Удирдлагын академи

11/08/2026

Магистрын элсэлтийн бүртгэлийн хугацаа 2026 оны 8 дугаар сарын 16-ны өдрийн 23:00 цаг хүртэл сунгагдлаа

05/08/2026

УДИРДЛАГЫН АКАДЕМИЙН БАГШ НАР ОЛОН УЛСЫН RISE ХӨТӨЛБӨРТ ХАМРАГДЛАА

2026 оны 07 дугаар сарын 19-27-ны өдрүүдэд Бүгд Найрамдах Солонгос Улсын Нутгийн удирдлагын хөгжлийн институт (LOGODI)-ээс зохион байгуулсан “Бүс нутгийн инновац ба тогтвортой боловсрол (RISE)” төрийн албан хаагчдын сургагч багш бэлтгэх олон улсын сургалтын хөтөлбөрт Удирдлагын академийн багш Т.Билэгсайхан, М.Мөнхжаргал, Л.Ариунболд нар амжилттай хамрагдлаа.

Тус хөтөлбөрт Монгол Улс, Арабын Бүгд Найрамдах Египет Улс, Камбожийн Хаант Улс, Бүгд Найрамдах Киргиз Улсын төрийн албан хаагчийн сургалт, хүний нөөцийн хөгжлийн байгууллагуудын төлөөлөл оролцож, төрийн албан хаагчийн чадавхыг хөгжүүлэх олон улсын туршлага, төрийн албаны сургалтын чиг хандлага, чадамжид суурилсан сургалтын тогтолцоо, гүйцэтгэл чиглэсэн сургалтын хөтөлбөр боловсруулах арга зүйн талаар мэдлэг, туршлага солилцов.

Сургалтын үеэр оролцогчид БНСУ-ын төрийн албан хаагчдыг бэлтгэх, давтан сургах тогтолцоо, хүний нөөцийн хөгжлийн бодлого, хиймэл оюунд суурилсан сургалтын шийдэл, орчин үеийн заах арга зүй, сургалтын чанарын удирдлагын сайн туршлагатай танилцлаа.

Хөтөлбөрийн онцлог нь оролцогч байгууллагууд сургалтаар олж авсан мэдлэг, туршлагаа байгууллагынхаа үйл ажиллагаанд бодитоор хэрэгжүүлэх зорилгоор “Үйл ажиллагааны төлөвлөгөө” боловсруулсан явдал байв.

Энэ хүрээнд Удирдлагын академийн төлөөлөгчид сургалтын үйл ажиллагаанд хиймэл оюуныг зохистой, үр дүнтэй ашиглах тогтолцоог бүрдүүлэх, багш нарын хиймэл оюун ашиглах чадавхыг хөгжүүлэх, сургалт ба үнэлгээний шинэлэг арга зүйг туршин нэвтрүүлэх чиглэлээр ажиллах санал, арга хэмжээг боловсрууллаа.

Төрийн албан хаагчдын сургалт, хүний нөөцийн хөгжлийн чиглэлээр мэдлэг, туршлага солилцох, олон улсын хамтын ажиллагааг өргөжүүлэхэд чухал ач холбогдол бүхий энэхүү хөтөлбөрийг амжилттай зохион байгуулсан LOGODI-ийн удирдлага, багш, нийт хамт олонд Удирдлагын академийн зүгээс талархал илэрхийлье.

Цаашдын хамтын ажиллагаанд өндөр амжилт хүсье.

11/07/2026

09/07/2026

Удирдлагын академийн багш, ажилтнуудыг төрийн одон медалиар шагналаа

Тулгар төр байгуулагдсаны түүхт 2235, Их Монгол Улс байгуулагдсаны 820, Үндэсний эрх чөлөө, тусгаар тогтнолоо сэргээн мандуулсны 115, Ардын хувьсгалын 105 жилийн ойг тохиолдуулан эрхэлсэн ажил, салбартаа өндөр амжилт гарган, төрийн албаны сургалтын тогтолцоог олон улсын жишигт нийцүүлэн хөгжүүлж, төрийн албан хаагчийн мэдлэг, чадавхийг бэхжүүлэх, төрийн бодлого, удирдахуйн ухааны эрдэм шинжилгээ, судалгааны их үйлсэд үнэтэй хувь нэмэр оруулсан дараах хүмүүсийг Монгол Улсын төрийн одон медалиар шагналаа.

Алтангадас одонгоор:
Төрийн захиргааны тэнхимийн профессор Н.Болд,
Төрийн албаны сургуулийн захирал Ж.Жаргал,
Төрийн инновац, хөгжлийн албаны дарга М.Баянмөнх,
Сургалтын бодлого, зохицуулалтын газрын дарга Ц.Энхмандах,

Хөдөлмөрийн хүндэт медалиар:
Сургалтын менежер Б.Урангоо,
Номын сангийн эрхлэгч Ч.Мөнх-Эрдэнэ,
Ерөнхий нягтлан бодогч А.Даваасүрэн,
Чанарын баталгаажуулалтын мэргэжилтэн Ц.Үүрийнтуяа нар тус тус шагнагдлаа.

