Нийгмийн Хамгааллын Тусгай Төв

02/06/2026

🏆ӨӨРИЙГӨӨ ЯЛСАН ХҮН ХАМГИЙН ТОМ ЯЛАЛТ БАЙГУУЛДАГ.
🫡Төр иргэнээ хамгаалах үүрэгтэй.
🌱 Харин хүн бүрт амьдралаа өөрчлөх боломж олгох нь нийгмийн хамгааллын тусгай төвийн бодлогын үнэ цэн юм.

🫂Нийгмийн хамгааллын тусгай төв зорилтот бүлгийн иргэдийг Цогц хөтөлбөрөөр дамжуулан нийгэмшүүлж, бие даан амьдрах чадварыг нь хөгжүүлэн, амьдралын шинэ боломж руу хөтөлж байна.

✨ Өөрийгөө ялж, амьдралаа өөрчлөхөөр тэмүүлж буй алхам бүр үнэ цэнтэй.

💙 Хамгаалал • Дэмжлэг • Боломж • Хөгжил
#НийгмийнХамгаалаллынТусгайТөв #ЦогцХөтөлбөр #ХамтдааХөгжье #ӨөрийгөөЯлъя

01/06/2026

🌦️ Борооны үнэрт цээж онгойж,
😊 Бяцхан үрсийн инээдэнд сэтгэл цэлмэх сайхан өдөр…

Хаашаа л харна хайр түгээсэн ээжүүд,
Аз жаргалаар бялхсан хүүхдүүд.
Амьдралын хамгийн нандин, мартагдашгүй мөчүүдийн нэг болох хүүхэд насны гэгээн дурсамжийг сэргээх өдөр — 6-р сарын 1.

👩‍👧‍👦 Ертөнцийн бүх сайхан ээжүүддээ,
🌈 Хайр цацруулсан бүх бяцхан үрсдээ

✨ Олон улсын хүүхдийн эрхийг хамгаалах өдрийн баярын мэндийг хүргэе! ✨

Монгол Улс минь хүүхэд бүр инээмсэглэж,
Хүүхэд бүр хамгаалагдаж,
Хүүхэд бүр мөрөөдлөө биелүүлэх боломжтой,
Хүүхдэд ээлтэй, хүнлэг нийгэм байг.

💙 Нийгмийн хамгааллын тусгай

23/05/2026

🏃‍♂️ “Өөрийгөө сорьж, өөрийгөө ялан дийлэх нь хамгийн том АМЖИЛТ” 🏅

Өнөөдөр Улаанбаатар хот спортоор амьсгалж, эрүүл амьдралын хэв маягийг түгээн дэлгэрүүлсэн гайхалтай өдөр байлаа. 🌿✨

Нийгмийн хамгааллын тусгай төвийн албан хаагчид “Улаанбаатар-2026” марафонд нэгдэж, 21 км болон 10 км , 5 км-ийн гүйлтэд амжилттай оролцлоо. 💪👏

“Оролцох, гүйх, барианд орох, өөрийгөө ялах мэдрэмж үнэхээр сайхан байлаа” хэмээн манай тамирчид сэтгэгдлээ хуваалцаж, сэтгэл ханамж өндөр байлаа. 🏁🔥

Хамгийн чухал нь өрсөлдөгчөө бус, өөрийгөө даван туулж чадсан мөч бүр хамгийн үнэ цэнтэй ялалт байдаг. ✨

Эрүүл амьдралыг эрхэмлэж, идэвхтэй хөдөлгөөнөөр үлгэрлэн оролцсон нийт албан хаагчдадаа баяр хүргэе! 👏🇲🇳



#ЭрүүлМонголХүн
#улаанбаатармарафон2026

20/05/2026

🫂Нийгмийн хамгааллын тусгай төв нь нийслэлийн 9 дүүрэг болон орон нутгийн харьяат иргэдийг хамруулан үйлчилгээ үзүүлсээр ирсэн.

