Elev- og lærlingombodet i Vestland

03/07/2026

Vi ønskjer med dette god sommar til alle som følgjer oss her på Facebook, til alle som har kontakta oss i løpet av skuleåret, og ikkje minst til alle elevar og lærlingar i Vestland. ❤️
Elev- og lærlingombodet tek ferie 6.juli og er tilbake 4.august.

Treng du hjelp i sommar? Du finn meir informasjon her:
➡️ Vidaregåande opplæring: https://www.vestlandfylke.no/utdanning-og-karriere/
➡️ Læreplass og fagopplæring: https://www.vestlandfylke.no/utdanning-og-karriere/laerling/

Andre nyttige ressursar:
🔧 Er du lærling og treng rettleiing? Kontakt Rettleiingstenesta – opplæring i bedrift:
https://www.vestlandfylke.no/utdanning-og-karriere/rettleiingstenesta/

📋 Spørsmål om inntak? Kontakt Inntakskontoret i Vestland fylkeskommune: https://www.vestlandfylke.no/utdanning-og-karriere/elev/soknad-inntak/kontaktinformasjon2/

Foto: Julia Farsund Storvik/Vestland fylkeskommune

22/06/2026

Takk til Krokeide VGS for invitasjonen og for at vi fekk møte elevane som skal ut i lære! Lykke til! 🤩👏👏

11/06/2026

Vurderer du å klage på karakteren din?

Som elev i vidaregåande skule har du rett til å klage på:
✅ Standpunktkarakter
✅ Eksamenskarakter
✅ Karakter i orden og åtferd

⏰ Klagefristen er 10 dagar frå du fekk vedtaket – så ikkje vent for lenge om du vurderer å klage.

Les alt du treng å vite om klagerett, fristar og korleis du går fram på Vestland fylkeskommune sine sider. 👇

Som elev i vidaregåande skule kan du klage på eksamenskarakter, standpunktkarakter og karakter i orden og åtferd.

10/06/2026

Strauk du i eit fag, fekk du IV (Ikkje vurdert), eller bestod du ikkje fag-/sveineprøva? Du kan ha rett på meir opplæring! 📚🛠️👇

FOR ELEVAR (også tidlegare elevar):
Kven? Du som har fått karakteren 1 i standpunkt/eksamen, eller fekk IV etter 1. mars. Det gjeld både for dette skuleåret og om du var elev for nokre år sidan.

Korleis? Skulen din har ansvaret for å organisere eit komprimert løp fram mot ny standpunktkarakter. Fråværsgrensa gjeld.

⏰ Frist for skuleåret 26/27: Skjemaet blir publisert innan15. juni, og fristen for å søke er 10. august 2026.

FOR LÆRLINGAR:
Kven? Du som har opplevd at lærekontrakten har gått ut og du ikkje bestod fag- eller sveineprøva. Du har også rett på meir opplæring om du manglar eksamenar som trengst for å kunne gå opp til prøva.

Korleis? Du kan få meir opplæring ved å forlenge kontrakten med lærebedrifta di, i ei anna bedrift, eller som opplæring på skule. Kor lenge opplæringa varer, blir tilpassa behovet ditt.

Kva gjer du?

Snakk med lærebedrifta di fyrst. Mange vel å forlenge kontrakten, men dei har ikkje plikt til det. Blir de einige, fyller bedrifta ut skjemaet på nettsida.

Viss bedrifta ikkje kan forlenge, fyller du ut skjemaet sjølv. Då vil ein rådgjevar frå rettleiingstenesta i Vestland kontakte deg for å hjelpe med å finne den beste løysinga.

Ikkje la eit dårleg resultat stoppe framtida di – grip sjansen til å fullføre løpet! 🦾

Meir opplæring er ein rett til opplæring for dei som har fullført opplæringa og ikkje har bestått. Dersom du har gjennomført opplæring og fått karakteren 1 eller IV i eit eller fleire fag, kan du har rett til meir opplæring i faget. Opplæringa skal føre fram mot ein ny standpunktkarakter.