Шагнал авсан багш, ажилтан нартаа баяр хүргэе.

07/07/2026

ЭРДЭМТЭН БАГШ НАРЫН БҮТЭЭЛД МОНГОЛ УЛСЫН ТӨРИЙН СОЁРХОЛ ХҮРТЭЭЛЭЭ

Монгол Улсын гавьяат багш, хууль зүйн шинжлэх ухааны доктор /Sc.D/, Удирдлагын академийн профессор Чимидийн Энхбаатар, Монгол Улсын гавьяат хуульч, хууль зүйн шинжлэх ухааны доктор /Sc.D/, профессор Данзангийн Лүндээжанцан нарын туурвисан “Монгол Улсын Үндсэн хуулийн эрх зүй” сэдэвт бүтээлд Монгол Улсын Төрийн соёрхол хүртээлээ.

Энэхүү бүтээл нь Монгол Улсын ардчилсан, шинэ Үндсэн хуулийн агуулга, тусгаар тогтнол, бүрэн эрхт байдал, үндэсний аюулгүй байдал, хүний эрх, эрх чөлөө, төрийн байгууллын талаарх суурь ойлголтыг онолын үндэстэй тайлбарлан таниулж, Үндсэн хуульт ёсыг түгээн дэлгэрүүлэх үйлсэд жинтэй хувь нэмэр оруулсан бүтээл юм.

Эрхэм хүндэт эрдэмтэн багш нартаа Удирдлагын академийн хамт олноос баяр хүргэж, эрүүл энх, эрдмийн их үйлсэд нь улам өндөр амжилт хүсэн ерөөе.

06/07/2026

ОЛОН УЛСЫН ЭРДЭМ ШИНЖИЛГЭЭНИЙ ХУРАЛ ЗОХИОН БАЙГУУЛАГДЛАА.

✈️ 🇲🇳 Монгол Улсад иргэний нисэхийн салбар үүсэж, хөгжсөний 70 жилийн ойг тохиолдуулан “МИАТ” ТӨХК, Удирдлагын академи хамтран "Агаарын тээврийн хөгжил, сорилт, шийдэл: Монгол Улсын онцлог, олон улсын туршлага" сэдэвт олон улсын эрдэм шинжилгээний хурлыг 2026 оны 07 сарын 06-ны өдөр зохион байгууллаа.

✈️ Тус хурал нь Монгол Улсын иргэний нисэх, агаарын тээврийн салбарын өнөөгийн хөгжил, тулгамдаж буй сорилт, цаашдын хөгжлийн чиг хандлагыг олон улсын туршлага, эрдэм шинжилгээний судалгаатай уялдуулан хэлэлцэх, төр, хувийн хэвшил, эрдэм шинжилгээний байгууллага болон олон улсын байгууллагуудын хамтын ажиллагааг өргөжүүлэх зорилготой юм.

✈️ Хурлын нээлтийн ажиллагаанд Зам, тээврийн яамны Төрийн нарийн бичгийн дарга М.Баярмагнай, “МИАТ” ТӨХК-ийн Гүйцэтгэх захирал Т.Тэлмэн, Удирдлагын академийн захирал, доктор, профессор Д.Байгал нар оролцов.

✈️ Мөн хуралд дотоод, гадаадын төр, хувийн хэвшил, эрдэм шинжилгээний байгууллагын төлөөлөл, салбарын тэргүүлэх мэргэжилтнүүд илтгэл хэлэлцүүлэн оролцож байна. Үүнд:
🔹 Олон улсын агаарын тээвэрлэгчдийн холбоо (IATA)-ны Хойд Азийн бүсийг хариуцсан Дэд ерөнхийлөгч, доктор Шье Шиньчүан;
🔹 АНУ-ын Boeing компанийн Ази, Номхон далайн бүсийг хариуцсан Дэд ерөнхийлөгч Зайд Алами;
🔹 БНХАУ-ын Grand China Aircraft Maintenance Co., Ltd. компанийн Маркетингийн менежерүүд Ким Сүн, Ye Zhihan;
🔹 БНСУ-ын Агаар, Сансарын Их Сургуулийн Нисэхийн менежментийн тэнхимийн эрхлэгч, профессор Пак Жин Ү

✈️ Мөн Монгол Улсад үйл ажиллагаа явуулж буй агаарын тээврийн компаниуд, иргэний нисэхийн салбарын төрийн байгууллагууд, хувийн хэвшлийн аж ахуйн нэгжүүд, их, дээд сургуулийн эрдэмтэн, судлаачид, багш, салбарын мэргэжилтнүүд өргөнөөр оролцсон юм.

✈️ Энэхүү олон улсын эрдэм шинжилгээний хурал нь төр, хувийн хэвшил, олон улсын байгууллага, эрдэм шинжилгээний байгууллагуудын хамтын ажиллагааг бэхжүүлэхийн зэрэгцээ салбарын бодлого, судалгаа, инноваци, хүний нөөцийн хөгжлийг шинэ шатанд гаргах, Монгол Улсын агаарын тээврийн салбарын тогтвортой хөгжил, өрсөлдөх чадварыг нэмэгдүүлэхэд үнэтэй хувь нэмэр оруулах ач холбогдолтой арга хэмжээ боллоо.

