Хөдөлмөрийн аюулгүй байдал, эрүүл мэндийн төв

14/08/2026

📄“ХАБЭА-Н АЖИЛТНЫ СУРГАЛТЫН БҮРТГЭЛ, МЭДЭЭЛЭЛ, ШАЛГАЛТЫН СИСТЕМ”-Д ХАБЭА-Н АЖИЛЧИД БОЛОН АЖИЛ ОЛГОГЧИД СИСТЕМД НЭВТРЭХГҮЙГЭЭР ХҮЧИНТЭЙ ГЭРЧИЛГЭЭ БАЙГАА ЭСЭХИЙГ ШАЛГАХ БОЛОМЖТОЙ БОЛЛОО

🗂️ХАБЭА-н ажилтан өөрийн регистрийн дугаар эсхүл Иргэний бүртгэлийн дугаараа оруулан хүчинтэй гэрчилгээ байгаа эсэхийг шалгах боломжтой.

👉🏻Мөн ХАБЭА-н ажилтан өөрийн ДАН системээр нэвтэрч, “Лавлагаа” цэсээс гэрчилгээний баталгаажсан мэдээллийг бүрэн эхээр нь харах болон PDF хэлбэрээр татаж авч болох байна.

🔗Цахим системийн холбоос: https://student.osh.gov.mn/auth/jwt/sign-in/

14/08/2026

📌ХАБЭА-Н СУРГАЛТ ЭРХЭЛДЭГ БАЙГУУЛЛАГУУДЫН АНХААРАЛД

🔻“ХАБЭА-Н СУРГАЛТЫН БАЙГУУЛЛАГЫН ЗАХИРЛУУД ДАН БАТАЛГААЖУУЛАЛТ ХИЙХ ТУХАЙ

📑“ХАБЭА-н ажилтны сургалтын бүртгэл, мэдээлэл, шалгалтын систем”-д сургалтын байгууллагууд мэдээллээ баталгаажуулахын тулд байгууллагын захирал өөрийн ДАН системээр нэвтэрч, ДАН баталгаажуулалт нэг удаа хийх шаардлагатай.

👉🏻Баталгаажуулалтыг зөвхөн “Улсын бүртгэл”-д бүртгэлтэй байгууллагын захирал өөрийн ДАН системээр хийхийг анхаарна уу. /Байгууллагын бусад ажилтан, төлөөлөгчийн ДАН-аар баталгаажуулалт хийх боломжгүй.

🔗Цахим системийн холбоос: https://exam.osh.gov.mn/auth/jwt/sign-in/

12/08/2026

ХҮҮХДИЙГ АХУЙН ОСОЛ ГЭМТЛЭЭС ХАМГААЛЪЯ ‼‼

Гэрийн болон орцны шатнаас хүүхэд өнхрөх, гишгэхдээ алдах эрсдэл их байдаг.

Хамгаалалтын хаалт (Safety Gate) байршуулах:

Шатны дээд болон доод хэсэгт хүүхэд нэвтрэх боломжгүй хамгаалалтын хаалт хийж өгөөрэй. Хаалт нь хүүхэд түлхэхэд нээгдэхээргүй, бат бөх цоожтой байх ёстой.

Шатны хашлага ба гишгүүрийн зай:

Шатны хашлагын хоорондын зай 10 см-ээс ихгүй байх ёстой (хүүхдийн толгой шургаад гарахгүй байхаар).

Хэрэв зай нь хол бол хоорондуур нь зориулалтын хамгаалалтын тор эсвэл хаалт татах хэрэгтэй.

Тулгуур, хальтрахаас сэргийлэх:

Шатны гишгүүрт хальтрахаас сэргийлсэн резинэн эсвэл хивсэнцэр наалт наах.

🌼⚽️Шат дээр тоглоом, хувцас, бусад эд зүйлс үлдээж болохгүй (бүдэрч унахаас сэргийлнэ).

💡🪜Гэрэлтүүлэг сайн байлгах:

Шатны хэсэгт шөнө болон өдөр нэвт харагдахуйц хангалттай гэрэлтүүлэгтэй байх шаардлагатай.

