Хүүхэд, гэр бүлийн хөгжил, хамгааллын ерөнхий газар

  • Home
  • Mongolia
  • Ulaanbaatar
  • Хүүхэд, гэр бүлийн хөгжил, хамгааллын ерөнхий газар

Хүүхэд, гэр бүлийн хөгжил, хамгааллын ерөнхий газар Засгийн газрын хэрэгжүүлэгч агентлаг Хүүхэд, гэр бүлийн хөгжил, хамгааллын ерөнхий газар

06/08/2026

БУЛГАН АЙМГИЙН УРАЛДААНЧ ХҮҮХДҮҮДЭД ЗОРИУЛСАН ТУСГАЙ ЭЭЛЖИЙН НЭЭЛТ АМЖИЛТТАЙ БОЛЛОО

Булган аймгийн морин спорт уяачдын холбоо, Булган аймгийн Хүүхэд, гэр бүлийн хөгжил, хамгааллын газар, Theory Mongolia хамтран зохион байгуулж буй Булган аймгийн уралдаанч хүүхдүүдийн тусгай ээлжийн нээлтийн үйл ажиллагаа амжилттай болж өндөрлөлөө. Одоогийн байдлаар 63 уралдаанч хүүхэд амарч байна. Амарч байгаа хүүхдүүдэд шүдний оношилгоо, эрүүл мэндийн үзлэг зэргийг хийж байна.
Энэхүү ээлж нь Монгол Улсад анх удаа уралдаанч хүүхдүүдэд зориулан зохион байгуулагдаж буй хүүхэд хөгжлийн тусгай хөтөлбөр гэдгээрээ онцлог юм. Булган аймгийн 15 сум, 1 тосгоноос хүрэлцэн ирсэн уралдаанч хүүхдүүд энэхүү хөтөлбөрт хамрагдан, шинэ мэдлэг, чадвар эзэмшихийн
зэрэгцээ найз нөхөдтэй болж, мартагдашгүй дурсамж бүтээх аяллаа эхлүүлээд байна.
Хүүхдийн хөгжил, үндэсний өв соёлыг хослуулсан энэхүү шинэлэг санаачилгыг бодит ажил болгон хэрэгжүүлэхэд үнэтэй хувь нэмэр оруулсан хамтран зохион байгуулагч байгууллагууд болон дэмжин оролцсон бүх хүмүүс талархал илэрхийлье. 👏👏👏

ГЭР БҮЛ ХӨДӨЛМӨР, НИЙГМИЙН ХАМГААЛАЛЫН САЛБАРЫН 2027 ОНЫ ТӨСВИЙН ТӨСЛИЙН ХЭЛЭЛЦҮҮЛЭГ АМЖИЛТТАЙ БОЛЛООТөсвийн тухай хуули...
06/08/2026

ГЭР БҮЛ ХӨДӨЛМӨР, НИЙГМИЙН ХАМГААЛАЛЫН САЛБАРЫН 2027 ОНЫ ТӨСВИЙН ТӨСЛИЙН ХЭЛЭЛЦҮҮЛЭГ АМЖИЛТТАЙ БОЛЛОО

Төсвийн тухай хуулийн 28¹ дүгээр зүйлд заасны дагуу тухайн жилийн төсвийн төслийг боловсруулахад олон нийтийн оролцоог хангах зорилгоор Гэр бүл, хөдөлмөр, нийгмийн хамгааллын салбарын 2027 оны төсвийн олон нийтийн хэлэлцүүлэг амжилттай зохион байгуулагдлаа.

Тус арга хэмжээнд дараах байгууллагуудын төлөөлөл оролцож, салбарын ирэх жилийн төсвийн бодлого, санхүүжилтийн талаар үнэтэй санал дэвшүүллээ. Үүнд: Үндэсний Аудитын газар, Төсвийн тогтвортой байдлын зөвлөл, Сангийн яам,
Гэр бүл, хөдөлмөр, нийгмийн хамгааллын яамны харьяа агентлаг байгууллагууд,Төрийн бус байгууллага болон аж ахуйн нэгжүүдийн төлөөлөл оролцлоо.

