Боловсролын яам

Боловсролын яам Боловсролын яамны албан ёсны цахим хуудаc
(1)

06/08/2026

Хувийн сургуулиуд дээр 12 мянган сул суудал байна. Хэрэв шинээр улсын сургууль барина гэвэл төсөвт хэт их ачаалал ирэх учир төр, хувийн хэвшлийн түншлэл нь богино хугацааны шийдэл.

БОЛОВСРОЛЫН САЙД Л.ЭНХ-АМГАЛАН “ДЭЛХИЙН ЗАЛУУ МАНЛАЙЛАГЧИД” НИЙГЭМЛЭГИЙН ТӨЛӨӨЛӨГЧИДТЭЙ УУЛЗАЖ, ХАМТЫН АЖИЛЛАГААНЫ БОЛОМ...
06/08/2026

БОЛОВСРОЛЫН САЙД Л.ЭНХ-АМГАЛАН “ДЭЛХИЙН ЗАЛУУ МАНЛАЙЛАГЧИД” НИЙГЭМЛЭГИЙН ТӨЛӨӨЛӨГЧИДТЭЙ УУЛЗАЖ, ХАМТЫН АЖИЛЛАГААНЫ БОЛОМЖУУДЫГ ХЭЛЭЛЦЛЭЭ

Боловсролын сайд Л.Энх-Амгалан “Дэлхийн залуу манлайлагчид” нийгэмлэгийн төлөөлөгчид болох
● “iamtheCODE” сангийн үүсгэн байгуулагч Lady Mariéme Jamme,
● “CT Corp” компанийн гүйцэтгэх захирал Hyun-gu Cho болон
● “Food4Education” байгууллагын үүсгэн байгуулагч Wawira Njiru нартай боловсролын салбарын дижитал шилжилт болон сургуулийн үдийн хоолны менежментийг сайжруулах чиглэлд санал солилцлоо.

Уулзалтаар “iamtheCODE” сангийн үүсгэн байгуулагч Lady Mariéme Jamme нь iamtheCODE” сургалтын платформыг ашиглах 600 мянган эрх Монгол Улсад олгох болсон тухайгаа дуулгав. Энэхүү платформоор дамжуулан олон улсад хүлээн зөвшөөрөгдсөн сертификат авахаас гадна кодинг, зөөлөн чадваруудад суралцах боломжтойг дурдлаа.

Үүний зэрэгцээ БНСУ-ын ерөнхий боловсролын сургуулиудын 90 гаруй хувь нэвтрүүлсэн “CT Corp”-ийн систем нь сурагчдын хиймэл оюуны ашиглалтад хяналт тавьж, сургалтын үйл явцыг зөв чиглүүлэх боломжийг олгодог платформоо танилцуулав.

Сургуулийн үдийн хоолны менежментийг сайжруулах чиглэлээр “Food4Education” байгууллагын туршлагад тулгуурлан, ерөнхий боловсролын сургуулийн 1-5 дугаар ангийн сурагчдад олгодог үдийн хоолны зардлын үр ашгийг дээшлүүлэх, хог хаягдлыг бууруулах чиглэлээр хамтран ажиллах боломжтой талаар санал солилцлоо.

iamtheCODE - https://www.iamthecode.org/
Cognity AI - https://www.cognity.it/
Food4Education - https://food4education.org/

06/08/2026

Нийслэлд 46-аас дээш хүүхэдтэй 1089 бүлэг байгаагаас эхний ээлжид 971 бүлэг буюу 89.2 хувийг нь 40-өөс доош хүүхэдтэй болгоно.

НИЙСЛЭЛИЙН БАЯНГОЛ ДҮҮРГИЙН ХҮҮХДИЙН ТӨЛӨӨ ЗӨВЛӨЛИЙН ГИШҮҮН СУРАГЧИД БОЛОВСРОЛЫН ЯАМАНД ЗОЧИЛЛООНийслэлийн Баянгол дүүрг...
06/08/2026

НИЙСЛЭЛИЙН БАЯНГОЛ ДҮҮРГИЙН ХҮҮХДИЙН ТӨЛӨӨ ЗӨВЛӨЛИЙН ГИШҮҮН СУРАГЧИД БОЛОВСРОЛЫН ЯАМАНД ЗОЧИЛЛОО

Нийслэлийн Баянгол дүүргийн Хүүхдийн төлөө зөвлөлийн хүүхдүүд Боловсролын яаманд зочилж, үйл ажиллагаатай танилцлаа.

Боловсролын яамны Төрийн нарийн бичгийн дарга Т.Ням-Очир, Төрийн захиргааны удирдлагын газрын дарга Д.Ренчиндорж нар хүүхдүүдийг хүлээн авч уулзаж, яам болон салбарын үйл ажиллагааг танилцуулж, санал бодлыг нь сонслоо.

