16/05/2026
ށ.ކަނޑިތީމު އަންހެނުންގެ ތަރައްޤީއަށް މަސައްކަތް ކުރާ ކޮމިޓީގެ 04 ވަނަ ދައުރު މިކޮމިޓީގެ މަސައްކަތްތައް ފުރިހަމަ ކަމާއެކީ ނިންމާލެވުނީ ވަރަށް ގިނަ ފަރާތްތަކުގެ ވަރަށް ފުރިހަމަ އެއްބާރުލުމާ އެކުއެވެ. އެހެންކަމުންމިކޮމިޓީއަށް އެކިގޮތްގޮތަށް އެހީތެރިކަން ފޯރުކޮށްދެއްވި ހުރިހާ މުއައްސަސާތަކާއި ޖަމިއްޔާތައް އަދި ވަކިން ހާއްސަކޮށް ކަނޑިތީމު ކައުންސިލަރުންނާއި މުއައްޒަފުން، އ.ތ.މ ކޮމިޓީން ކުރިއަށް ގެންދެވުނު ކޮންމެ ހަރަކާތެއްގައި ވެދެއްވި އެހީތެރިކަމާއި އެއްބާރުލުން ފާހަގަކޮށް ކަނޑިތީމު އ.ތ.މ ކުރާ ކޮމިޓީގެ ހުރިހާ މެމްބަރުންގެ ފަރާތުން ވަރަށް އިހްލާސްތެރި ކަމާއެކު ޝުކުރު ދަންނަވަމެވެ. މީގެ އިތުރުން ކަނޑިތީމު ލޮބުވެތި ހިތްވަރު ގަދަ ކަނބަލުންނާއި ކަނޑިތީމުގެ ލޮބުވެތި ރައްޔިތުން ދެއްވި އެއްބާރުލުމަށް އިންތިހާއަށް ޝުކުރުވެރިވަމެވެ. އަދި ކަނޑިތީމު އ.ތ.މ. މަސައްކަތްކުރާ ކޮމިޓީގެ 05 ވަނަ ދައުރުގެ ހުރިހާ ބައިވެރިންނަށް ފުރިހަމަ ކާބިޔާބީއަށް އެދެމެވެ.
