27/05/2026
✨ Зураг түүх өгүүлнэ ✨
🎭 Завхан аймгийн Л.Ванганы нэрэмжит Хөгжимт жүжгийн театр-ын урлагийн алтан тайзнаа гялалзан тодорч, үзэгч түмний сэтгэлд мөнхөрсөн эрхэм уран бүтээлчийг та бүхэндээ танилцуулж байна.
Энэхүү танилцуулгаар дамжуулан үндэсний соёл урлагийн үнэт өв, түүхэн замнал, уран бүтээлчдийн оруулсан хувь нэмрийг олон нийтэд хүргэхийг зорьж байна. 🇲🇳
🎹 Цэндийн Дашзэвэг нь Монголын хөгжмийн урлагт өөрийн гэсэн өнгө төрх, уран бүтээлийн өвийг бүтээсэн нэрт хөгжмийн зохиолч, авьяаслаг уран бүтээлч юм. Тэрээр хөгжмийн олон төрөл, жанраар идэвхтэй уран бүтээл туурвиж, үндэсний болон орон нутгийн соёл урлагийн хөгжилд үнэтэй хувь нэмэр оруулсан билээ.
🌙 Улиастай хотын Чигэстэй голын эрэг дагуух чулуун байшингаас шөнө дөл хүртэл төгөлдөр хуурын аялгуу эгшиглэдэг байсан тухай нутгийн иргэд өнөө хэр дурсан ярьдаг нь түүний уран бүтээлдээ чин сэтгэлээсээ хандаж, уйгагүй хөдөлмөрлөж явсны тод илэрхийлэл юм.
🌿 Тэрээр Чигэстэй голын бургасан дундуур алхаж, шинэ бүтээлийнхээ аялгуу, хөгжмийн санааг боловсруулдаг байсан бөгөөд байгаль, нутгийн өнгө төрхөөс төрсөн тэрхүү мэдрэмж нь хожмоо ард түмний сэтгэлд хоногшсон олон сайхан бүтээлд нь шингэсэн байдаг.
🎵 Мөн Идэрийн голын хөвөөнд амарч байх үедээ зохиолч Даг. Жамьянтай хамтран туурвисан “Хүрэн хөндийн унага” хэмээх дөрвөн мөрт шүлэг нь хожим нийтийн хүртээл болсон алдарт дуу болон мөнхөрсөн нь тэдний хамтын уран бүтээлийн нандин өвийн нэг билээ. 🇲🇳
..🐎Хүрэн хөндийн унага нь хойно
Хурдан байлгүй яах вэ ээ...
💞Хэлэлцэж дассан амрагтай хойно
Хүлээдэг байлгүй яах вэ ээ...🌙