Тус зөвлөл нь 37 гишүүнтэй бөгөөд дарга, дэд дарга, дотоод гадаад асуудал хариуцсан нарийн бичгийн дарга, хууль эрх зүйн хороо зэргээр зохион байгуулалтын бүтэцтэй.

Мөн долоо хоног бүр хуралдаж, байнгын үйл ажиллагаатай байдаг байна. Тус зөвлөлийн гишүүд энэ долоо хоногт Боловсролын яам, Нийслэлийн Засаг даргын Тамгын газар зэрэг байгууллагуудаар зочилж, мөн спортын чиглэлийн үйл ажиллагаагаа ярилцахаар төлөвлөжээ.

Хүүхдийн төлөө зөвлөлийн нийт гишүүн хүүхдүүддээ талархал илэрхийлж амжилт хүсье.

05/08/2026

Д.Тунгалаг: Боловсролын салбарын төсвийг танасаар байвал урт хугацаанд нийгэмд томоохон сөрөг үр дагавар авчирна.

05/08/2026

Боловсролын сайд Л.Энх-Амгалан Бүгд Найрамдах Финланд Улсаас Монгол Улсад хавсран суугаа Онц бөгөөд Бүрэн эрхт Элчин сайд Микко Киннунентэй уулзаж, хоёр орны боловсролын салбарын хамтын ажиллагааг өргөжүүлэх асуудлаар санал бодлоо солилцлоо.

ФУЛБРАЙТ ХӨТӨЛБӨРИЙН 80 ЖИЛ, МОНГОЛ УЛСАД ХЭРЭГЖИЖ ЭХЭЛСНИЙ 34 ЖИЛИЙН ОЙГ ТЭМДЭГЛЭЛЭЭ"Фулбрайт"-ын 80 жил, Монгол Улсад ...
05/08/2026

ФУЛБРАЙТ ХӨТӨЛБӨРИЙН 80 ЖИЛ, МОНГОЛ УЛСАД ХЭРЭГЖИЖ ЭХЭЛСНИЙ 34 ЖИЛИЙН ОЙГ ТЭМДЭГЛЭЛЭЭ

"Фулбрайт"-ын 80 жил, Монгол Улсад хэрэгжиж эхэлсний 34 жилийн ойн баярын арга хэмжээ боллоо. Арга хэмжээнд Боловсролын яамны Төрийн нарийн бичгийн дарга Т.Ням-Очир, Америкийн Нэгдсэн Улсаас Монгол Улсад суугаа Элчин сайдын яамны Хатагтай Эмма Ломакс болон төлөөлөгчид, үе үеийн Фулбрайт хөтөлбөрийн төгсөгчид оролцлоо.

Америкийн Нэгдсэн Улсад 1946 онд анх хууль батлагдсанаар үндэс нь тавигдсан тус хөтөлбөр өнөөдөр дэлхийн 160 гаруй улс орныг хамарсан хамгийн том боловсролын салбарын түншлэл болон өргөжжээ. Монгол Улсын хувьд 1992 онд анхны оюутан болох Ардын багш Б.Жадамбаа АНУ-ыг зорьсноор энэхүү түүх эхэлсэн бөгөөд өнөөдөр хоёр орны боловсролын хамтын ажиллагааны тулгын чулуу хэвээр байна.

2010 онд Монгол Улсын Засгийн газар, АНУ-ын Засгийн газар хооронд хамтарсан Фулбрайтын Гадаад оюутны хөтөлбөр байгуулах хэлэлцээрт гарын үсэг зурснаар манай улс уг хөтөлбөрт өөрийн төсвөөс санхүүжилт оруулдаг цөөн тооны түншлэгч орны нэг болсон юм. Энэхүү хамтарсан хөтөлбөрөөр өнөөдрийг хүртэл 150 гаруй монгол залуус боловсрол, байгаль орчин, нийгмийн эрүүл мэнд, геологи, уул уурхайн инженерчлэл зэрэг эх орны хөгжилд нэн шаардлагатай чиглэлээр АНУ-ын шилдэг их сургуулиудад магистрын зэрэг хамгаалжээ.

Арга хэмжээний үеэр Боловсролын яамны Төрийн нарийн бичгийн дарга Т.Ням-Очир үг хэлж, Фулбрайт хөтөлбөрийн үе үеийн төгсөгчдийг хоёр улсын нөхөрсөг харилцааны төлөөлөгчид, боловсролын элч гэдгээ ухамсарлан ажиллахыг хүсээд, АНУ-ын Тусгаар тогтнолын 250 жилийн ой болон Фулбрайт хөтөлбөрийн 80 жилийн ойн мэндийг АНУ-ын ард түмэн, Элчин сайдын яамны хамт олонд хүргэлээ.