Хамтын ажиллагааны хүрээнд ээлжит уулзалтыг Налайх дүүрэгт зохион байгууллаа.
🤝Зорилтот бүлгийн иргэдэд үзүүлж буй үйлчилгээний хүртээмжийг нэмэгдүүлэх, бие даасан амьдралд шилжих үйл явцын үр дүнг сайжруулах зорилгын хүрээнд Налайх дүүргийн ИТХ-ын дарга Н.Мандуул Нийгмийн хамгааллын тусгай төвийн дарга Ш.Мөнхцэцэг болон холбогдох мэргэжилтнүүд уулзалтад оролцов.✍️

Уулзалтын үеэр:
🔸Зорилтот бүлгийн иргэдийн өнөөгийн нөхцөл байдал, сэтгэл зүйн онцлог
🔸Цаашдын хамтын ажиллагааны чиглэлүүдийн талаар санал солилцлоо.

📍 Цаашид хамтын ажиллагааг улам бэхжүүлж, зорилтот бүлгийн иргэдийг нийгмийн хамгааллын үйлчилгээнд илүү өргөн хүрээнд хамруулах, урьдчилан сэргийлэх ажлыг эрчимжүүлэх чиглэлд талууд зорилго нэгтэй хамтран ажиллахаар боллоо.

19/05/2026

🌲💚 СЭТГЭЛ ШИНГЭСЭН НОГООН ТӨГӨЛ 💚🌲

Нийгмийн хамгааллын тусгай төвөөс зорилтот бүлгийн иргэдийн амьдрах орчин 🏡, үйлчилгээний нөхцөлийг сайжруулах, байгаль орчноо хамгаалах 🌍 зорилгоор “Хүн бүр мод тарья” 🌱 аяныг амжилттай хэрэгжүүлж байна. Тус аянд байгууллага, аж ахуйн нэгжүүд болон иргэд 🤝 нийгмийн хариуцлагынхаа хүрээнд идэвхтэй оролцож, мод хандивлан 🌲 дэмжлэг үзүүлсээр байна.

🌿 Өнгөрсөн амралтын өдөр буюу 17-ны өдөр “Сод Монгол Групп” ХХК-ийн Улаанбаатар нефть хангамжийн газрын хамт олон Нийгмийн хамгааллын тусгай төвийн Сургалт, хөгжлийн цогцолбор төвд 130 ширхэг нарс мод 🌲🌲 хандивлаж, албан хаагчид өөрсдийн гараар тарин ногоон байгууламжийг нэмэгдүүлэх үйлсэд хувь нэмрээ орууллаа.

💚 Энэхүү сайн үйлсээрээ тэд зорилтот бүлгийн иргэдийн амьдрах орчныг сайжруулах, эко орчин 🌏 бүрдүүлэхэд бодит дэмжлэг үзүүлээд зогсохгүй тарьсан модоо цаашид хамтран арчилж, ургуулах 🤲🌱 нөхөрсөг, тогтвортой хамтын ажиллагааны эхлэлийг тавьж байна.

🌳 Мөн Нийгмийн хамгааллын тусгай төвийн үйлчлүүлэгч иргэд энэхүү аянд нэгдэн, байгаль орчноо хамгаалсан ногоон төглийг бий болгох ✨ их үйлсийг хамтдаа эхлүүлж, гар сэтгэл нийлэн оролцож байгааг онцлох нь зүйтэй.

🤍 “Хамтдаа тарьцгаая, хамтдаа ургуулцгаая” 🌱уриан дор хэрэгжиж буй бидний аянд нэгдсэн Сод Монгол Групп / Sod Mongol Group УБНХГ-ын хамт олон болон нийт оролцож байгаа байгууллага , иргэд, хувь хүмүүст чин сэтгэлийн талархал илэрхийлье. 🙏

📅 “Хүн бүр мод тарья” аян 2026 оны 5 дугаар сарын 21-нийг хүртэл үргэлжлэх бөгөөд байгальд ээлтэй 🌍, ногоон орчин 🌲 бүрдүүлэх энэхүү үйлсэд иргэн, аж ахуйн нэгж, байгууллага бүр нэгдэн оролцох боломжтой.

15/05/2026

"ХҮН БҮР МОД ТАРЬЯ" АЯН ҮРГЭЛЖИЛЖ БАЙНА

🌳Зорилтот бүлгийн иргэдийн үйлчилгээ авдаг орчин нөхцөлийг сайжруулах нийгэмд тустай, байгаль орчноо хамгаалах "Хүн бүр мод тарья" аянд нэгдэхийг уриалж байна.

