Мэдээллийн Технологийн Үндэсний Парк - National Information Technology Park

05/08/2026

🇲🇳 МОНГОЛЫН СТАРТАПУУДЫГ "VIETNAM STARTUP COMMUNITY DAY 2026"-Д ОРОЛЦОХЫГ УРЬЖ БАЙНА

🚀 Вьетнамын хамгийн том гарааны бизнесийн арга хэмжээ болох Vietnam Startup Community Day 2026 нь 2026 оны 8 дугаар сарын 21-ний өдөр Ханой хотноо зохион байгуулагдана.

✅ Арга хэмжээнд Вьетнам болон олон улсын 1,000 гаруй стартап үүсгэн байгуулагч, хөрөнгө оруулагч, венч сан, технологийн компани, их сургууль, инновацын байгууллагын төлөөлөл оролцож, хамтын ажиллагаа, хөрөнгө оруулалт, шинэ боломжуудыг хэлэлцэх юм.

✅ Мөн 8 дугаар сарын 19–23-ны өдрүүдэд Startup Bootcamp, Startup & VC Networking Dinner, Startup & Angel Connect зэрэг хөрөнгө оруулалт, сүлжээ, бизнес хөгжүүлэлтийн дагалдах хөтөлбөрүүд зохион байгуулагдана.

📅 Үндсэн арга хэмжээ: 2026.08.21
📍 Байршил: PTIT, Ханой, Вьетнам
🔗 Бүртгэл: https://luma.com/lq10qrm6

Мэдээллийн Технологийн Үндэсний Парк нь Монголын гарааны бизнес эрхлэгчид, стартапуудыг олон улсын инновацын экосистемтэй холбогдож, хамтын ажиллагаа, хөрөнгө оруулалтын боломжоо өргөжүүлэх энэхүү арга хэмжээнд оролцохыг урьж байна.

#мэдээллийнтехнологийнүндэснийпарк

05/08/2026

ТЕХНОЛОГИЙН ЕРТӨНЦӨӨР ЮУ БАЙНА ? #2

#Мэдээллийнтехнологийнүндэснийпарк

04/08/2026

ENGLISH BELOW
🎉 МОНГОЛЫН SURIY СТАРТАП "TECHCRUNCH STARTUP BATTLEFIELD 2026" ХӨТӨЛБӨРИЙН ДАРААГИЙН ШАТАНД ШАЛГАРЛАА

🚀 Мэдээллийн Технологийн Үндэсний Парк нь Road to TechCrunch Startup Battlefield 2026 хөтөлбөрийн бүсийн хамтрагчаар ажиллаж байгаа билээ.

🏆 Тус хөтөлбөрийн хүрээнд 2026 оны 7 дугаар сарын 20-ны өдөр зохион байгуулагдсан Монгол, Тажикистан, Туркменистан улсуудын хамтарсан сонгон шалгаруулалтаас Монголын "Suriy" стартап ялагчаар шалгарсныг баяртайгаар мэдээлж байна.

📌 Ингэснээр Suriy стартап нь 2026 оны 8 дугаар сарын 12-ны өдөр зохион байгуулагдах Regional Final шатанд өрсөлдөх эрхтэй болж, TechCrunch Disrupt 2026 арга хэмжээний хүрээнд АНУ-ын Сан Франциско хотод зохион байгуулагдах Startup Battlefield 200 тайзанд Төв Евразийг төлөөлөн оролцох шилдэг 3 стартапын нэгээр шалгарахын төлөө өрсөлдөх юм.

✅ Энэхүү амжилт нь Монголын стартап экосистем олон улсын түвшинд өрсөлдөх чадавхаа улам бүр бэхжүүлж, дэлхийн зах зээлд гарах боломжоо тэлж байгаагийн тод илэрхийлэл болж байна.

💡 Suriy стартапын хамт олонд халуун баяр хүргэж, бүсийн финалын шатанд нь өндөр амжилт хүсэн ерөөе. Мөн энэхүү хөтөлбөрийг хамтран хэрэгжүүлж буй Silkroad Innovation Hub-д талархал илэрхийлье.

https://suriy.mn/
Silkroad Innovation Hub

MONGOLIAN STARTUP SURIY ADVANCES TO THE NEXT STAGE OF TECHCRUNCH STARTUP BATTLEFIELD 2026

🚀 The National Information Technology Park (NITP) of Mongolia is proud to serve as a regional partner of the Road to TechCrunch Startup Battlefield 2026 program.