Нийт 99 төлөөлөгч оролцож, салбарын төсвийг илүү үр дүнтэй, оновчтой хуваарилах талаар өргөн хүрээнд санал солилцсон юм. 2027 оны төсвийн төслийн үндсэн зорилго нь монгол хүний амьдралын түвшин, чанарыг дээшлүүлэхэд чиглэгдэж байгаа бөгөөд голлох зорилтуудыг дараах байдлаар тодорхойллоо. Үүнд:

-Хүн амын болон хүүхдийн хөгжил хамгаалал: Хүүхдийн хөгжил хамгаалал, хүн амын хөгжлийн чиглэлээр хэрэгжих төсөл, арга хэмжээний хэрэгжилтийг бүрэн хангаж ажиллах.

-Хөгжлийн бэрхшээлтэй иргэдийн оролцоо: Хөгжлийн бэрхшээлтэй иргэдэд зориулсан үйлчилгээ, хөтөлбөрүүдийн төсвийг оновчтой хуваарилах.

-Нийгмийн хамгаалал ба үйлчилгээний чанар: Нийгэм, эдийн засгийн өөрчлөлт, хүн амын насны бүтцийн хэтийн төлөвийг харгалзан хүн амын бүлгүүдийн бодит хэрэгцээнд нийцүүлэн нийгмийн даатгал, нийгмийн халамжийн үйлчилгээний чанар, хүртээмжийг дээшлүүлэх.

-Санхүүжилтийн үр ашиг: Нийгмийн халамжийн санхүүжилтийн үр ашгийг сайжруулах замаар төсвийн хөрөнгийг зорилтот бүлэгт нь үр дүнтэй хүргэх юм. Хүүхэд гэр бүлийн хөгжил хамгааллын ерөнхий газрын дарга Б.Баярсайхан саналаа илэрхийллээ.

-Салбарын хэмжээнд иргэд, олон нийтийн оролцоог хангаж, хэлэлцүүлгээс гарсан саналуудыг 2027 оны төсвийн төсөлд тусган ажиллах юм.

Монгол улсад хүүхдийн хэвлэл үүсч хөгжсөний 100 жилийн ойг тохиолдуулан "Өврийн дэвтэр" хүүхдийн уран зохиолын уралдаан...
05/08/2026

Монгол улсад хүүхдийн хэвлэл үүсч хөгжсөний 100 жилийн ойг тохиолдуулан "Өврийн дэвтэр" хүүхдийн уран зохиолын уралдааныг зарласан. Богино өгүүллэгийн уралдаан дуусахад цөөхөн хоног үлдлээ.
📝Хүүхдүүд та бүхэн идэвхтэй оролцоорой.
Үгийн тоо 800-1500
формат: world эсвэл pdf
Бүтээлээ цахим шуудангаар ирүүлнэ.
🌿[email protected]
Шагнал:
🥇1 байр
🥈2-байр
🥉3-байр
Тусгай байр
УРАЛДААНЫ ТӨРӨЛ: Богино өгүүллэг
Хугацаа: 2026 оны 9 сарын 01-нй өдрийг хүртэл
Бичсэн үг бүр ертөнцийг өөрчилж чадна. 🌼

ХЭТ ХАЛУУН ӨДРҮҮД ҮРГЭЛЖЛЭХ УЧРААС НАРШИХГҮЙ БАЙХЫГ ЗӨВЛӨЖ БАЙНА Ойрын өдрүүдэд нийт нутгаар агаарын температур нэмэгдэж...
05/08/2026

ХЭТ ХАЛУУН ӨДРҮҮД ҮРГЭЛЖЛЭХ УЧРААС НАРШИХГҮЙ БАЙХЫГ ЗӨВЛӨЖ БАЙНА

Ойрын өдрүүдэд нийт нутгаар агаарын температур нэмэгдэж, хэт халах төлөвтэй байгаа тул нарны цохилт болон шингэний дутагдлаас урьдчилан сэргийлж, дараах арга хэмжээг авч хэрэгжүүлэхийг зөвлөж байна.

