Монгол газрын тос боловсруулах үйлдвэр ТӨХХК Mongol Refinery SOLLC

02/06/2026

Монгол улсад Газрын тосны салбар үүсч, хөгжсөний 85 жилийн ойг тохиолдуулан Газрын тос боловсруулах үйлдвэрийн бүтээн байгуулалтад идэвх зүтгэл гарган ажилласан "Монгол газрын тос боловсруулах үйлдвэр" ХХК-ийн инженер, мэргэжилтнүүдийг салбарын тэргүүний ажилтан, тэргүүний геологич, АҮЭБЯ-ны жуух тэмдгээр шагнаж, урамшууллаа.

Эрчим хүчний Эрх чөлөөг Эх орондоо 🇲🇳🇲🇳🇲🇳

29/05/2026

Монгол улсад Газрын тосны салбар үүсэж хөгжсөний 85 жилийн ойд зориулан Монгол газрын тос боловсруулах үйлдвэр ХХК, ШУТИС-ийн Геологи, уул уурхайн сургуультай хамтран “Oil and Gas-2026” ОУ-ын Эрдэм шинжилгээний ###II бага хурлыг Олборлолтоос үйлдвэрлэл сэдвийн хүрээнд зохион байгууллаа.

Бага хуралд Монгол, БНЭУ, БНХАУ, ОХУ-ын эрдэмтэн судлаачид Газрын тосны салбарын хөгжил, хууль эрхзүйн орчны шинэчлэл, энэ салбарт нэвтэрч буй шинэ техник технологи, инновац, Газрын тос боловсруулах үйлдвэрийн цогц бүтээн байгуулалт, түүхий тос, эцсийн бүтээгдэхүүний хадгалалт, тээвэрлэлт, түгээлт, байгаль орчин гээд бүхий л чиглэлээр илтгэл хэлэлцүүллээ.

Монгол улсад анх удаа өндөр технологийн, орчин үеийн Газрын тос боловсруулах үйлдвэр байгуулах цогц төслийг хэрэгжүүлэгч “Монгол газрын тос боловсруулах үйлдвэр” компанийн гүйцэтгэх захирал, доктор, Зөвлөх инженер Д.Алтанцэцэг мэндчилгээ дэвшүүлэхдээ,
“...Монгол улсад Газрын тос боловсруулах үйлдвэр (ГТБҮ) байгуулах төсөл”-ийг хэрэгжүүлэгч манай компани гадаадын өндөр мэргэжлийн инженер, мэргэжилтнүүдтэй хамтран бидний хувьд цоо шинэ аж үйлдвэрийн процесс технологи, инженерчлэл, зураг төсөл, эрчим хүч, барилга угсралт, гэрээ эрхзүй, төлөвлөлт менежмент, санхүү эдийн засаг гээд олон салбар дамнасан, өөр хоорондоо нарийн уялдаа холбоотой цогц үйл ажиллагааг тасралтгүй явуулсаар салбарынхаа 85 жилийн ойн босгон дээр үйлдвэрийнхээ тоног төхөөрөмжийн угсралтыг хийж, удахгүй ашиглалтад оруулах бэлтгэл ажлыг хангах түвшинд хүрээд байгаадаа туйлын их баяртай байна.” гэлээ.

Хуралд Монгол газрын тос боловсруулах үйлдвэр ТӨХХК Mongol Refinery SOLLC компанийн инженерүүд илтгэл хэлэлцүүлснээс гадна ГТБҮ байгуулах төслийн менежментийн зөвлөх БНЭУ-ын төрийн өмчит Инженерс Индиа Лимитед компанийн инженерүүд онлайнаар оролцон илтгэл тавьсан нь энэ удаагийн хурлын нэг онцлог байлаа.

Эрдэм шинжилгээний хуралд нийт 30 илтгэл хэлцэгдсэнээс “Enhancing value from delayed coking through PETCOKE velarization” сэдэвт илтгэлээр БНЭУ-ын “Engineers India Limited” компанийн инженер Vinay Gupta тэргүүн байр эзэллээ.
“Монгол улсын шатахууны үнийн хэлбэлзлийг зөөлрүүлэх менежментийн бодлогыг системийн динамик загварчлалын аргаар судлах нь” илтгэлээр ШУТИС-ийн ХШУС-ийн багш А.Элбэгжаргал дэд байр,
“Монгол газрын тос боловсруулах үйлдвэр” ХХК-ийн инженер Т.Бямбажаргал 3-р байр тус тус эзэллээ.

