Эдийн засаг, xөгжлийн яам Ministry of Economy and Development

29/05/2026

ТӨР, ХУВИЙН ХЭВШЛИЙН ТҮНШЛЭЛИЙН ОЛОН УЛСЫН СЕРТИФИКАТТАЙ СУРГАЛТ ЗОХИОН БАЙГУУЛАГДЛАА

Эдийн засаг, хөгжлийн яам болон Азийн хөгжлийн банк хамтран төр, хувийн хэвшлийн түншлэлийн (ТХХТ) олон улсын сертификат олгох хоёр дахь удаагийн сургалтыг амжилттай зохион байгууллаа.

Сургалтын нээлтэд Эдийн засаг, хөгжлийн яамны Төр, хувийн хэвшлийн түншлэлийн газрын дарга Т.Баясгалан оролцож, Монгол Улсад төр, хувийн хэвшлийн түншлэлийн эрх зүйн орчин шинэчлэгдэж, төслүүдийг бэлтгэх, хэрэгжүүлэх институцийн болон хүний нөөцийн чадавхыг бэхжүүлэх шаардлага улам нэмэгдэж байгааг онцлон тэмдэглэлээ. Мөн 2025 онд хуульд орсон нэмэлт, өөрчлөлтийн үр дүнд аймаг, нийслэл өөрсдийн нутаг дэвсгэрт төр, хувийн хэвшлийн түншлэлийн төсөл санаачлан хэрэгжүүлэх эрх зүйн боломж бүрдсэнийг дурдав.

Эдийн засаг, хөгжлийн яам болон Азийн хөгжлийн банк хамтран төр, хувийн хэвшлийн түншлэлийн (ТХХТ) олон улсын сертификат олгох хоёр дахь удаагийн сургалтыг амжилтт...

29/05/2026

НЭГДСЭН ТӨСВИЙН 2027 ОНЫ ТӨСВИЙН ХҮРЭЭНИЙ МЭДЭГДЭЛ, 2028-2029 ОНЫ ТӨСВИЙН ТӨСӨӨЛЛИЙН ТУХАЙ ХУУЛИЙН ТӨСЛИЙГ ЭЦЭСЛЭН БАТАЛЛАА

УИХ-ын чуулганы өнөөдрийн (2026.05.29) нэгдсэн хуралдаанаар Монгол Улсын нэгдсэн төсвийн 2027 оны төсвийн хүрээний мэдэгдэл, 2028-2029 оны төсвийн төсөөллийн тухай хуулийн төсөлтэй хамт өргөн мэдүүлсэн хуулийн төслийн эцсийн хэлэлцүүлгийг хийж, баталлаа.

Хуулийн төслийг Төсвийн тогтвортой байдлын тухай хуулийн 6 дугаар зүйлийн 6.1 дэх хэсэгт заасан тусгай шаардлагуудыг ханган боловсруулсан.

🌐Мэдээллийн дэлгэрэнгүйг: https://med.gov.mn/post/175725

28/05/2026

НЭГДСЭН ТӨСВИЙН 2027 ОНЫ ТӨСВИЙН ХҮРЭЭНИЙ МЭДЭГДЭЛ, 2028-2029 ОНЫ ТӨСВИЙН ТӨСӨӨЛЛИЙН ТУХАЙ ХУУЛИЙН ТӨСЛИЙН ГУРАВ ДАХЬ ХЭЛЭЛЦҮҮЛГИЙГ ХИЙЛЭЭ

УИХ-ын чуулганы өнөөдрийн (2026.05.28) нэгдсэн хуралдаанаар Монгол Улсын нэгдсэн төсвийн 2027 оны төсвийн хүрээний мэдэгдэл, 2028-2029 оны төсвийн төсөөллийн тухай хуулийн төсөл /Засгийн газар 2026.05.01-ний өдөр өргөн мэдүүлсэн, гурав дахь хэлэлцүүлэг/-ийг хийлээ.

🌐Мэдээллийн дэлгэрэнгүйг: https://med.gov.mn/post/175685

26/05/2026

Эдийн засаг, хөгжлийн дэд сайд С.Даваасүрэн Европын Холбооноос Монгол Улсад суугаа болон хавсран суугаа Элчин сайд нарыг хүлээн авч уулзан, Монгол Улсын эдийн засгийн өнөөгийн нөхцөл байдал, макро эдийн засгийн төлөв, Засгийн газраас хэрэгжүүлж буй бодлого, шинэчлэлийн арга хэмжээний талаар дэлгэрэнгүй танилцуулга хийв.