3. Ерөнхий санамж

12/08/2026

12/08/2026

АХУЙН ОСОЛ ГЭМТЛЭЭС УРЬДЧИЛАН СЭРГИЙЛЭХ ЗӨВЛӨМЖ
ХУРЦ ҮЗҮҮРТЭЙ, БАГАЖ ХЭРЭГСЛИЙГ ХАДГАЛАХДАА:

-🔪Хутга, хайч, хурц үзүүртэй багаж хэрэгслийг заавал зориулалтын тавиур, тавиур хайрцаг эсвэл цоожтой шүүгээнд хадгалах хэрэгтэй.

-Ил үлдээхгүй байх: Хэрэглэж дууссаны дараа тавцан, ширээн дээр ил үлдээлгүй шууд угааж, байранд нь хийх нь ахуйн ослоос сэргийлнэ.

-👶Бага насны хүүхдээс хол байлгах: Хүүхэд хүрэх боломжгүй өндөр түвшинд эсвэл хамгаалалтын түгжээтэй шүүгээнд байрлуулах нь чухал.

12/08/2026

Эрүүл мэндийн сайдын 2026 оны 6-р сарын 29-ний өдрийн А/215 дугаар тушаалаар шинэчлэн батлагдсан “Ажилтны эрүүл мэндийн үзлэгийн журам”-ыг холбогдох эрүүл мэндийн байгууллагуудад таниулах сургалт зохион байгуулах хүсэлтэй мэргэжлийн холбоодыг саналаа ирүүлэхийг урьж байна.

Дэлгэрэнгүйг: https://www.osh.gov.mn/news/ym38a5wh0r51mntxzlohbl08

11/08/2026

✅ ХАМГААЛАХ БҮСЭЭ ЗҮҮЖ ХЭВШИЦГЭЭЕ

Хамгаалах бүсээ зөв хэрэглэснээр ослын үед учирч болзошгүй гэмтэл, бэртлийн эрсдэлийг 60–70 хувиар бууруулах боломжтой.

📍 Жолооч төдийгүй урд болон хойд суудалд зорчиж буй хүн бүр хамгаалах бүсээ тогтмол зүүж хэвшээрэй.

✅ Бүсээ зүүж, аюулгүй зорчицгооё.

#ЗамынХөдөлгөөнийАюулгүйБайдал
#ХамгаалахБүс #ХариуцлагатайЖолооч

10/08/2026

👩🏻‍⚕️👨🏼‍⚕️Хүн бүрийн эрүүл мэнд, амь насыг хамгаалахын төлөө өргөсөн тангарагтаа үнэнчээр зүтгэдэг нийт эмч, сувилагч, эмнэлгийн мэргэжилтэн, эрүүл мэндийн салбарт хүчин зүтгэдэг нийт албан хаагч Та бүхэндээ Эрүүл мэндийн ажилтны өдрийн мэнд хүргэе.🎉

07/08/2026

“ХАБЭА-Н АЖИЛТНЫ СУРГАЛТЫН БҮРТГЭЛ, МЭДЭЭЛЭЛ, ШАЛГАЛТЫН СИСТЕМ”-Д ХАБЭА-Н АЖИЛТНЫ БҮРТГЭЛИЙГ БАТАЛГААЖУУЛАХ БОЛОМЖТОЙ БОЛЛОО

ХАБЭА-н ажилтны сургалтад хамрагдаж, гэрчилгээ авсан иргэн ДАН системээр нэвтэрч бүртгэлээ баталгаажуулснаар гэрчилгээний мэдээлэл нэгдсэн цахим санд бүртгэгдэж, ЛАВЛАГААГАА цахимаар авах боломжтой болно.

Бүртгэлээ анх удаа баталгаажуулахад 11,000 төгрөгийн хураамжийг нэг удаа төлөх ба цаашид лавлагаа авах бүрд дахин төлбөр төлөхгүй. Уг хураамж нь системийн шинэчлэл, хөгжүүлэлт, найдвартай ажиллагаа болон мэдээллийн аюулгүй байдлыг хангах зардалд зориулагдана.

🔗Цахим системийн холбоос: https://student.osh.gov.mn/auth/jwt/sign-in/