Харин ханан илтгэлийн төрөлд ШУТИС-ийн ГУУС-ийн ахлах багш, доктор Ц.Удвалхорлоо, “Тэлмэн ресурс” ХХК-ийн олборлолтын инженер Д.Сумъяабазар, ШУТИС-ийн ГУУС-ийн 4-р курсын оюутан Б.Өнөмөнх нар шагналт байруудад шалгарав.

Хурлын үйл ажиллагааг зохион байгуулахад хамтран ажиллаж дэмжлэг үзүүлсэн Megha Engineering and Infrastructures Limited, Norinco international компанид талархал илэрхийлье.

Аж үйлдвэр, эрдэс баялгийн яам /Ministry of Industry and Mineral Resources/
Шинжлэх Ухаан Технологийн Их Сургууль
India in Mongolia (Embassy of India, Ulaanbaatar)
Engineers India Limited
MEIL International LLC

28/05/2026

Монгол улсын хувьд Стратегийн өндөр ач холбогдолтой, нефть-химийн аж үйлдвэрийн салбарын суурь болсон Газрын тос боловсруулах үйлдвэр Үндсэн технологийн байгууламжийн цамхагуудаа үйлдвэрийн талбайд хүлээн авч, буулгалаа.

Энэтхэг, Испани, Монголын олон зуун инженер, мэргэжилтнүүдийн хөлс хүч, ур ухаан шингэж, цаг хугацаа зарцуулагдсан уг технологийн байгууламж нь зөвхөн манай улсын үйлдвэрт зориулагдан цоо шинээр бүтээгдсэн, цор ганц байгууламж юм.

🇲🇳🤝🇮🇳

Эрчим хүчний Эрх чөлөөг Эх орондоо🇲🇳🇲🇳🇲🇳

Аж үйлдвэр, эрдэс баялгийн яам /Ministry of Industry and Mineral Resources/
India in Mongolia (Embassy of India, Ulaanbaatar)
Engineers India Limited
MEIL International LLC
Megha Engineering and Infrastructures Ltd

үйлдвэрийн талбайд буулгалаа

25/05/2026

Монгол газрын тос боловсруулах үйлдвэрийн төслийн талбайд анхны шингэрүүлсэн шатдаг хийг аминаар абсорберлох цамхагийг амжилттай суурилуулж дууслаа.

Энэхүү түүхэн үе шат нь Монгол дахь MEIL компанийн тоног төхөөрөмжийн угсралтын ажлын эхлэлийг тавьж буйгаараа онцлогтой юм.

Нэгжийн нэр : CDU/VDU Unit
Төхөөрөмжийн нэр : Шингэрүүлсэн шатдаг хийг аминаар абсорберлох цамхаг
Төхөөрөмжийн төрөл : Процессын цамхаг
Төхөөрөмжийн таг дугаар : 102-C-1005
Төхөөрөмжийн жин : 19.13 тонн
Төхөөрөмжийн өндөр ба диаметр : Өндөр – 25.5 м / Диаметр – 0.9 м
Угсарсан огноо : 2026.05.13.

Монгол газрын тос боловсруулах үйлдвэр ТӨХХК Mongol Refinery SOLLC
India in Mongolia (Embassy of India, Ulaanbaatar)Engineers India Limited
Megha Engineering and Infrastructures Ltd

04/05/2026

Монгол Улсын Шадар сайд Н.Номтойбаяр эрхлэх асуудлынхаа хүрээнд Газрын тос боловсруулах үйлдвэрийн бүтээн байгуулалтын ажилтай биечлэн танилцлаа.
Үйлдвэрийн Технологийн бус барилга байгууламжууд, дэд бүтцийн ажил бүрэн дуусч, зориулалтын дагуу ашиглагдаж байгаа бөгөөд Анхдагч технологийн болон Дагалдах, Хангамжийн байгууламжууд, Үйлдвэрийн ДЦС-ын барилга угсралтын ажил идэвхтэй явагдаж байгаа талаар Монгол газрын тос боловсруулах үйлдвэр ТӨХХК Mongol Refinery SOLLC ийн Технологийн албаны дарга Б.Мөнх-Эрдэнэ, Төслийн менежментийн зөвлөх Engineers India Limited, Ерөнхий гүйцэтгэгч MEIL International LLC компанийн удирдлага, инженерүүд тайлбар мэдээлэл өглөө.

Мөн гадаад улс орнуудад үйлдвэрлэгдсэн тоног төхөөрөмжүүд, эд ангиудыг үйлдвэрийн талбайд буулган, эхнээс нь угсралт суурилуулалтын ажлыг гүйцэтгэж байгаатай Шадар сайд танилцав.