🌐Мэдээллийн дэлгэрэнгүйг: https://med.gov.mn/post/175524

25/05/2026

ЭДИЙН ЗАСАГ, ХӨГЖЛИЙН ЯАМНЫ ДОЛОО ХОНОГИЙН ОНЦЛОХ АЖЛУУДААС ХҮРГЭЖ БАЙНА

✅Монгол Улсын нэгдсэн төсвийн 2027 оны төсвийн хүрээний мэдэгдэл, 2028-2029 оны төсвийн төсөөллийн тухай хуулийн төслийн хоёр дахь хэлэлцүүлэг өндөрлөлөө. Мөн хамт өргөн мэдүүлсэн хуулийн төслүүдийн анхны хэлэлцүүлгийг хийлээ.

✅ Тэргүүн Шадар сайд бөгөөд Эдийн засаг, хөгжлийн сайд Ж.Энхбаяр Итали Улсаас Монгол Улсад суугаа Онц бөгөөд Бүрэн эрхт Элчин сайд Жованна Пиккаррета болон Итали Улсын Экспортын зээлийн агентлагийн Ерөнхийлөгч Гулиэмо Пикк (SACE) нарыг хүлээн авч уулзлаа. Талууд монголын ноос, ноолуурын салбарт бодит төсөл, арга хэмжээ хэрэгжүүлэх тэр дундаа Итали Улсын шилдэг тоног төхөөрөмжүүдийг эл салбарт нэвтрүүлэх боломжийн талаар санал солилцлоо.

✅ Төрийн нарийн бичгийн дарга И.Батхүү Дэлхийн банкны Суурин төлөөлөгч Таехюн Ли, санхүүгийн салбарынх нь экспертүүдийг хүлээн авч уулзлаа. Уулзалтаар, Монгол Улсын Хөгжлийн банкны үйл ажиллагааг бэхжүүлэх, хөгжлийн төслүүдийн санхүүжилтийн эх үүсвэрийг нэмэгдүүлэх, хувийн хэвшлийн хөрөнгө оруулалтыг дэмжих боломжуудын талаар санал солилцлоо.

✅ Тэргүүн Шадар сайд бөгөөд Эдийн засаг, хөгжлийн сайд Ж.Энхбаяр Засгийн газрын хуралдаанд “Байдрагийн усан цахилгаан станц” төслийн талаар танилцуулсан бөгөөд уг төсөл нь төвийн бүсийн эрчим хүчний системийн оргил ачааллын үед нэгдсэн сүлжээний горим тохируулгад оролцох, импортын эрчим хүчийг орлох, эрчим хүчний хангамжийн найдвартай байдлыг нэмэгдүүлэх, усны нөөц сан бүрдүүлэх ач холбогдолтойг онцоллоо.

✅ Эдийн засаг, хөгжлийн яамнаас салбарын үйл ажиллагааг олон нийтэд сурталчлах, иргэдэд нээлттэй мэдээлэл хүргэх зорилгоор “НЭЭЛТТЭЙ ХААЛГАНЫ ӨДӨРЛӨГ” арга хэмжээг 2026.05.19-ний өдөр Сүхбаатарын талбайд амжилттай зохион байгууллаа.

23/05/2026

🇪🇺​"ЕВРОПЫН ӨДӨРЛӨГ-2026"

Эдийн засаг, хөгжлийн яамны Нэгдсэн төсөл хэрэгжүүлэх нэгжийнхэн "Аймаг, сумын бүсчилсэн ногоон хөгжлийн хөрөнгө оруулалтын хөтөлбөр"-өө өнөөдөр Дархан хотын иргэдэд танилцууллаа.

Тус хөтөлбөр нь Монгол Улсын 17 аймгийн 76 сумыг хамарсан томоохон бүтээн байгуулалтын санаачилга бөгөөд уур амьсгалын өөрчлөлтөд дасан зохицсон, тогтвортой, ногоон хөгжлийн орон нутгийн загварыг бий болгох зорилготой юм.

22/05/2026

Монгол Улс болон Евразийн эдийн засгийн холбоо, түүний гишүүн орнууд хооронд байгуулсан Худалдааны түр хэлэлцээр хүчин төгөлдөр болохтой холбогдуулж хамтарсан мэдэгдэлд гарын үсэг зурлаа.