04/06/2026

Elev- og lærlingombodet i Vestland ønskjer velkomen dei nye nasjonale anbefalingane for å førebygge og følgje opp skulefråvær 👏

Det er særleg positivt at det blir lagt vekt på tidleg innsats og førebygging, tett samarbeid med heimen og at elevane sjølve skal bli høyrde i eigen situasjon. Fråvær er ofte eit teikn på at noko ikkje er som det skal, og då er det avgjerande at skulen handlar raskt og riktig.

Alle elevar har rett til eit trygt og inkluderande skulemiljø som fremjar trivsel, meistring og nærvær. Dei nye retningslinjene kan vere eit viktig verktøy for å sikre betre og meir systematisk oppfølging over heile landet.

No er retningslinjene på høyring, og vi oppmodar elevar, lærlingar og andre interesserte til å seie meininga si innan 2. oktober 2026. Lenke for å delta i høyringa finn du i kommentarfeltet.

Vi heiar på tiltak som styrkar innsatsen rundt elevane – og som kan bidra til at alle elevar blir sett og får den hjelpa dei treng, når dei treng ho 💚Elev- og lærlingombodet i Vestland

01/06/2026

🌈 Pride er meir enn ein fest – det er ein rett!

Juni er pride-månad, og Elev- og lærlingombodet i Vestland vil minne om noko viktig: Alle elevar og lærlingar har rett til eit trygt og inkluderande opplæringsmiljø – uansett kven du er eller kven du elskar.

Vestland fylkeskommune oppmodar dei vidaregåande skulane om å heise regnbogeflagget, som eit tydeleg signal om at vi ynskjer skular der alle høyrer til.

🏳️‍🌈 God pride, alle saman!

Fylkesutvalet har vedteke ni tiltak som skal betre levekåra for skeiv ungdom i Vestland, i tillegg ei oppmoding til skulane om regnbogeflagget.

29/04/2026

Dyktige ungdommer og smittsomt engasjement i Vestland fylkeskommune!

I dag har Elev- og lærlingombodet i Vestland hatt ein spennande og motiverande dag i ombodets teneste. Å sikre elevmedverknad er ein viktig del av mandatet vårt.

🤗 I dag opna Hovudutval for opplæring og kompetanse i Vestland for at dyktige representantar frå Ungdomsutvalet fekk leggje fram sine standpunkt i møte.

📣På vegner av ungdommen tok dei ordet i ei viktig sak som handla om inntak og dimensjonering i vidaregåande opplæring.

Ungdommane fekk tydeleg formidle kva konsekvensar endringar i opplæringstilbodet har, mellom anna når skuleklassar blir lagde ned og tilbod blir endra.

🤗Engasjementet og innhaldet i bodskapen vart møtt med stor interesse frå politikarane, som stilte oppfølgingsspørsmål og lytta til ungdommane.

💐 Ein stor takk for godt samarbeid og godt arbeid til Carl, Marcus, Frøya og Jakob, som også overleverte underskriftar frå elevråd og ungdomsråd til utvalsleiar Åsmund Berthelsen!
👏👏👌Våre dyktige ungdommer leverte tydelege innlegg, gode refleksjon og solid innsats på vegner av ungdommane i Vestland. 👏🌱

Ein sentral del av mandatet til elev‑ og lærlingombodet er å sikre retten til medverknad. Difor var det ekstra kjekt å vere vitne til at medverknad vart teken på alvor, og at demokratiet også skjer i praksis! ♥️👌

22/04/2026

👷‍♀️Kva kan vere viktig å vite når du er ung kvinne, og skal ut i lære i eit yrkesfag som tradisjonelt har vore dominert av menn?

