06/08/2026
Muridai uku da shehinsa (kwai uku)
Wata rana almajirai uku s**a tafi tare da Shehunsu cikin wata doguwar tafiya.
Da s**a isa bakin wani kogi, sai Shehun ya ba kowannensu ƙwai guda ya ce:
"Ku ketare kogin nan, amma kada ku karya ƙwain."
Na farko ya ɗaure ƙwain a aljihunsa. Da ya shiga ruwa sai ya faɗi, ƙwain ya fashe.
Na biyu ya riƙe ƙwain da hannu. Saboda tsoron kada ya faɗi, ya kasa taimaka wa kansa wajen iyo, shi ma ƙwain ya fashe.
Sai na uku ya tsaya yana tunani. Ya ɗaga ƙwain ya ba wani mai jirgin ruwa ya riƙe masa, sannan ya ketare cikin natsuwa. Da ya isa ɗaya gefen, ya karɓi ƙwainsa lafiya.
Shehun ya yi murmushi ya ce:
"Kun ga bambanci? Na farko ya dogara da ƙarfinsa. Na biyu ya dogara da tsoronsa. Amma na uku ya yi amfani da hikima."
Sai ya ƙara da cewa:
"Rayuwa ba ƙarfi kaɗai take buƙata ba, kuma ba tsoro ba ne mafita. Hikima ita ce ginshiƙin nasara.
Wane darasi ka tsinta a cikin wannan hikayar ?