1. ☀️НАРНААС ХАМГААЛАХ БОЛОН ХУВЦАСЛАЛТ
Нарны шууд тусгалаас зайлсхийх: Өдрийн хамгийн халуун цагуудад буюу 11:00 – 16:00 цагийн хооронд шаардлагагүй бол гадуур явахаас зайлсхийх хэрэгтэй.

ЗӨВ ХУВЦАСЛАХ: Цайвар өнгийн, сул чөлөөтэй, агаар нэвтрүүлдэг байгалийн гаралтай (хөвөн даавуун) хувцас өмсөх.

ХАМГААЛАХ ХУВЦАС ХЭРЭГЛЭЛ: Гадаа гарахдаа нарны малгай, саравч, нарны шил зүүж, нарнаас хамгаалах тос (SPF 30+) түрхэх.

2. ХООЛ ХҮНС БА ШИНГЭНИЙ ХЭРЭГЛЭЭ:

БАЙНГЫН ШИНГЭН УУХ: Цангаагаа тайлагдахыг хүлээлгүйгээр өдрийн турш буцалсан бүлээн ус, цэвэр ус, хярам, аарц уух.

Хэт хүйтэн ундаа, согтууруулах ундаа, кофеин болон чихэр ихтэй ундаанаас татгалзах (эдгээр нь биеийн шингэнийг хурдан алдагдуулдаг).

ХӨНГӨН ХООЛЛОХ: Тослог, хүнд хоолноос зайлсхийж, жимс, хүнсний ногоо ихээр хэрэглэх.

3. АХУЙН БОЛОН ӨДӨР ТУТМЫН ДЭГЛЭМ:

ӨРӨӨ ТАСАЛГААГ СЭРҮҮН БАЙЛГАХ: Өрөө тасалгааг сэрүүн байлгах: Нартай талын цонхны хөшгийг хааж, өглөө болон оройн сэрүүнд агаар салхи оруулах.

ДАСГАЛ ХӨДӨЛГӨӨН : Биеийн хүчний ажил болон бэлтгэл сургуулилтыг өглөө эрт эсвэл оройн сэрүүнд төлөвлөх.

АВТОМАШИНД АНХААРАХ: Хаалттай автомашинд хүүхэд, ахмад настан, гэрийн тэжээвэр амьтныг хэзээ ч ганцаarr нь үлдээж болохгүй.

Хүүхэд, ахмад настан, архаг хууч өвчинтэй хүмүүс (зүрх судас, даралт ихсэх гэх мэт) хэт халуунд илүү эмзэг тул тэдний агаарын сэрүүцүүлэг, шингэний хэрэглээнд онцгой анхаарах.

🙄Наранд цохиулсан шинж тэмдэг (толгой эргэх, дотор муухайрах, судасны цохилт түргэсэх, арьс улайж халуурах) илэрвэл нэн даруй сэрүүн газарт шилжиж, хүйтэн жин тавих бөгөөд шаардлагатай бол эмнэлгийн байгууллагад (103☎️📞) хандах.

АХУЙН ОСОЛ ГЭМТЛЭЭС УРЬДЧИЛАН СЭРГИЙЛЭХ ЗӨВЛӨМЖ ХУРЦ ҮЗҮҮРТЭЙ, БАГАЖ ХЭРЭГСЛИЙГ ХАДГАЛАХДАА: -🔪Хутга, хайч, хурц үзү...
05/08/2026

АХУЙН ОСОЛ ГЭМТЛЭЭС УРЬДЧИЛАН СЭРГИЙЛЭХ ЗӨВЛӨМЖ
ХУРЦ ҮЗҮҮРТЭЙ, БАГАЖ ХЭРЭГСЛИЙГ ХАДГАЛАХДАА:

-🔪Хутга, хайч, хурц үзүүртэй багаж хэрэгслийг заавал зориулалтын тавиур, тавиур хайрцаг эсвэл цоожтой шүүгээнд хадгалах хэрэгтэй.

