26/06/2026
Weromsjen: fan ferkiezingen oant it akkoart.
It hat even stil west op de sosjale media: De nije FNP-fraksje hat it der mar drok mei hân. Sûnt de ferkiezings hawwe wy net stilsitten. Fraksjefoarsitter Harm de Jong, riedslid Hans Hofstee en de nije riedsleden Johnny Voskuilen en Sikke Visser, lykas bestjoerder Joeri Arndt hawwe de ôfrûne tiid harren dwaan hâlden mei it gearstallen fan in koälysje-akkoart yn gearwurking mei Opsterlânsk Belang. Ofrûne tiisdei wie it dan safier. Yn in bysûndere gearkomste is dit akkoart besprutsen. It hat de titel meikrigen: 'In Klear Lûd'.
It akkoart is foar ús basearre op realistyske ferwachtingen, is der foar de Opsterlanners en biedt in soad perspektyf foar bygelyks wenjen, natuer en it Frysk. In akkoart wêr't wy gjin tiid stekke yn de Lelyline mar sjogge nije realistyske oplossings. In akkoart wêr't wy de ynrjochting fan de iepen romte net samar opofferje oan in enerzjytransysje, mar ek hjir wer sykje nei alternativen. Doarpen krije noch mear omtinken as earder, lûd fan ûnder op krijt romte en middels. Doarpenfûnsen wurde ferhege en ferkear, feiligens en skoallen krije noch mear omtinken. It Frysk, as ferbinende faktor, krijt ek mear romte en stipe fan de koälysje. It mei dúdlik wêze, wy binne optein oer de nije gearwurking mei Opsterlands Belang.
Tiisdei en ek tongersdei namen wy ôfskied fan it kolleezje. Foar ús yn it bysûnder ek fan de earste FNP-wethâlder fan Opsterlân: Durk Durksz. Mei al syn ûnderfining, syn persoanlikheid, syn belutsenens hat der ús de lêste fjouwer jier foarút holpen en spile der in wichtich part yn de groei fan ús partij. Wy winskje Durk fansels in prachtich pensjoen, ek al hawwe wy twivels of soks wol yn syn wurdboek stiet.
Mei it ôfskied fan Durk is der ek in grut wolkom foar ús nije wethâlder: Bert Koonstra. In wâldman út Sweagerbosk, mei ek al in grutte politike ûnderfining yn Noardeast-Fryslân. Tiisde kaam syn âlde ôfdieling him persoanlik op it gemeentehûs ôfleverje. Hjirmei koe der yn it nije kolleezje ynstallearre wurde. Neist Bert wurdt it kolleezje oanf***e mei nijbakken wethâlder Anneke Oosterwoud en wethâlder Marcel van Opzeeland en boargemaster Andries Bouwman.
FNP Opsterlân sjocht mei in soad nocht út nei de kommende riedsperioade en seit tank oan elkenien dy't ús stipe hat!
In Klear Lûd