Боловсролын сайд Л.Энх-Амгалан Бүгд Найрамдах Финланд Улсаас Монгол Улсад хавсран суугаа Онц бөгөөд Бүрэн эрхт Элчин сай...
05/08/2026

Боловсролын сайд Л.Энх-Амгалан Бүгд Найрамдах Финланд Улсаас Монгол Улсад хавсран суугаа Онц бөгөөд Бүрэн эрхт Элчин сайд Микко Киннунентэй уулзаж, хоёр орны боловсролын салбарын хамтын ажиллагааг өргөжүүлэх асуудлаар санал бодлоо солилцов.

Уулзалтын үеэр Сайд Л.Энх-Амгалан Монгол Улсын боловсролын салбарт хэрэгжүүлж буй үндэсний хэмжээний зургаан шинэчлэлийн талаар танилцуулж, хөдөө орон нутгийн сургууль, цэцэрлэгийн чанарын ялгааг арилгах, багш бэлтгэх тогтолцоог сайжруулах чиглэлээр Финландын талтай хамтран ажиллах хүсэлтэй байгаагаа илэрхийллээ.

Элчин сайд Микко хэлэхдээ, айлчлал, гэрээ байгуулах нь нэг хэрэг, харин бодит тогтвортой үр дүнд хүрэх нь өөр хэрэг тул хамтын ажиллагааны хүрээнд 20 жилийн дараа ч тогтнох үр дүн бий болгох нь чухал гэдгийг цохон тэмдэглэлээ.

05/08/2026

Боловсролын сайд Л.Энх-Амгалан: Орон нутгийн сургуулиуд суурилуулсан ариун цэврийн байгууламжийг сурагчдад ашиглуулахгүй байна.

📝Боловсролын салбарын 2027 оны төсвийн талаар олон нийтийн хэлэлцүүлэг боллоо. ✅Ирэх жилийн боловсролын салбарын төсвийн...
04/08/2026

📝Боловсролын салбарын 2027 оны төсвийн талаар олон нийтийн хэлэлцүүлэг боллоо.

✅Ирэх жилийн боловсролын салбарын төсвийн талаар санал өгөх иргэд цахимаар болон хэлэлцүүлэгт оролцож байр суурь, санал хүсэлтээ илэрхийллээ.

✅ Иргэд энэ сарын 10-ны өдрийг дуустал
www.ebudget.edu.mn цахим хуудсаар дамжуулан боловсролын салбарын ирэх жилийн төсвийн төсөөлөлтэй танилцах, төсөвт тусгах шаардлагатай гэсэн санал хүсэлтээ илгээх боломжтой.

✅ Олон нийтийн хэлэлцүүлгийн үеэр төрийн бус байгууллага болон багш нарын үйлдвэрчний эвлэл, багш, эцэг эхийн төлөөлөл оролцож, байр сууриа илэрхийллээ.

📊 Боловсролын салбарын сүүлийн жилүүдийн төсвийг харвал:

2022-2026 онд дотоодын нийт бүтээгдэхүүний 4,0-5,2 хувь, нэгдсэн төсвийн нийт зарлагын 12,6-16,4 хувийг эзэлж байна. Жишээлбэл энэ жил боловсролын салбарын төсөв дотоодын нийт бүтээгдэхүүний 2,25 хувь, нэгдсэн төсвийн нийт зарлагын 16,4 хувьтай тэнцэх хэмжээнд батлагджээ.

✅ Хэлэлцүүлэгт оролцсон иргэний нийгмийн болон эцэг эхийн төлөөлөл хувьсах зардал, үдийн хоол, сэтгэл зүйчийн хүртээмж, хөгжлийн ялгаатай хүүхдийн тэгш суралцах эрх зэрэг төсөвт тусах санхүүжилт болон бусад хүчин зүйлээр нь анхаарах хэрэгтэй гэсэн байр сууриа илэрхийллээ.

✅ 2027 онд ДНБ-д эзлэх боловсролын салбарын төсөв нь 7,61 хувьд хүрч, 2026 оны түвшнээс 2,94 нэгж хувиар нэмэгдэх тооцооллыг урьдчилсан байдлаар гаргасан байна.

✅ Өнөөдрийн хэлэлцүүлэг нь боловсролын салбарын төсвийг батлахад олон нийтийн оролцоог хангаж, боловсролын салбарын төсвийн төслийг илүү оновчтой, хэрэгцээнд нийцүүлэн боловсруулах зорилготой юм.

Address

Baga Toiruu - 44
Ulaanbaatar
11000

Opening Hours

Monday 08:30 - 17:30
Tuesday 08:30 - 17:30
Wednesday 08:30 - 17:30
Thursday 08:30 - 17:30
Friday 08:30 - 17:30

Telephone

+97618001001

Website

Alerts

Be the first to know and let us send you an email when Боловсролын яам posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Боловсролын яам:

Shortcuts

Share

Category