02/06/2026
📢ХӨГЖЛИЙН БЭРХШЭЭЛТЭЙ ИРГЭДЭД “УЛСЫН ӨМГӨӨЛӨГЧ ЗӨВЛӨЖ БАЙНА”
ХУУЛЬ ЗҮЙН ЗӨВЛӨГӨӨ, МЭДЭЭЛЭЛ ӨГӨХ ӨДӨРЛӨГ
✅АРГА ХЭМЖЭЭНИЙ ХӨТӨЛБӨР
🔷Нэг. Арга хэмжээний зорилт
Хууль зүйн туслалцааны хүртээмжийг нэмэгдүүлэх зорилгоор хөгжлийн бэрхшээлтэй иргэдэд үнэ төлбөргүй хууль зүйн зөвлөгөө өгөх, хууль зүйн туслалцаа, өмгөөллийн үйлчилгээ авах эрх, боломж, нөхцөлийн талаар мэдээлэл хүргэх, тэдний эрх, хууль ёсны ашиг сонирхлыг хамгаалахад дэмжлэг үзүүлэх зорилгоор өдөрлөг арга хэмжээг зохион байгуулна.
🔷Хоёр. Хугацаа, байршил
🔷Хугацаа: 2026 оны 06 дугаар сарын 9-ний өдөр, 09:00–13:00 цаг
🔷Байршил: Хөгжлийн бэрхшээлтэй хүний хөгжлийн ерөнхий газрын байранд
✅Гурав. Хамтран зохион байгуулагч
-Хөгжлийн бэрхшээлтэй хүний хөгжлийн ерөнхий газар
-Хөдөлмөр, халамжийн үйлчилгээний ерөнхий газар
-Шүүхийн шийдвэр гүйцэтгэх ерөнхий газар
✅Дөрөв. Хамтран зохион байгуулагч байгууллагуудын оролцоо
🔷Хууль зүйн туслалцааны төв:
-Арга хэмжээний ерөнхий зохион байгуулалт, хэрэгжилтийг хариуцан ажиллах;
-Иргэдэд үнэ төлбөргүй хууль зүйн зөвлөгөө, мэдээлэл өгөх;
-“Хуульч AI” аппликэйшн болон байгууллагын үйл ажиллагааг танилцуулах;
-Арга хэмжээний мэдээлэл, сурталчилгааг зохион байгуулах;
✅Хөгжлийн бэрхшээлтэй хүний хөгжлийн ерөнхий газар:
-Зорилтот бүлгийн иргэдийн оролцоог хангах;
-Арга хэмжээ зохион байгуулах байр, танхимаар хангах;
-Арга хэмжээний талаарх мэдээллийг хөгжлийн бэрхшээлтэй иргэдэд түгээн ажиллах;
-Дохионы хэлний хэлмэрч, хүртээмжийн дэмжлэгээр ханган ажиллах.
✅Хөдөлмөр, халамжийн үйлчилгээний ерөнхий газар:
-Хөгжлийн бэрхшээлтэй иргэдэд хөдөлмөр эрхлэлт, нийгмийн халамжийн үйлчилгээтэй холбоотой мэдээлэл, зөвлөгөө хүргэх.
Шүүхийн шийдвэр гүйцэтгэх ерөнхий газар:
-Сэтгэл зүйн үйлчилгээ, зөвлөгөө үзүүлэх мэргэжилтнээр ханган ажиллах.