-Ил үлдээхгүй байх: Хэрэглэж дууссаны дараа тавцан, ширээн дээр ил үлдээлгүй шууд угааж, байранд нь хийх нь ахуйн ослоос сэргийлнэ.

-👶Бага насны хүүхдээс хол байлгах: Хүүхэд хүрэх боломжгүй өндөр түвшинд эсвэл хамгаалалтын түгжээтэй шүүгээнд байрлуулах нь чухал.

"БҮҮ БАС" АЯНААР 21 АЙМАГ 9 ДҮҮРЭГТ УРЬДЧИЛАН СЭРГИЙЛЭХ АРГА ХЭМЖЭЭ АВЧ БАЙНАМонгол Улсын Засгийн газраас хэрэгжүүлж бай...
05/08/2026

"БҮҮ БАС" АЯНААР 21 АЙМАГ 9 ДҮҮРЭГТ УРЬДЧИЛАН СЭРГИЙЛЭХ АРГА ХЭМЖЭЭ АВЧ БАЙНА

Монгол Улсын Засгийн газраас хэрэгжүүлж байгаа Хүүхдийн төлөө “ЗА бол ЗААВАЛ хий” үндэсний хөдөлгөөн болон Онцгой байдлын ерөнхий газраас (ОБЕГ) зарласан “Бүү бас” нөлөөллийн аяны хүрээнд Хүүхэд, гэр бүлийн хөгжил, хамгааллын ерөнхий газар (ХГБХХЕГ)-аас зохион байгуулж буй ажлын явцын мэдээллийг нэгтгэн танилцуулж байна.

Улс орон даяар 2026 оны 6 дугаар сарын 15-наас 9 дүгээр сарын 15-ны өдөр хүртэл үргэлжлэх тус аяны хүрээнд 21 аймаг, 9 дүүргийн Хүүхэд, гэр бүлийн хөгжил, хамгааллын газар, хэлтсүүд Онцгой байдлын газар (ОБГ) болон Цагдаагийн байгууллагатай хамтран дараах арга хэмжээнүүдийг авч хэрэгжүүллээ.

Нийслэлийн 9 дүүрэг Аюултай бүсэд завьт болон хөдөлгөөнт эргүүл ажиллаж, иргэд, амрагчдын төвлөрөл ихтэй Туул, Тэрэлж, Хэрлэн голын сав газар болон үерийн эрсдэлтэй бүсүүдэд голчлон анхаарлаа хандуулж байна.

📌Хан-Уул дүүрэгт Маршалын гүүрнээс Яармагийн гүүр хүртэлх 6.2 км газарт эргүүл ажиллуулж, амарч буй гэр бүлүүдэд аюулгүй байдлын санамж материал түгээлээ.

📌Баянзүрх дүүрэгт Баянзүрхийн гүүр, Хар усан тохой орчимд хөдөлгөөнт эргүүл ажиллуулж, эцэг эхчүүдэд зориулсан видео шторк, зөвлөмжийг хүргэсэн байна.

📌Сонгинохайрхан дүүрэгт Баянхошуу, Толгойт орчмын үерийн эрсдэлтэй суваг, шуудууны ойролцоох өрхүүдэд Хүүхдийн эрхийн улсын байцаагчид шалгалт хийж, "Усыг бүү бас" постер цувралыг цахимаар сурталчлалаа.

📌Багануур болон Налайх дүүрэгт Хэрлэн, Тэрэлж, Туул голын бэлчир дагуу "Завьт эргүүл" болон амралтын газруудаар явган эргүүл хийж, хүүхдээ хараа хяналттай байлгахыг анхаарууллаа.

