02/06/2026
БАЯНГОЛ ШИНЭ ӨРГӨӨ БАГАЧУУДАА БАЯРЛУУЛЛАА
📯Баянгол шинэ өргөө ОНӨААТҮГ-ын хамт олон "Олон улсын хүүхдийн эрхийг хамгаалах өдөр"-ийг тохиолдуулан гэр бүл, үр хүүхдүүдийг хүлээн авч, нэгэн өдрийг инээд хөөр, баяр баясал, дурсамжаар дүүрэн өнгөрүүллээ.
✅Байгууллагын захирал Г.Даваасүрэн хүүхдийн баяр бол хамгийн гэгээлэг баяр болохыг онцолж, энэхүү баярын эзэд болсон бяцхан багачууддаа чин сэтгэлийн халуун баяр хүргэж, тэдний инээд хөөр, эрүүл энх өсөж торних нь бидний хамгийн эрхэм зорилго гэдгийг хэллээ.
💌Өдөрлөгийн хүрээнд бяцхан зочидтойгоо хамтран байгууллагын хашаанд мод тарин байгаль дэлхийгээ хайрлан мод тарихын ашиг тусыг хуваалцсан юм. Хүүхэд бүрийн мод аав ээжийнх нь ажил дээр өсөн ургах дурсамж дүүрэн өдрийг бий болголоо. Мөн хүүхэд багачууддаа зориулсан тоглоом, уралдаан тэмцээн, урлагийн тоглолт, түүнчлэн хүүхэд бүхний хамгийн их хүсэн хүлээдэг уут дүүрэн бэлгийг нь гардуулж, баярын мэндчилгээ дэвшүүлсэн юм.
🎁 Хүүхдүүд аав ээжтэйгээ хамтдаа хөгжилтэй дурсамж бүтээж, халуун дулаан уур амьсгалд нэгэн өдрийг өнгөрүүлсэн нь энэхүү баярын хамгийн сайхан бэлэг байлаа.