🔸️Хэрхэн оролцох вэ? Та доорх 2 хэлбэрээс сонгон аянд нэгдэх боломжтой.
🌳Модны суулгацаар нэгдэх: Мод тарих өдөрлөгт Нарс, Шинэс, Агч, Голт бор, Монос зэрэг модноос сонгон 1м-ээс багагүй өндөртэй 1ш суулгац авч ирж, Хамтдаа тарьж оролцох
💵Хандиваар нэгдэх: 10,000₮-өөр аянд нэгдэж хувь нэмрээ оруулах. Бид таны хандиваар тохирох модыг худалдан авч, тарьж, усалж, тордон ургуулнаа.
Хаан банк 5625520978 Г.Санчирмаа

🔸️Мод тарих байршил: БЗД-н 35-р хороо, Улиастайн аманд шинээр ашиглалтад орсон Нийгмийн хамгааллын тусгай төвийн салбар Сургалт хөгжлийн цогцолбор төвийн хашаанд зохион байгуулагдана.

Хамтдаа тарьцгаая, Хамтдаа ургуулцгаая.

🔸️Холбоо барих утас:80015054, 99335484

12/05/2026

🩵Хэн нэгэн өвдөж шаналсан,
хайр халамж хамгийн их хэрэгтэй тэр мөчид
хамгийн түрүүнд сувилагчид дэргэд нь байдаг.

“Өвдсөн үү, яаж байна?”
гэж зөөлөн асуух сувилагчийн дулаахан үг… 🤍

“Ядарч байна уу?”
гээд амин дэм бариад инээмсэглэн орж ирэх тэр халамж… ✨

Хэн нэгний дулаан үг,
хэн нэгний анхаарал халамж,
хэн нэгний чадвар, сэтгэл
бидний амьдралд хамгийн хэрэгтэй “цэнэг” болж ирдэг.

Тэр цэнэгийг өдөр бүр бусдад түгээж байдаг
эрхэм сувилагч танд БАЯРЛАЛАА. 💐

Эрүүл энх, амар тайван байдал бол
хүний амьдралын хамгийн ҮНЭ ЦЭНЭТЭЙ зүйл. 🩵🤍

Үйлчлүүлэгч иргэд, хамт олныхоо өмнөөс
эрхэм сувилагч нартаа
Олон улсын сувилагчдын өдрийн баярын халуун мэнд хүргэе! 🌷

#Сувилагч #Баярлалаа #БаярынМэнд #ЭрүүлМэнд

12/05/2026

11/05/2026

Шастины нэрэмжит Улсын Гуравдугаар Төв Эмнэлэг УГТЭ -ийн мэдрэлийн тасгийн эмч, сувилагч нартаа БАЯРЛАЛАА 🫂🙏

10/05/2026

🌱🌳 “НЭГ АЛБАН ХААГЧ – ТАВАН МОД” АРГА ХЭМЖЭЭНД НЭГДЛЭЭ 🌳🌱

Монгол Улсын Ерөнхийлөгчийн 2025 оны 44 дүгээр зарлигаар жил бүрийн 5, 9 дүгээр сарын Бямба, Ням гарагуудыг “Тэрбум мод тарих үндэсний өдөр” болгон зарласан билээ. 🇲🇳

Энэ хүрээнд Хан-Уул дүүргийн 14 дүгээр хорооны нутаг дэвсгэрт байрлах Айцын амны ойн талбайд зохион байгуулагдсан “Нэг албан хаагч – Таван мод” арга хэмжээнд Нийгмийн хамгааллын тусгай төвийн хамт олон нэгдлээ.

👥 35 албан хаагчийн бүрэлдэхүүнтэйгээр
🌲 175 ширхэг мод тарьж, ногоон ирээдүйн төлөө бодит хувь нэмрээ оруулан идэвхтэй оролцов.

📍Мөн 5 дугаар сарын 14-ний өдөр Нийгмийн хамгааллын тусгай төвийн өргөтгөл болох Сургалт хөгжлийн цогцолбор төвийн хашаанд мод тарих өдөрлөг зохион байгуулагдана.

🌿 Та бүхнийг өргөнөөр оролцохыг урьж байна.

📞 Холбоо барих: 99335484

Бид эх дэлхийгээ хайрлан хамгаалж, уур амьсгалын өөрчлөлтийг бууруулах үйлсэд хамтдаа хувь нэмрээ оруулсаар байх болно. 💚

#ТэрбумМод
#НэгАлбанХаагчТаванМод
#НогоонИрээдүй
#МодТарья
#ЭхДэлхийгээХайрлая