдан амлуулснаар:

Гадаад орчиндоо дасан зохицох чадвар сайжирна.

Амьсгалын болон хоол боловсруулах эрхтэний эмгэгээр өвдөх нь багасна.

Эхийн умайн агшилт сайжирна.

Хөхөнд сүү үүсэх үйл явц идэвхждэг.

Хөхөндөө цадахгүй бол нэмэгдэл хоолонд оруулна.

🍼 Миний хүүхэд хэр их идэх хэрэгтэй вэ?
Хүүхдийг хүссэн үед нь хөхүүлнэ. Нярай хүүхэд маш хурдтай өсөж томордог тул сүүгээ сайн уух шаардлагатай байдаг (эхний 6 сарын дотор л гэхэд жин нь хоёр дахин нэмэгддэг шүү дээ).

Ээж өөрөө сайн амарч, зөв хооллох, хөхөө зөв саах талаар зөвлөгөө авч, бяцхан үрээ халамжлан хамт байх нь чухал.

❓ Хүүхэд хөхүүлэхээсээ өмнө хөхний толгойгоо угааж болох уу?
Үгүй ээ, заавал угаах шаардлагагүй!
Хөхний товч болон түүний эргэн тойрны арьсан дээр биед ашигтай нянгууд хуримтлагдсан байдаг. Тэдгээр ашигтай нянгууд нь эхийн хөхийг ямарваа нэг халдвараас сэргийлж байгалийн байдлаар хамгаалж байдаг юм шүү. 🌸

#хөхөөрхооллолт #эхийнсүү #эрүүлхүүхэд #ЭэжүүдэдЗөвлөх

30/07/2026

Дэлхийн эрүүл мэндийн байгууллагын санаачилгаар жил бүрийн 7 дугаар сарын 28-ны өдөр тэмдэглэдэг "Дэлхийн гепатиттай тэмцэх өдөр"-ийг тохиолдуулан Хүүхдийн Төв Сувиллаас ажилтан, эмч, эмнэлгийн мэргэжилтнүүдийн дунд өдөрлөг, сургалт, танин мэдэхүйн “АХА” тэмцээн амжилттай зохион байгууллагдлаа.
Тус өдөрлөгөөр вируст гепатитын халдвар, урьдчилан сэргийлэлт, эрт илрүүлэг, вакцинжуулалт, эмчилгээ, байгууллагын эрсдэл болон тохиолдлыг мэдээлэх тогтолцооны талаар мэдлэгээ дээшлүүллээ. Мөн ажилтнуудын дунд явуулсан судалгааны үр дүнг танилцуулж, мэдлэг бататгах асуулт, хариултын тэмцээн, эрүүл мэндийг дэмжих витаминжуулалт хийх зэрэг олон үйл ажиллагааг зохион байгууллаа. Тэргүүн, дэд байр эзэлсэн багууддаа эрүүл мэндийг дэмжих, дархлаа сайжруулах бүтээгдэхүүнээр урамшууллаа.
Энэхүү арга хэмжээ нь ажилтнуудын гепатитын талаарх мэдлэг, ойлголтыг нэмэгдүүлж, халдвараас урьдчилан сэргийлэх, эрүүл мэндийн тусламж үйлчилгээний чанар, аюулгүй байдлыг сайжруулахад чухал ач холбогдолтой өдөрлөг боллоо.
Уриа: "Гепатит: Саад бэрхшээлийг хамтдаа арилгая, шийдье."
#дэлхийнгепатиттайтэмцэхөдөр #хүүхдийнтөвсувилал #ЭрүүлМэнд #УрьдчиланСэргийлэлт

06/07/2026

30/06/2026

☀️ НАРШИЛТААС СЭРГИЙЛЬЕ!☀️

Халуун өдрүүдэд нярай болон бага насны хүүхдүүд нарших эрсдэл өндөр байдаг. Иймээс эцэг эх, асран хамгаалагчид хүүхдийнхээ шингэний хэрэглээг нэмэгдүүлж, нимгэн сул хувцас өмсгөх, малгай өмсгөх, халуун цагт нарны шууд тусгалд удаан байлгахгүй байхыг зөвлөж байна.

❗ Хэрэв хүүхдийн биеийн халуун өндөрсөх, толгой өвдөх, бөөлжих, сулрах зэрэг шинж тэмдэг илэрвэл яаралтай эмнэлгийн тусламж аваарай.

Урьдчилан сэргийлэх нь хамгийн зөв хамгаалалт юм.

#хүүхдийнтөвсувилал #наршилтаассэргийлье #ХүүхдийнЭрүүлМэнд #эрүүлхүүхэдэрүүлирээдүй

29/06/2026

24/06/2026

☀️ Дулааны улирал эхэлж, агаар сэлгэх зорилгоор цонхоо онгорхой орхих нь нэмэгддэг энэ үед хүүхдийн аюулгүй байдалд онцгой анхаарахыг зөвлөж байна.

Хүүхэд цонхны тавцан дээр гарах, цонх руу авирах, ойр орчимд байрлуулсан сандал, ширээ зэрэгт гарч тоглох нь өндрөөс унах ноцтой эрсдэлийг бий болгодог.

👨‍👩‍👧‍👦 Эцэг эх, асран хамгаалагч та бүхэн:
✔ Хүүхдийг цонхтой өрөөнд хараа хяналтгүй орхихгүй байх
✔ Цонхны хамгаалалт, түгжээний бүрэн бүтэн байдлыг тогтмол шалгах
✔ Цонхны ойролцоо авирч гарах боломжтой тавилга байрлуулахгүй байх
✔ Хүүхдэд аюулгүй байдлын талаар тогтмол сануулах

⚠️ Нэгхэн хоромын анхаарал сулрахад нөхөж баршгүй осол гарч болзошгүй.

Хүүхдийн аюулгүй байдал – бидний хамтын хариуцлага.
#ХүүхдийнАюулгүйБайдал #унахаассэргийлье #эцэгэхийнанхаарал #хүүхдийнтөвсувилал

24/06/2026

24/06/2026

22/06/2026

🌧️🌊 ҮЕР, УСНЫ АЮУЛААС БОЛГООМЖЛОЙ! 🌊🌧️

👨‍👩‍👧‍👦 Эцэг эх, асран хамгаалагч та бүхний анхааралд

✅ Гол, мөрөн, нуур, суваг шуудуу орчимд хүүхдийг хараа хяналтгүй орхихгүй байх

✅ Цаг агаарын мэдээ, онцгой байдлын байгууллагын сэрэмжлүүлгийг тогтмол авч, дагаж мөрдөх

✅ Үерийн аюултай бүс, усанд автсан зам, гүүр, гарцаар зорчихгүй байх

✅ Үер, усны үед цахилгаан хэрэгсэл ашиглахдаа онцгой анхаарч, усанд автсан цахилгаан байгууламжаас хол байх

✅ Өндөр хүчдэл, цахилгаан дамжуулах шугамын ойролцоо тоглохгүй, орогнохгүй байх

✅ Хүүхдийг гол, мөрөн, нуур, цөөрмийн орчимд тоглуулахгүй, байнгын хараа хяналттай байлгах

⚠️ Усны осол, үерийн аюул хэдхэн хормын дотор хүний амь нас, эрүүл мэндэд ноцтой эрсдэл учруулж болзошгүй.

💙 Хүүхэд бүрийн аюулгүй байдлыг хамтдаа хамгаалцгаая.

#үерусныаюул #Болгоомжил #ХүүхдийнАюулгүйБайдал #хүүхдийнтөвсувилал