🏆 We are delighted to announce that Suriy, a startup from Mongolia, has been selected as the winner of the joint selection round for Mongolia, Tajikistan, and Turkmenistan**, held on **July 20, 2026.

📌 As the winner, Suriy has secured a place in the Regional Final**, which will take place on August 12, 2026. There, the team will compete for the opportunity to become one of the Top 3 startups representing Central Eurasia at the **Startup Battlefield 200 stage during TechCrunch Disrupt 2026 in San Francisco, USA.

✅ This achievement reflects the growing strength of Mongolia's startup ecosystem and its increasing ability to compete on the global stage.

💡 We sincerely congratulate the Suriy team on this remarkable achievement and wish them every success in the Regional Final. We also extend our appreciation to Silkroad Innovation Hub for its valuable partnership in delivering this program.

04/08/2026

📢 APPLE: IPHONE, MAC ТӨХӨӨРӨМЖИЙГ ТҮРЭЭСЭЭР АШИГЛАХ БОЛОМЖТОЙ

#мэдээллийнтехнологийнүндэснийпарк

31/07/2026

ОРЧИН ЦАГИЙН ХАРИЛЦАА ХОЛБОО, МЭДЭЭЛЛИЙН ТЕХНОЛОГИЙН САЛБАР ҮҮСЭЖ ХӨГЖСӨНИЙ 105 ЖИЛИЙН ОЙН БАЯРЫН ХУРАЛ БОЛЖ, МТҮП-ИЙН 8 АЖИЛТАН ШАГНАЛ ХҮРТЛЭЭ 🇲🇳🚀

🇲🇳 Харилцаа холбоо, мэдээллийн технологийн салбар үүсэж хөгжсөний түүхт 105 жилийн ойд зориулсан баярын хурал, хүндэтгэлийн арга хэмжээ 2026 оны 7 дугаар сарын 31-ний өдөр ёслол төгөлдөр зохион байгуулагдлаа.

✅ Арга хэмжээнд харилцаа холбоо, мэдээллийн технологийн салбарын үе үеийн ахмад ажилтан, инженер, техникийн ажилтан, төр, хувийн хэвшлийн байгууллагуудын төлөөлөл оролцож, салбарын хөгжил дэвшилд оруулсан үнэтэй хувь нэмэр, хөдөлмөр зүтгэлийг нь өндрөөр үнэлэн төрийн дээд одон, медаль болон салбарын шагналаар шагнаж урамшууллаа.

✅ Баярын хуралд салбарын үе үеийн сайд нар хүрэлцэн ирж оролцсон бөгөөд Цахим хөгжил, инновац, харилцаа холбооны сайд Ч.Номин баярын мэндчилгээ дэвшүүлж, салбарын хөгжил, шинэчлэлийг манлайлан ажиллаж буй ажилтан, албан хаагчдад талархал илэрхийлэн, хүндэтгэл үзүүлэв.

Энэ үеэр Мэдээллийн технологийн үндэсний парк (МТҮП)-ийн 8 ажилтан салбарын нэр хүндтэй шагналаар хөдөлмөр бүтээлээ үнэлүүллээ.

📌 “Салбарын тэргүүний ажилтан” цол, тэмдгээр:
Г.Зулбаяр
У.Бибиш
Б.Булгаа
Ж.Лхагвасүрэн

📌 Цахим хөгжил, инновац, харилцаа холбооны яамны Жуух бичгээр:
Б.Энхзаяа
О.Пүрэвсүрэн
Д.Отгонжаргал
Э.Энхчимэг нар тус тус шагнагдлаа.

🚀 Харилцаа холбоо, мэдээллийн технологийн салбарын 105 жилийн ой нь өнгөрсөн түүхэн замнал, ололт амжилтаа эргэн дүгнэж, ирээдүйн хөгжлийн зорилго, чиглэлээ тодорхойлохын зэрэгцээ салбарын хөгжил цэцэглэлтэд үнэтэй хувь нэмэр оруулсан үе үеийн ажилтан, мэргэжилтнүүдийн хөдөлмөр, зүтгэлийг алдаршуулсан онцгой үйл явдал боллоо.