Монгол Улсын үе үеийн Засгийн газрын бодлого, зорилтын тэргүүн эгнээнд тусгагдсаар ирсэн, стратегийн ач холбогдол бүхий уг мега төслийн хэрэгжилтэд онцгой анхаарч, дэмжин ажиллах болно гэдгээ Шадар сайд илэрхийллээ.

Эрчим хүчний Эрх чөлөөг Эх орондоо 🇲🇳🇲🇳🇲🇳

🇮🇳🤝🇲🇳

Монгол Улсын Засгийн газар
Шадар сайд Н.Номтойбаяр
India in Mongolia (Embassy of India, Ulaanbaatar)

24/04/2026

Газрын тос боловсруулах үйлдвэрийн технологийн байгууламжуудын тоног төхөөрөмжүүд, эд ангиуд, ган хийцүүдийг Энэтхэг болон бусад улс орнуудад үйлдвэрлэж байна.

Үйлдвэрлэгдсэн тоног төхөөрөмж, эд ангиуд хилийн чанадаас далайн болон газраар тээвэрлэгдэн үйлдвэрийн талбайд ээлж дараалан бууж байна.

Өнөөдөр Энэтхэгийн Хайдерабад хот дахь “Sudhir Brothers” компанид үйлдвэрлэгдсэн Абсорбер цамхагуудыг үйлдвэрийнхээ талбайд хүлээн авлаа.

Тус бүр нь 19-27 тн жинтэй, 1,6-2,9 м суурийн диаметртэй, 26-39 м урттай эдгээр цамхагууд нь Шингэрүүлсэн шатдаг хийн фракцыг пропан, бутанаар ялгах, хийнд агуулагдах хүхэрт устөрөгчийг Амины (NH3) тусламжтайгаар цэвэрлэх зориулалттай юм.

Эрчим хүчний Эрх чөлөөг Эх орондоо!

🇲🇳🤝🇮🇳
Аж үйлдвэр, эрдэс баялгийн яам /Ministry of Industry and Mineral Resources/
India in Mongolia (Embassy of India, Ulaanbaatar)
Engineers India Limited
Megha Engineering and Infrastructures Ltd
MEIL International LLC

23/04/2026

🇲🇳🇲🇳🇲🇳Эрчим хүчний эрх чөлөөг эх орондоо!

Монголчууд бидний олон жил хүлээсэн Газрын тосны үйлдвэрийн гол байгууламж болох Атмосферийн нэрлэгийн цамхаг (58.4 м өндөр, 3.2 м диаметртэй, 245 тн жинтэй) 4 хэсэгт хуваагдан Энэтхэгийн Арабын тэнгисийн эрэг дэх Мумбайн боомтоос далайн хөлөг онгоцонд ачигдан Монголын зүг хөдөллөө. 🇮🇳🚢➡️🇨🇳🛣️➡️🇲🇳🏗️

Хүнд аж үйлдвэрийн, тэр дундаа нефть-химийн үйлдвэрийн техник, тоног төхөөрөмж нь хэдэн зуу, мянган хүний мэдлэг чадвар, хүч хөдөлмөр, цаг хугацаа шаардсан төлөвлөлт, инженерчлэлийн нөр их ажлын үр дүнд ийнхүү үйлдвэрлэгдэх, тээвэрлэгдэх шатанд хүрдэг билээ.

Боловсруулах түүхий тос, эцсийн бүтээгдэхүүний физик-химийн шинж чанар, норм стандарт, тухайн орны байгаль цаг уурын онцлог зэргээс хамаарч байгууламж, тоног төхөөрөмж, эд анги бүрийг тухайн үйлдвэрт л зориулан тусгайлан зохиож, инженерчилж, үйлдвэрлэдэг.

Монгол улсад баригдаж буй Газрын тос боловсруулах үйлдвэр нь процессийн 12, Дагалдах, Хангамжийн олон тооны байгууламж, мөн өөрийн гэсэн Дулааны Цахилгаан станцтай, хамгийн орчин үеийн техник технологиор тоноглогдсон, түүхий эдийг хаягдалгүй боловсруулах, өндөр технологийн үйлдвэр юм.
Олон талын оролцоо, хичээл зүтгэл шаарддаг уг ажилд хамтран зүтгэж буй Төслийн менежментийн зөвлөх Engineers India Limited, Ерөнхий гүйцэтгэгч Megha Engineering and Infrastructures Ltd компанийн удирдлагууд, чадварлаг инженер, мэргэжилтнүүдэд талархал илэрхийлье.

🇲🇳🤝🇮🇳

Монгол Улсын Ерөнхийлөгчийн Тамгын газар
Аж үйлдвэр, эрдэс баялгийн яам /Ministry of Industry and Mineral Resources/
India in Mongolia (Embassy of India, Ulaanbaatar)
MEIL International LLC