MMS Visual Lens

27/09/2026

AMSAR ITA CE BABU!!! 🔥

A yayin ƙaddamar da rabon kayan aikin noman rani da Hon. Mansur Manu Soro ya gudanar a ranar Asabar, 27/09/2026, Malam Umar Abdullahi Soro ya jefa wata tambaya mai ɗaukar hankali. Inda yake cewa:

“BAN DA HON. MANSUR MANU SORO, WANE ƊAN SIYASA NE ALHERINSA YAKE ISA GINDIN KOWACE RUMFAR AKWATI?”

SIYASA TA CANZA.
Gwargwadon yawan ayyukan alherin ka gwargwadon yawan al'ummar ka. Siyasar daɗin baki ya ƙare.

11/09/2026

BARKA DA JUMA'A 🕌🙏🏽✨

Gaisuwa ta musamman ga daukacin al'ummar mazabar Darazo da Ganjuwa daga shugaba kuma wakili mai kishin cigaban al'umma, Hon. Mansur Manu Soro.

Allah ya ci gaba da yi wa jagorancin sa jagora. 🤲

09/09/2026

Alhamdullillah 🥰 🥰
Muna miƙa jinjina ga Rep. Mansur Manu Soro (MMS) bisa ɗaukar nauyin wannan aikin gyaran makarantar Central Primary School Soro.

Ko da yake wannan aiki ne da ke ƙarƙashin hurumin Gwamnatin Jiha ko Ƙaramar Hukuma, amma tsananin kishin jama'a da son ci gaba ya sa MMS ya ɗauki nauyin gabatar da shi da kansa domin ceto ilimin yaranmu.

Wannan shi ne kyakkyawan shugabanci da muke buƙata domin inganta rayuwar al'ummarmu ta gobe.

08/09/2026

Yadda aikin kafa fitilun kan t**i (Solar Street Lights) ke ci gaba da kankama a yankunan Darazo) Ganjuwa ƙarƙashin jagorancin Rep. Mansur Manu Soro.

Babu shakka Rep. MMS shine ɗan majalisar fita kunya! 🏗️🌟

06/09/2026

🚨 GASKIYAR BAYANI: Hon. MMS Bai Koma APC Ba! 🚨

Ku yi watsi da duk wani labari na ƙage da ke yawo a shafukan sada zumunta cewa Hon. Mansur Manu Soro (MMS) ya sauya sheƙa zuwa jam'iyyar APC. Wannan jita-jita ce kawai mara tushe wadda wasu ke yaɗawa don kawo rudani!

Ga ainihin gaskiyar al'amari:

- Hon. MMS yana nan daram a jam'iyyar APM tare da Mai Girma Gwamnan Jihar Bauchi, Sen. Bala A. Mohammed (Kaura).

- Zai ci gaba da gudanar da muhimmin aikinsa a matsayin 'Minority Whip' a Majalisar Tarayya a ƙarƙashin inuwar APM har zuwa ƙarshen wa'adinsa.

- Babu wani shiri ko kaɗan na komawa wata jam'iyya a yanzu.

A karshe muna jan hankalin al'umma da su daina yarda ko yaɗa labaran da basu fito daga ainihin kwamitin sadarwa na Hon. MMS ba. Yaɗa labaran ƙarya don keta mutuncin mutane babban laifi ne.

05/09/2026

ALHAMDULILLAHI 🥰 🥰

Hon. Rep. Mansur Manu Soro ya ci gaba da gudanar da ayyukan Alheri ba tare da sarewa ba. Inda yanzu haka ana aikin gina sabbin shaguna a garuruwan Nasarawa da Tauya domin bunkasa harkokin kasuwanci da tattalin arzikin al'umma.

Wannan ya nuna cewa shidin mai kishin jama'a ne na gaskiya; tinda dai rashin tsayawa takara bai hana shi ci gaba da kawo ayyukan alheri ba.

Allah Ya saka da alheri.
Abdullahi Ali

05/09/2026

Alhamdulillahi🔥🔥

Aikin ginin sabbin shaguna a Tauya Ward ya kankama karkashin jagorancin Rep. Mansur Manu Soro.

Yanzu haka tawagar injiniyoyi sun riga sun isa bakin aiki domin tabbatar da gudanar da wannan aiki cikin nasara.

Wannan wani babban yunkuri ne na kara inganta harkokin kasuwanci da kuma tallafawa bunkasar tattalin arzikin al'ummar mazabar mu ta Darazo/Ganjuwa.

Allah Ya saka wa Hon. MMS da alheri, Ya kara masa kwarin gwiwar hidimtawa jama'a!

26/08/2026

MMS LEGACY INITIATIVE: SHIRIN TALLAFAWA MATA 2,610 A FAƊIN MAZABAR DARAZO/GANJUWA

Domin ci gaba da inganta rayuwar al'umma ta hanyar bunkasa tattalin arzikin mata, shirin MMS Legacy Initiative na Ɗan Majalisar Tarayya, Hon. Mansur Manu Soro (MMS), ya fara gudanar da aikin tantance mata a faɗin mazabar Darazo/Ganjuwa (wanda aka fara daga Lanzai Ward).
Wannan gagarumin shiri zai tallafa wa mata 5 a kowace rumfar zaɓe (Polling Unit) 522, wanda ya kai jimillar mata 2,610 a faɗin mazabar.

Manufar Shirin:
Samar da jarin bunƙasa ƙananan sana'o'in mata don su dogara da kansu, tare da inganta tattalin arzikin iyali da ci gaban al'umma baki ɗaya.

👉 MMS VISUAL LENS
— Gani Ya Kori Ji!

24/08/2026

DARAZO/GANJUWA: TALLAFIN TAKIN ZAMANI GA LIMAMAI DA FASTOCI

​Domin bunƙasa harkokin noma da sauƙaƙa wa shugabannin addini nauyin tsadar kayan aiki, Ɗan Majalisar Wakilai ta Tarayya mai wakiltar Mazabar Darazo/Ganjuwa, Hon. Mansur Manu Soro (MMS), ya samar da tallafin buhunan takin zamani guda 500 (kimanin tirela ɗaya).

​A halin yanzu, kwamitin raba kayan tallafin ƙarƙashin jagorancin L.A Safiyanu Ibrahim Darazo na ci gaba da rarraba takin ga Limaman Masallatan Juma'a da Fastoci a faɗin sassan mazabar cikin tsari, gaskiya, da adalci.

​MANUFOFIN WANNAN TALLAFI:

1. ​Bunƙasa Noma: Rage nauyin kuɗin taki don samun yabanya mai albarka da wadatar abinci.

2. ​Karrama Jagoranci: Tallafa wa Limamai da Fastoci a matsayinsu na ginshiƙan zaman lafiyar al'umma.

3. ​Adalcin Wakilci: Isar da romon dimokuraɗiyya ga kowane ɓangare a Darazo/Ganjuwa ba tare da nuna bambanci ba.

​"Girmama shugabannin addini da tallafa wa manoma ginshiƙi ne na zaman lafiya da wadatar abinci a mazabarmu."

​MMS VISUAL LENS
— Gani Ya Kori Ji!
​

25/12/2025