#Мэдээллийнтехнологийнүндэснийпарк

31/07/2026

31/07/2026

🇲🇳 Өнгөрсөн зууны турш Монгол Улсын хөгжил дэвшлийг технологийн хүчээр түүчээлж, мэдлэг, инновац, бүтээлч сэтгэлгээгээрээ эх орныхоо ирээдүйг бүтээлцэж ирсэн үе үеийн салбарын зүтгэлтэн, инженер, мэргэжилтэн, ахмад буурлууд болон нийт хамт олондоо Харилцаа холбоо, мэдээллийн технологийн салбар үүсэж хөгжсөний түүхт 105 жилийн ойн баярын халуун мэндийг Мэдээллийн технологийн үндэсний паркийн хамт олны нэрийн өмнөөс өргөн дэвшүүлье.

🚀 Өнөөдрийн дижитал хөгжил, инновацын экосистемийн суурь нь үе үеийн салбарынхны хөдөлмөр, ур чадвар, эх орныхоо хөгжлийн төлөөх чин сэтгэлийн үр дүн билээ. Энэ түүхэн ойтой зэрэгцэн мэдээллийн технологийн үйлдвэрлэлийг дэмжих эрх зүйн орчин улам бүр бэхжиж, инновац, гарааны бизнес, технологийн компаниудын хөгжлийг шинэ шатанд гаргах боломж бүрдэж буй нь салбарын ирээдүйн хөгжилд чухал алхам болж байна.

🌍 Мэдээллийн технологийн үндэсний парк нь цаашид ч гарааны бизнес, инновацын экосистем, хүний нөөцийн хөгжил, олон улсын хамтын ажиллагааг өргөжүүлэн, Монголын технологийн салбарыг дэлхийн хөгжилтэй мөр зэрэгцүүлэн хөгжүүлэх үйлсэд бодит хувь нэмрээ оруулсаар байх болно.

Түүхээ хүндэтгэж, ирээдүйгээ хамтдаа бүтээцгээе. 🚀

🇲🇳 Монгол Улсад Харилцаа холбоо, мэдээллийн технологийн салбар үүсэж хөгжсөний 105 жилийн ойн баярын мэндийг дахин өргөн дэвшүүлье.

#мэдээллийнтехнологийнүндэснийпарк

27/07/2026

КАЗАХСТАНЫ ЗАХ ЗЭЭЛД ГАРАХ БОЛОМЖ: "CENTRAL EURASIA MARKET ENTRY 2026" ХӨТӨЛБӨРИЙН БҮРТГЭЛ ЭХЭЛЛЭЭ 🚀

✅ Мэдээллийн Технологийн Үндэсний Парк (МТҮП) нь Монголын гарааны бизнесүүдийг Казахстан улсын зах зээлд өргөжин тэлэх боломжийг олгох "Central Eurasia Market Entry 2026" олон улсын акселератор хөтөлбөрт оролцохыг урьж байна.

✅ Энэхүү хөтөлбөрийг Astana Hub-ийн Алматы дахь салбар зохион байгуулж байгаа бөгөөд Казахстаны зах зээлд нэвтрэх, үйл ажиллагаагаа өргөжүүлэх зорилготой B2B чиглэлийн PMF (Product-Market Fit) болон Scale шатны гарааны бизнесүүдэд зориулсан юм.

📌 Хөтөлбөрийн онцлог:
– Хугацаа: 12 долоо хоног
– Хэлбэр: Танхимын (Offline)
– Байршил: Алматы Хаб, Казахстан
– Хэл: Англи болон Орос
– Эхлэх хугацаа: 2026 оны 9 дүгээр сарын 1

💡 Хөтөлбөрт хамрагдсан стартапууд Казахстаны зах зээлд амжилттай нэвтрэх стратеги боловсруулах, салбарын экспертүүдээс зөвлөгөө авах, хөрөнгө оруулагчид болон бизнесийн түншүүдтэй холбогдох, Төв Евразийн бүс нутгийн экосистемд үйл ажиллагаагаа тэлэх боломжтой.