📌Баянгол, Чингэлтэй, Сүхбаатар, Багахангай дүүрэгт Зуслангийн бүс, хороодын цахим групп болон албан ёсны хуудсуудаар дамжуулан "Аялагчийн санамж", аюулгүй байдлын видео шторк, зурган зөвлөмжийг иргэдэд тогтмол хүргэж байна.

📌Багахангай дүүргийн ХГБХХХ-ээс орон нутгийн цахим хуудсаараа дамжуулан бага насны хүүхдийг тогтоол уснаас хол байлгах постер зөвлөмжийг байршуулах зэрэг ажлыг хийсэн байна.

НЯЦААЛТ 13 настай 2 охиныг арабуудын отогт байж магадгүй гэсэн мэдээллийг Эрдэнэ.Н фэйсбүүк хаягаас мэдээлснийг Төв аймг...
04/08/2026

НЯЦААЛТ
13 настай 2 охиныг арабуудын отогт байж магадгүй гэсэн мэдээллийг Эрдэнэ.Н фэйсбүүк хаягаас мэдээлснийг Төв аймгийн цагдаагийн газраас тодруулахад /7027102/ тийм нөхцөл байдал илрээгүй болохыг нотолж, хариу тайлбар өглөө.
Иргэд хүүхдийн эрхийг хамгаалж, олон нийтийн хэрэгслээр мэдээлэхдээ үнэн эсэхийг сайтар нягталж байхыг уриалж байна.❗️❗️❗️

ХҮҮХДИЙГ АХУЙН ОСОЛ ГЭМТЛЭЭС ХАМГААЛЪЯ ‼‼Гэрийн болон орцны шатнаас хүүхэд өнхрөх, гишгэхдээ алдах эрсдэл их байдаг.Хам...
04/08/2026

ХҮҮХДИЙГ АХУЙН ОСОЛ ГЭМТЛЭЭС ХАМГААЛЪЯ ‼‼

Гэрийн болон орцны шатнаас хүүхэд өнхрөх, гишгэхдээ алдах эрсдэл их байдаг.

Хамгаалалтын хаалт (Safety Gate) байршуулах:

Шатны дээд болон доод хэсэгт хүүхэд нэвтрэх боломжгүй хамгаалалтын хаалт хийж өгөөрэй. Хаалт нь хүүхэд түлхэхэд нээгдэхээргүй, бат бөх цоожтой байх ёстой.

Шатны хашлага ба гишгүүрийн зай:

Шатны хашлагын хоорондын зай 10 см-ээс ихгүй байх ёстой (хүүхдийн толгой шургаад гарахгүй байхаар).

Хэрэв зай нь хол бол хоорондуур нь зориулалтын хамгаалалтын тор эсвэл хаалт татах хэрэгтэй.

Тулгуур, хальтрахаас сэргийлэх:

Шатны гишгүүрт хальтрахаас сэргийлсэн резинэн эсвэл хивсэнцэр наалт наах.

🌼⚽️Шат дээр тоглоом, хувцас, бусад эд зүйлс үлдээж болохгүй (бүдэрч унахаас сэргийлнэ).

💡🪜Гэрэлтүүлэг сайн байлгах:

Шатны хэсэгт шөнө болон өдөр нэвт харагдахуйц хангалттай гэрэлтүүлэгтэй байх шаардлагатай.

3. Ерөнхий санамж

АЮУЛГҮЙ БАЙДЛЫН АЛТАН ДҮРМҮҮД: ‼Бага насны (0–6 насны) хүүхдийг гэртээ эсвэл өрөөнд гал цоожтой болон ганцааранг нь огт ...
04/08/2026

АЮУЛГҮЙ БАЙДЛЫН АЛТАН ДҮРМҮҮД: ‼

Бага насны (0–6 насны) хүүхдийг гэртээ эсвэл өрөөнд гал цоожтой болон ганцааранг нь огт үлдээж болохгүй.