Энэ үеэр Тэргүүн Шадар сайд бөгөөд Эдийн засаг, хөгжлийн сайд Ж.Энхбаяр тус хэлэлцээр 2026.07.22-ны өдрөөс албан ёсоор хэрэгжиж эхлэхийг онцлов.

22/05/2026

МОНГОЛ УЛС БОЛОН ЕВРАЗИЙН ЭДИЙН ЗАСГИЙН ХОЛБОО, ТҮҮНИЙ ГИШҮҮН ОРНУУД ХООРОНД БАЙГУУЛСАН ХУДАЛДААНЫ ТҮР ХЭЛЭЛЦЭЭРИЙН ХАМТАРСАН МЭДЭГДЭЛД ГАРЫН ҮСЭГ ЗУРАВ

Монгол Улсын Эдийн засаг, хөгжлийн яам болон Евразийн эдийн засгийн комисс хамтран өнөөдөр (2026.05.22) цахим уулзалт зохион байгуулж, Монгол Улс болон Евразийн эдийн засгийн холбоо (ЕАЭЗХ), түүний гишүүн орнууд хооронд байгуулсан Худалдааны түр хэлэлцээр хүчин төгөлдөр болохтой холбоотой хамтарсан мэдэгдэлд гарын үсэг зурах арга хэмжээг зохион байгууллаа.

“Монгол Улс болон Евразийн эдийн засгийн холбоо, түүний гишүүн орнууд хооронд байгуулсан Худалдааны түр хэлэлцээр хүчин төгөлдөр болох тухай хамтарсан мэдэгдэл”-д нэг талаас Монгол Улсын Засгийн газрыг төлөөлж Монгол Улсын Тэргүүн Шадар сайд бөгөөд Эдийн засаг, хөгжлийн сайд Ж.Энхбаяр болон нөгөө талаас Евразийн эдийн засгийн комиссыг төлөөлж тус комиссын Сайд нарын зөвлөлийн гишүүн, Худалдаа хариуцсан сайд А.А.Слепнев нар гарын үсэг зурлаа.

Ингэснээр хэлэлцээрийг 2026 оны 7 дугаар сарын 22-ны өдрөөс эхлэн хүчин төгөлдөр мөрдөгдөж эхлэхийг албан ёсоор баталгаажуулсан юм.

🌐Дэлгэрэнгүй мэдээллийг: https://med.gov.mn/post/175475

21/05/2026

НЭГДСЭН ТӨСВИЙН 2027 ОНЫ ТӨСВИЙН ХҮРЭЭНИЙ МЭДЭГДЭЛ, 2028-2029 ОНЫ ТӨСВИЙН ТӨСӨӨЛЛИЙН ТУХАЙ ХУУЛИЙН ТӨСЛИЙН ХОЁР ДАХЬ ХЭЛЭЛЦҮҮЛЭГ ӨНДӨРЛӨЛӨӨ

УИХ-ын чуулганы өнөөдрийн (2026.05.21) нэгдсэн хуралдаанаар Монгол Улсын нэгдсэн төсвийн 2027 оны төсвийн хүрээний мэдэгдэл, 2028-2029 оны төсвийн төсөөллийн тухай хуулийн төслийн хоёр дахь хэлэлцүүлгийг хийлээ. Төсвийн хоёр дахь хэлэлцүүлгийг явуулсан талаарх Төсвийн болон Эдийн засгийн байнгын хорооны хамтарсан хуралдаанаар гаргасан санал, дүгнэлтийг УИХ-ын гишүүн Д.Энхтүвшин танилцууллаа.

🌐 Мэдээллийн дэлгэрэнгүйг: https://med.gov.mn/post/175428

21/05/2026

Тэргүүн Шадар сайд бөгөөд Эдийн засаг, хөгжлийн сайд Ж.Энхбаяр Итали Улсаас Монгол Улсад суугаа Онц бөгөөд бүрэн Эрхт Элчин сайд Жованна Пиккаррета болон Итали Улсын Экспортын зээлийн агентлагийн Ерөнхийлөгч Гулиэмо Пикк (SACE) нарыг хүлээн авч уулзлаа.

Энэ үеэр Тэргүүн Шадар сайд бөгөөд Эдийн засаг, хөгжлийн сайд Ж.Энхбаяр эрчим хүч, дэд бүтэц, төмөр зам, хөнгөн үйлдвэр, хөдөө аж ахуй зэрэг тэргүүлэх чиглэлийн салбаруудад хамтран ажиллах сонирхолтой байгаагаа илэрхийлэв.