14/04/2026
Marigayi Umaru Musa Yar’Adua: “The Servant Leader” — Shugaban Da Ya Zama Misalin Gaskiya Da Rikon Amana
Shin kun san cewa Umaru Musa Yar’Adua shi ne shugaban kasa na farko a tarihin Najeriya da ya fito fili ya bayyana dukkan kadarorinsa (Asset Declaration) kafin ya hau mulki?
Wannan ya nuna cewa a wajensa, shugabanci ba hanyar tara dukiya ba ce, illa hanya ce ta hidimtawa talakawa.
An haife shi ranar 16 ga Agusta, 1951 a jihar Katsina. Kafin shiga siyasa, malamin jami’a ne (Lecturer), abin da ya ba shi nutsuwa, hakuri da zurfin tunani wajen jagoranci.
Abubuwan Da S**a Bambanta Mulkinsa
Ya mayar da hankali kan:
Wutar lantarki
Harkar noma
Tsaro da gyaran kasa
Shi ne shugaban Najeriya na farko da ya amince a fili cewa zaben da ya kawo shi mulki yana da kura-kurai, sannan ya yi alkawarin gyara tsarin zabe.
Zaman Lafiya a Neja-Delta
Maimakon amfani da karfin soja, Yar’Adua ya bullo da shirin afuwa (Amnesty Programme) ga matasan Neja-Delta.
Ya ba su damar koyon sana’o’i da samun sabuwar rayuwa.
Sakamakon haka:
Fasa bututun mai ya ragu sosai
Samar da mai ya karu
Tattalin arzikin kasa ya fara farfadowa
Shugaban Mai Bin Doka
A lokacin mulkinsa:
Gwamnati tana mutunta hukuncin kotu.
Ya amince a saki kudaden kananan hukumomin Legas bisa umarnin kotu, yana mai cewa doka ta fi kowa.
Wannan ne ya sa aka rika kiransa: Shugaban Mai Bin Doka.
Rasuwarsa
Bayan fama da rashin lafiya, ya rasu a ranar 5 ga wanan Mayun Shekarar 2010, yayin da yake kan mulki. Rasuwarsa ta jefa Najeriya cikin jimami, kuma har yau ana tuna mulkinsa (2007–2010) a matsayin lokaci na gaskiya da kankan da kai.
Kalmar Da Yake Fada Akoda Yaushe Itace Ni Servant Leader Ne
Ina kiran kaina Servant Leader ne saboda ni ma’aikacin talakawa ne, ba ubangidansu ba.
Har yau, mutane da dama suna kallon Yar’Adua a matsayin shugaba mai gaskiya, tawali’u da bin doka.
Kai fa, wane abu ne ka fi tunawa da mulkin Yar’Adua? Ka rubuta ra’ayinka a comment.
