Ус цаг агаар, орчны мэдээ мэдээлэл

07/08/2026

Улаанбаатар хотын 2026.08.07-ны өдрийн цаг агаарын мэдээ.
Дэлгэрэнгүйг: https://weather.gov.mn/forecast/mn

06/08/2026

⚠️Малчид, иргэд, тээвэрчдийн анхааралд:
08-р сарын 07, 08-нд ихэнх нутгаар халах тул наршилт болон болзошгүй эрсдэлээс сэрэмжтэй байхыг анхааруулж байна.

06/08/2026

Үерийн аюулаас урьдчилан сэргийлэх мэдээ
🔸2026 оны 8 дугаар сарын 6-ны өдрийн байдлаар Хэнтий нурууны баруун хажуугаас усжих Туул /Лүн, Заамар сум/, Хараа, зүүн хажуугийн Хэрлэн /Өндөрхаан сум/, Хангай нурууны араас усжих Чулуут зэрэг голуудын усны түвшин өмнөх өдрөөс 5-10 см нэмэгдсэн байна.
Өнөөдрийн байдлаар Туул / Алтанбулаг сум/ , Хараа /Дархан/, Балж, Байдраг /Бууцагаан сумын Баянбүрд баг/, Хархираа /Тариалан сум/ зэрэг голууд үерийн түвшинг 5-25 см, Онон, Туул /Лүн сум/ гол үерийн аюултай түвшинг 5-15 см даван тус тус үерлэж байна.
⚠️Иймд дээрх голууд болон гол мөрний сав дагуу аялаж, амарч, зугаалж яваа ард иргэдийг үерийн аюулаас сэрэмжтэй байхыг анхааруулж байна.

06/08/2026

2026 оны 7 дугаар сарын агаарын дундаж температур өмнөх жилээс 0.3°С-аар, ОЖД-аас 1.4°С-аар тус тус дулаан байсан ба 1940 оноос хойш тохиолдож байгаа 6 дахь дулаан сар болж өнгөрлөө. Сарын агаарын дундаж температурын ОЖД-аас хазайх хазайлтын орон зайн тархалтыг авч үзэхэд нийт нутгийн 74.4% нь дунджаас 1.1-ээс 3.4°С-аар дулаан, 25.6% нь дунджийн орчим байжээ.
🥵 Агаарын үнэмлэхүй их температур 30°С-ыг давж халсан өдөр Говь-Алтайн Тоорой, Баянхонгорын Шинэжинст сум Эхийнгол, Өмнөговийн Ханбогд, Дорноговийн Хөвсгөл, Замын-Үүд, Сайншанд орчмоор 25-29 өдөр, Өмнөговийн Сайхан, Манлай, Цогт-Овоо, Дорноговийн Эрдэнэ, Дундговийн Гурвансайхан, Говь-Алтайн Алтай, Ховдын Зэрэг, Булган, Баянхонгорын Богд, Өвөрхангайн Баруунбаян-Улаан орчмоор 20-24 өдөр, бусад нутгаар 20-оос цөөн өдөр ажиглагджээ.

06/08/2026

7 дугаар сард хэр хэмжээтэй хур тунадас орсон вэ 🤔

🌦️ 7 дугаар сард олон жилийн дунджаар төвийн болон нутгийн хойд хэсгээр 80.1-140 мм, говь-цөлийн бүс нутгаар 5-40 мм бусад нутгаар 40.1-80 мм тунадас ордог байна.
🌦️ Харин 2026 оны 7 дугаар сард Монгол орны хэмжээнд дунджаар 61.8 мм хур тунадас орсон нь өмнөх жилээс 14.6%-иар, ОЖД-аас 6.7%-иар тус тус ахиу байсан бөгөөд 1940 оноос хойш тохиолдож байгаа 39 дэх ахиу тунадастай сар болж өнгөрлөө.
🌦️ Сарын нийлбэр хур тунадасны ОЖД-аас хазайх хазайлтын орон зайн тархалтыг авч үзвэл нийт нутгийн 41.1% нь дунджаас бага, 44.2% нь дунджаас ахиу, 14.7% -д дунджийн орчим хур тунадас унасан байна.
🌦️ Хур тунадасны хувьд өмнө болон баруун бүс нутгаар хур тунадас бага орсон бол зүүн болон төвийн бүс нутгаар сарын турш харьцангуй ахиу тунадас оржээ.

05/08/2026

⚠️Малчид, иргэд, тээвэрчдийн анхааралд:
Ойрын өдрүүдэд баруун аймгуудын ихэнх нутгаар халах тул наршилт болон болзошгүй эрсдэлээс сэрэмжтэй байхыг анхааруулж байна.

05/08/2026

05/08/2026

Улаанбаатар хотын 2026.08.06-ны өдрийн цаг агаарын мэдээ.
Дэлгэрэнгүйг: https://weather.gov.mn/forecast/mn

05/08/2026

🌡️☀️🌡️ 08-р сарын 06-08-ны хооронд ихэнх нутгаар агаарын температур өмнөх хоногуудаас нэмж халах тул наршилт болон өдрийн халалттай холбоотой түр зуурын аадар борооны эрсдэлээс сэрэмжтэй байхыг та бүхэнд сэрэмжлүүлж байна.
👉 Дэлгэрэнгүй мэдээг: https://weather.gov.mn/medee/758