“Төрийн инновац, хөгжлийн алба”

04/07/2026

НУТГИЙН ЗАХИРГААНЫ БАЙГУУЛЛАГЫН АЛБАН ХААГЧДЫГ ЧАДАВХЖУУЛАХ СУРГАЛТ ЗОХИОН БАЙГУУЛАГДЛАА

🔹 Төв аймгийн Баян-Өнжүүл сумын ЗДТГ-ын захиалгат “Төрийн албан хаагчдыг чадавхжуулах нь” сэдэвт сургалт 2026 оны 07 сарын 03-ны өдөр амжилттай зохион байгуулагдлаа.

🔹 Сургалтын зорилго нь ажлын байран дахь стрессийг зөв удирдах ур чадварыг төлөвшүүлэх, албан хаагчдын харилцаа, хандлагыг сайжруулах, үйлчилгээний соёлыг бэхжүүлэх, улмаар төрийн үйлчилгээний чанар, байгууллагын бүтээмжийг дээшлүүлэхэд чиглэсэн юм.

🔹 Сургалтад идэвхтэй оролцсон Баян-Өнжүүл сумын ЗДТГ-ын хамт олонд талархал илэрхийлж, цаашдын ажил үйлсэд нь өндөр амжилт хүсэн ерөөе.

01/07/2026

Хамтран ажиллах санамж бичиг байгууллаа

Удирдлагын академийн захирал, доктор, профессор Д.Байгал тэргүүтэй төлөөлөгчид Дотоод хэргийн Их сургуульд 2026 оны 07 дугаар сарын 01-ний өдөр зочлон албан уулзалт хийв. Уулзалтын үеэр Удирдлагын академийн захирал, доктор, профессор Д.Байгал, Дотоод хэргийн Их сургуулийн захирал, доктор, профессор, бригадын генерал Т.Сүхболд нар хамтран ажиллах санамж бичигт гарын үсэг зурлаа.

Уулзалтаар хоёр байгууллагын хамтын ажиллагааг өргөжүүлэн хөгжүүлж хамтарсан судалгааны ажил хэрэгжүүлэх, олон улсын эрдэм шинжилгээний хуралд хоёр байгууллагын судлаач багш, оюутны оролцоог нэмэгдүүлэх, богино болон дунд хугацааны захиалгат сургалтуудыг хамтран зохион байгуулах, багш, судлаачид харилцан туршлага солилцож хамтран ажиллах боломжийн талаар харилцан санал солилцлоо.

29/06/2026

ТӨРИЙН АЛБАН ХААГЧИЙГ МЭРГЭШҮҮЛЭХ ДУНД ХУГАЦААНЫ ДАВТАН СУРГАЛТЫН СЕРТИФИКАТ ГАРДУУЛАХ ЁСЛОЛЫН АЖИЛЛАГАА БОЛОВ.

🔹 Сертификат гардуулах ёслолын ажиллагааг 2026 оны 06 дугаар сарын 29-ний өдөр Удирдлагын академийн 301 тоотод танхимд амжилттай зохион байгуулав.
🔹 Сертификат гардуулах ёслолын ажиллагаанд Удирдлагын академийн Төрийн албаны сургуулийн захирал доктор, дэд профессор Ж.Жаргал, Сургалтын бодлого, зохицуулалтын газрын дарга Ц.Энхмандах, Төрийн албаны сургуулийн сургалтын менежер доктор, дэд профессор У.Батцэрэн, сургалтын зохицуулагч О.Алтанчимэг нар оролцов.
🔹 Сургалтын төлөвлөгөөний дагуу танхим болон цахим хэлбэрээр суралцаж төгссөн нийт 160 төрийн албан хаагч Төрийн албан хаагчийг мэргэшүүлэх дунд хугацааны давтан сургалтын сертификатаа гардан авлаа. Төгсөгчдийг төлөөлөн анги хамт олноо манлайлан амжилттай суралцаж төгссөн Сангийн яамны Санхүү, төсвийн судалгааны газрын мэргэжилтэн Ү.Анармаа, Дорноговь аймгийн Хүнс, хөдөө аж ахуйн газрын Мал аж ахуйн хэлтсийн мэргэжилтэн Б.Аюуш нар сургалтын үр өгөөж, ач холбогдлыг онцлон талархал илэрхийлэн үг хэллээ.
🔹 Амжилттай суралцаж төгссөн нийт төрийн албан хаагчдадаа халуун баяр хүргэж, төрийн албаны үнэт зүйлийг эрхэмлэн, ёс зүй, мэдлэг, ур чадвараараа хамт олноо манлайлан ажиллаж, эх орныхоо хөгжил дэвшилд үнэтэй хувь нэмэр оруулахыг хүсэн ерөөе.

ТӨРИЙН АЛБАНЫ СУРГУУЛЬ
2026.06.29

29/06/2026

Олон улсад магадлан итгэмжлэгдсэн магистрын сургалтад элсэлт авч байна.
Дараах холбоосоор дэлгэрэнгүй мэдээлэлтэй танилцана уу. https://burtgel.naog.edu.mn