Ørsta kommune

01/06/2026

Tysdag 2. juni stenger servicekontoret tidleg.
Opningstida er då: 09.00–12.00. Sentralbordet er ope som vanleg.

29/05/2026

Frå 1. juni vert opningstida redusert for resepsjon og telefon ved helsestasjonen. Tenestene elles ved helsestasjonen går som normalt.

26/05/2026

Filmen «Fjord», som er spelt inn i Ørsta og omegn, har vunne den prestisjetunge Gullpalmen under filmfestivalen i Cannes. Ordførar og varaordførar gratulerer heile lokalsamfunnet med ein eineståande prestasjon.🥳👏

Filmen «Fjord», som er spelt inn i Ørsta og omegn, har vunne den prestisjetunge Gullpalmen under filmfestivalen i Cannes.

20/05/2026

Hugs søknadsfristen for Kulturtilskot 2026 måndag 25. mai.

I budsjettet er det løyvd midlar til kulturmidlar. Du kan søkje om kulturmiddlar til festival, idrettsanlegg, forsamlingshus og som blir tildelt etter Prinsipp for delinga av kulturmidlane i Ørsta kommune.

På denne sida finn du informasjon om tilskotsordningar innan kultur, idrett og fritid i Ørsta kommune, inkludert søknadsfristar og krav til søknaden.

20/05/2026

Forbod mot gjennomkøyring, del av Webjørn Svendsengata

Ørsta kommune, teknisk drift, skal utføre graving og leidningsarbeid i Webjørn Svendsengt. frå og med i morgon, onsdag 20. mai kl. 09.00. Gata vert derfor stengt for gjennomkøyring mellom kryss Anders Aarsætergt. og Torggata.

Forbod mot gjennomkøyring vil vare fram til arbeidet er ferdig i løpet av sommaren 2026. Mjuke trafikantar må nytte Vikegata. Inn- og utkøyring frå parkeringsgarasje for Webjørn Svendsgt. nr. 18 vil førebels vere mogleg fram til ny beskjed vert gitt.

Ev. oppdateringar blir lagt ut på varselsida:

På denne sida finn du oppdaterte varslar og meldingar om til dømes stengingar, pågåande arbeid, tekniske feil, ekstremvêr-varsel.

20/05/2026

Vassavstenging Webjørn Svendsen-gata og Vikegata

Ørsta kommune, teknisk drift, stengjer vassforsyninga i delar av Webjørn Svendsengt. og Vikegata i Ørsta, onsdag 20. mai, frå om lag kl. 09.00 og fram til kl. 13.00, grunna arbeid på leidningsnettet.

Dersom drikkevatnet har farge når det kjem att lat kaldt vatn renne til det er klart. Bruk då tappepunkt nær inntak i huset.

Abonnentar som vert råka av vassavstenging får varsel på SMS. Vatnet vert sett på att utan nærare varsel når arbeidet er ferdig.

Ev. oppdateringar skjer på varselsida:

På denne sida finn du oppdaterte varslar og meldingar om til dømes stengingar, pågåande arbeid, tekniske feil, ekstremvêr-varsel.

18/05/2026

Resultatet frå vårteljingane av hjort er 533 hjort på fyrste teljing 18. april og 298 hjort på andre teljing 2. mai. Dette er ein nedgang frå tidlegare år.

18/05/2026

Bli med på generasjonsleikane 2. juni!

Alle leikane er tilpassa slik at både born, ungdomar og godt vaksne skal ha sjansen til å gjennomføre. I år er det kjekke ungdommar frå ungdomsskulen som står for leikarne og elevar frå helse og oppvekstfag Vg1 er med som gode hjelparar.

Vi ønskjer barnehagar, skuleklassar, lag og organisasjonar, institusjonar og eldre velkommen til ein triveleg dag med leik og moro tysdag 2. juni!

15/05/2026

Ørsta kommune har tilsett Pål-Einar Brekke som kommunalsjef for Oppvekst, kultur og inkludering.

Brekke er 39 år og bur i Ørsta. Han har vore konstituert i stillinga sidan 1. september 2025, og har vore tilsett som rådgivar i kommunalområdet sidan 2021. Før det var han assisterande rektor på Vartdal skule.

Kommunalområdet omfattar mellom anna barnehage, skule, vaksenopplæring, flyktningteneste, frivilligsentral og eit breitt kulturtilbod. Som kommunalsjef går Brekke inn i kommunedirektøren si strategiske leiargruppe med ansvar for fag, økonomi og personal.

– Vi er svært glade for å få Brekke med på laget. Han har den kompetansen og gjennomføringsevna vi treng i ei viktig tid for kommunen, seier kommunedirektør Kari Flø.

Ørsta kommune står framfor omstilling dei komande åra, og eit sentralt arbeid vert å utvikle gode og berekraftige tenester innanfor vedtekne rammer.

Ørsta kommune har tilsett Pål-Einar Brekke som kommunalsjef for Oppvekst, kultur og inkludering.

13/05/2026

Ørsta kommune har i dag signert kontrakt med Volda Maskin AS om gjennomføring av trafikktryggingstiltak ved Vartdal skule.

Målet med prosjektet er å gjere området tryggare for alle som ferdast til og frå skulen.

Les meir på heimesida.

Ørsta kommune har i dag signert kontrakt med Volda Maskin AS om gjennomføring av trafikktryggingstiltak ved Vartdal skule.