Austrheim kommune

30/05/2026

Les oppdatert informasjon på nettsida om vasslekkasjen som råka Bergsvik og Lerøy fredag.

Minnar om at viss vatnet er misfarga bør du tappe kaldt vatn til det er klart og fint.

https://www.austrheim.kommune.no/nyhet/vatn290526

28/05/2026

Austrheim svømmeklubb melder at siste familiebading på Kaland før sommaren er i morgon fredag 29. mai. Etter det må badelystne dyppa tærne i sjøen fram til hausten ☀️😎

26/05/2026

SPRÅKKAFÉ - Bli med oss på språkkafè torsdag 28.05.26 kl. 17.30 - 19.00.
Me treng personar som snakkar norsk og som deltek på kafeen vår.
Linda Borlaug har eit flott opplegg.
Kaffe og noko å bita i er heilt gratis.
👉Det er språkkafé annan kvar torsdag.
👉 Stad: Austrheimstova i 2. etasje på kommunehuset.
👉 Ta kontakt med Frivilligsentralen tlf. 456 35 324 for spørsmål.

22/05/2026

Turstigruppa ved Hoplandgrendelag inviterer til fellestur til Hoplandskvernane torsdag 28. mai kl 18. Turen passar for alle.

Felles tur til Hoplandskvernane med start frå parkeringsplassen ved hovudvegen 565 på Litlelindås. Turen passar for alle.

19/05/2026

Saknar du ein sko etter 17. mai-feiringa? Denne vart funnen ved den tidlegare Joker-butikken, og kan hentast hos Innbyggarservice på kommunehuset.

18/05/2026

"Turen stopper her" - aksjon for betre universell utforming
👉 Friluftsrådenes Landsforbund har saman med FFO, Gjensidigestiftelsen og ei rekkje andre organisasjonar lansert "Turen stopper her".
👉 Dette er ei nasjonal kartlegging som inviterer alle til gjera ei kartlegging av fysiske barrierar i nærnaturen.
👉 Kvart registrerte punkt i kartet er med på å teikna eit heilskapleg bilde av kvar i Noreg nærnaturen er stengt.
👉 Datasettet skal brukast i dialog med beslutningstakarar på alle forvaltingsnivå - lokalt, regionalt og nasjonalt.
👉 Sjekk bilda for å sjå korleis du kan registrera plassar der turen vert stoppa.
👉 www.turenstopperher.org

15/05/2026

👉 17. mai-programma for Austrheim og Kaland
Nasjonaldagen vert markert i begge skulekrinsane i kommunen, her finn du tidsplanen for både Austrheim og Kaland. Det er også laga flotte program for feiringa, desse kan du få kjøpt ulike stader.

👉 17. mai - program på Austrheim
Austrheim Kyrkje – Nordliheimen - Samfunnshuset

Klokka 07.00 Salutt for dagen v/ Kjetil Straume
Klokka 10.00 Festgudstjeneste i Austrheim Kyrkje
Klokka 10.50 Minnestund ved bautaen utanfor kyrkja, med minnetale og diktlesing v/elevar i 6. klasse ved Årås Skule. Austrheim skulekorps spelar
Klokka 11.15 Oppstilling 17. mai-toget, i denne rekkjefølgja:
- 1) Flaggborg
- 2) 6. klasse m/foreldre.
- 3) Austrheim skulekorps.
- 4) Barnehagen.
- 5) 1.-4. klasse (klassevis).
- 6) 5.-7. klasse (klassevis)
- 7) Bygdefolk
Klokka 12.00, ved Nordliheimen:
- Tale for dagen v/ Morten Sognes
- Song ved 1.-4. klasse
- Austrheim skulekorps spelar
- Appell v/russepresident Emilie Kommedal Sætre
Klokka 12.30 på Austrheim samfunnshus, kafeen, lykkehjul, andedam og lynlodd opnar.
Klokka 14.00 Leiker for born og vaksne
Klokka 15.30 Avslutning på samfunnshuset med utdeling av premiar

👉 17. mai - program på Kaland
Kaland skule, Leirvåg bedehus, Kaland skule

Klokka 07.00 Salutt
Klokka 08.00 Flaggheising
Klokka 11.30 Folketoget stiller opp ved Kaland skule, i denne rekkjefølgja:
- 1) Flaggborg
- 2) Kaland skulemusikklag
- 3) Barnehagen
- 4) 1. - 7. klasse
- 5) Bygdefolket
Klokka 11.40 Toget går til Lervåg bedehus, der er det appell, kransenedlegging og felles song: «Fagert er landet».
Klokka 12.45 Toget er tilbake på skulen, program:
- 1) Felles song: «Norge i rødt, hvitt og blått».
- 2) Tale for dagen v/ordførar Morten Sognnes
- 3) 5. klasse les dikt
- 4) Felles song: «Ja vi elsker»
Klokka 13.15 Kafeen opnar i gymsalen, leikane startar
Klokka 15.00 Annonsering av premievinnarar
Klokka 15.30 Vel heim

15/05/2026

Sjå bilde frå 8. mai-markeringa på Selsøy
👉 Frigjerings- og veterandagen vart som tidlegare markert på Selsøy 8. mai.
👉 På denne øya i Austrheim vart det under andre verdskrigen etablert ein observasjonspost, med kodenavn RISOR II, der trafikk sjøvegen vart notert og meldt frå om til England. Stasjonen vart evakuert like oppunder jul 1944, etter at dei tyske okkupasjonsmaktene var i ferd med å kartlegga kvar RISOR II heldt til. Saman med dei utplasserte agentane måtte også familiar frå Rongevær evakuerast, dette var familiar der folk kjende til stasjonen og hadde støtta agentane på ulikt vis.
👉 Neptun Seniorklubb starta i 1994 arbeidet med å bygga opp igjen hytta i Selsøy, og har laga ein god tradisjon med årvisse markeringar av frigjeringsdagen.
👉 I 2026 var det tale og kransnedlegging av kontreadmiral Bernt Grimstvedt (tidlegare generalinspektør for Sjøforsvaret). I tillegg deltok mellom andre Neptun Seniorklubb, ordførar Morten Sognnes, kommunedirektør Britt Skaalevik Lerøy, sokneprest Stein Hugo Fykse, og ei rekkje lokale kulturkrefter.

08/05/2026

Ledige stillingar som barnehagelærar
👉 Ved Kaland barnehage er det ledig to stillingar som barnehagelærar.
👉 Det er ei 100% fast stilling som er ledig frå 1. august 2026.
👉 Det er ei 60% fast stilling som er ledig frå 1. november 2026.
👉 Søknadsfrist for begge stillingane er torsdag 28. mai 2026.
👉 Om du ikkje skal søka sjølv, tips gjerne aktuelle kandidatar.

Sjå utlysingane på Jobbnorge:

Jobbnorge tar rekruttering på alvor og tilbyr våre kunder de beste verktøyene for en enklere vei til rett medarbeider!

06/05/2026

Frigjerings- og veterandagen 8. mai 2026 - Markering på Selsøy klokka 11.00.
- Frigjerings- og veterandagen vert markert med gudsteneste, talar, kransenedlegging, song og musikk på Selsøy.
- Gratis båtskyss frå Baløykaien frå klokka 09.30 til ca. 10.40.
- Ta med varme klede, mat og drikke.
- Høve til tur til radiohytta RISOR II og til husmannsplassen.
- Båtskyss tilbake til Baløy etter ønske.
Arrangør: Neptun Seniorklubb