⏱️ Бүртгэлийн хугацаа: 2026 оны 8 дугаар сарын 16 хүртэл
🔗 Бүртгүүлэх холбоос: https://astanahub.com/ru/l/marketentry/centraleurasia2026

📣 Вебинар 07-р сарын 29-ний өдрийн 14:00 цагт болох тул та бүхэн идэвхтэй хамрагдаарай.
Вебинарт оролцох линк: The link to a Google meet:
https://meet.google.com/uyg-wpcf-cfr

Казахстаны зах зээлд бизнесээ өргөжүүлэхээр зорьж буй гарааны компаниудыг энэхүү олон улсын боломжийг ашиглан идэвхтэй оролцохыг урьж байна.

#мэдээллийнтехнологийнүндэснийпарк

27/07/2026

“FLY ASIA 2026” ОЛОН УЛСЫН СТАРТАП, ИННОВАЦЫН АРГА ХЭМЖЭЭНД ОРОЛЦОХЫГ УРЬЖ БАЙНА 🇲🇳🇰🇷

✅ Монгол улсаас БНСУ-ын Пусан хотод суугаа Консулын газрын дэмжлэгтэйгээр Мэдээллийн Технологийн Үндэсний Парк (МТҮП) нь Монгол Улсын гарааны бизнесүүд, инновацын байгууллагууд, их, дээд сургуулиуд, хөрөнгө оруулагчид болон стартап экосистемийн бүх оролцогчдыг “FLY ASIA 2026” олон улсын арга хэмжээнд оролцохыг урьж байна.

🚀 FLY ASIA 2026 нь Бүгд Найрамдах Солонгос Улсын Бусан хотын захиргааны дэмжлэгтэйгээр "Busan Techno Park"-аас жил бүр зохион байгуулдаг, Азийн болон дэлхийн стартапууд, хөрөнгө оруулагчид, томоохон корпорациуд, инновацын байгууллагуудыг нэгтгэдэг олон улсын нэр хүндтэй арга хэмжээ юм.

📌 Энэ жилийн FLY ASIA Global Awards 2026 хөтөлбөрийн хүрээнд шалгарсан шилдэг 3 гарааны бизнес нийт 100 сая воны мөнгөн шагнал хүртэх боломжтой бөгөөд финалын шатанд шалгарсан 25 гарааны бизнес дараах дэмжлэгийг авах юм. Үүнд:
– Байгууллагын 1 төлөөлөгчийн ирэх, явах нислэгийн зардал
– 2 шөнө, 3 өдөр байрлах зочид буудлын дэмжлэг
– Networking арга хэмжээнүүдэд оролцох эрх
– Олон улсын хөрөнгө оруулагчидтай 1:1 бизнес уулзалт хийх
– FLY ASIA Global Awards 2026-ийн финалистын албан ёсны сертификат

📌 Яагаад FLY ASIA 2026-д оролцох вэ?
✅ Дэлхийн хөрөнгө оруулагчидтай B2B уулзалт хийх
✅ Стартап болон инновацын байгууллагуудтай олон улсын хамтын ажиллагаагаа өргөжүүлэх
✅ Country Pavilion болон Global Pavilion-д байгууллагаа олон улсад сурталчлах
✅ Азийн стартап экосистемийн тэргүүлэгч байгууллагуудтай шинэ түншлэл тогтоох
✅ Олон улсын зах зээлд гарах шинэ боломжийг нээх

📅 Хугацаа: 2026 оны 10 дугаар сарын 7–8
📍 Байршил: Бусан хот, Бүгд Найрамдах Солонгос Улс
⏰ Өргөдөл хүлээн авах эцсийн хугацаа: 2026 оны 7 дугаар сарын 31

Дэлгэрэнгүй мэдээлэл болон бүртгэл: https://www.fly-asia.org/eng/sub/?mcode=0513010000

АЗИЙН СТАРТАП ЭКОСИСТЕМИЙН ИРЭЭДҮЙГ ХАМТДАА БҮТЭЭЦГЭЭЕ! 🚀🌏

#мэдээллийнтехнологийнүндэснийпарк