Аюулгүй байдлын хэрэгсэл суулгасан ч гэсэн насанд хүрэгчдийн хяналтыг юу ч орлож чадахгүй.‼

Хүүхдэд эртнээс цонх, яагаад аюултай болохыг тайлбарлан ойлгуулж, дүрмийг тогтмол сануулж байгаарай.‼

Ашиглаагүй разеткаа хаалттай байлгах тухай зөвлөмжГэр орон болон ажлын байрны цахилгааны аюулгүй байдлыг хангахад жижиг ...
03/08/2026

Ашиглаагүй разеткаа хаалттай байлгах тухай зөвлөмж
Гэр орон болон ажлын байрны цахилгааны аюулгүй байдлыг хангахад жижиг мэт санах боловч хамгийн чухал алхмуудын нэг бол ашиглаагүй разетканд хамгаалалтын таг (хаалт) хийх юм.

1. Бага насны хүүхдийг цахилгааны аюулаас хамгаална
Бага насны хүүхдүүд юмыг сонирхон барьж үзэх, разетканы нүх рүү төмөр сэрээ, зүү, тоглоом зэрэг нарийн зүйл чичих эрсдэл маш өндөр байдаг.

Хамгаалалтын таг хийснээр хүүхэд цахилгаанд цохиулах эрсдэлийг 100% бараг бууруулна.

2. Тоос шороо, чийг орохоос сэргийлнэ
Ил байгаа разетканд тоос шороо, чийг болон жижиг ахуйн шавж орох нь цахилгааны утас богино холболт (корот) өгөх үндсэн нөхцөл болдог.

Хаалттай байлгаснаар разетканы ашиглалтын хугацаа уртасч, цахилгааны найдвартай байдал дээшилнэ.

3. Гал түймрийн эрсдэлийг бууруулна
Цахилгааны богино холболтоос үүдэлтэй гал түймэр нь ахуйн гал түймрийн нэлээдгүй хувийг эзэлдэг.

Ашиглаагүй розеткад хаалт хийх нь ил шүүрэлт, оч хаяхаас сэргийлэх хялбар бөгөөд үр дүнтэй арга юм.

💡 Зөвлөмж & Анхаарах зүйлс:
Зориулалтын хамгаалалтын таг хэрэглэх: Дэлгүүрүүдэд зардаг пластик, зориулалтын разетканы хамгаалалтын бөгөөд тайлахад тусгай түлхүүр/хэрэгсэл шаарддаг тагнуудыг сонгоорой.

Автомат тагтай разетка суулгах: Хэрэв та засал чимэглэл эсвэл шинээр утас татаж байгаа бол цахилгааны хэрэгсэл залгаагүй үед автоматаар доторх цонх нь хаагддаг (Child-Safety/Tamper-Resistant) розетка сонгох нь зүйтэй.

Скоч, наалт ашиглахгүй байх: Скоч болон энгийн цаасан наалт нь хүүхэд хуулахад хялбар бөгөөд амархан хөндийрч тоос цуглуулдаг тул зориулалтын бус аргыг бүү ашиглаарай.

Санамж: "Аюулгүй байдал жижиг зүйлээс эхэлнэ. Ашиглаагүй бол хааж хэвшээрэй!"

Address

Baga Toiruu 42
Ulaanbaatar
97651262109

Opening Hours

Monday 08:30 - 17:30
Tuesday 08:30 - 17:30
Wednesday 08:30 - 17:30
Thursday 08:30 - 17:30
Friday 08:30 - 17:30

Website

Alerts

Be the first to know and let us send you an email when Хүүхэд, гэр бүлийн хөгжил, хамгааллын ерөнхий газар posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Хүүхэд, гэр бүлийн хөгжил, хамгааллын ерөнхий газар:

Shortcuts

Share

Category