I går var Elev- og lærlingombodet i Vestland så heldig å bli invitert på jentesamling på Slåtthaug videregående skole

💙🩷Jentene som deltok går yrkesfag og er snart på veg ut i lære. Fagområda dei går på har tradisjonelt vore dominert av menn, og samlinga handla om overgangen frå skule til arbeid og læretid. 🪚🚗👩‍🏭🏗️👷‍♀️

🤓 Elev- og lærlingombodet snakka om rettar og plikter, om retten til eit trygt og godt arbeidsmiljø, og om kva ein kan gjere dersom ein opplever trakassering eller andre vanskelege situasjonar. ✋☎️

💡I tillegg til ombodet var også «Montørjentene» invitert. Dei delte verdifull erfaring om kva ein kan forvente når ein kjem ut i lære.

💞 Primus motor for det flotte faglege og sosiale arrangementet var miljøterapeut Stine Isaksen Husøy og mangfaldsrådgiver Ane Elisabeth Markestad. Skulen hadde også sørga for god bevertning på «jentelunsjen»

🙌 Tusen takk til Slåtthaug vgs. for gode og målretta tiltak som førebur og trygger elevane på livet som lærling.

20/04/2026

Kan elevrådet gjere ein forskjell for skulemiljøet?

Dette var noko av det som vart diskutert med dei tillitsvalde i elevrådet ved Kvam vgs.

🙌 I dag møtte vi dyktige tillitsvalde, som sjølve hadde teke initiativ til å invitere Elev- og lærlingombodet i Vestland for å bidra i vidareutviklinga av arbeidet med elevdemokratiet, elevmedverknaden og skulemiljøet på eigen skule.

Vi møtte eit elevråd med stort engasjement, og som ønskjer å bidra aktivt og medverke i utviklinga på skulen.

🤓 På sakslista, som var utarbeidd i lag med elevrådsleiar, nestleiar, rektor, miljøkoordinator og elev‑ og lærlingombodet, stod viktige og relevante tema:

✅ Rolla som tillitsvald
✅ Skule­demokrati og retten til å medverke
♥️ Eit trygt skulemiljø og eit trygt ytringsklima
💚 Kva kan ei god elevrådssak vere?
💞 Dialogspel – med relevante påstandar
🤓 Vidare utvikling av elevrådsarbeidet ved Kvam vgs.

🤓 For elev‑ og lærlingombodet var dette ein lærerik og inspirerande dag. Når elevane deler om arbeidet på eigen skule og skulekvardagen er det fint å kunne lytte. Det gir òg eit godt grunnlag for vidare utviklingsarbeid.

💞 I tillegg til elevrådet deltok miljøkoordinator Karina Berge ved Kvam vidaregåande skule og Asle Fossum, prosjektleiar for Vestland fylkeskommunes demokratiprosjekt.

♥️ Tusen takk til dei engasjerte og reflekterte elevrådsrepresentantane – både for initiativet, for invitasjonen og for alt de delte om arbeidet med elevråd og elevmedverknad. 💞

17/04/2026

🌟 Når ein tek Elevmedverknad på alvor!

😍 Elev- og lærlingombodet har i dag vore på besøk på Kvam vidaregåande skule, der me fekk ein flott omvising på skulen og høve til å helse på mange kjekke elevar og tilsette. 🙏

🌱Her fekk vi gode samtalar med skuleleiinga om arbeidet med elevmedverknad og korleis jobbe ilag for å sikre eit trygt og godt skulemiljø for alle.

Dagen heldt fram med planleggingsmøte saman med elevrådsrepresentant og miljøkoordinator, der vi planla vidare arbeid med utvikling av elevrådet og det komande elevrådsseminaret.

💞 Vi fekk også vere med på lagbilete saman med elektroklassen og lærar Åse.

Besøket vart avslutta i lag med Handalag Opplæringskontor, der vi mellom anna snakka om korleis ein kan sikre arbeidet med å få fleire med og gjennom vidaregåande opplæring. 💫

♥️ Tusen takk til Kvam vgs for ein svært god dag og hyggeleg mottaking. Vi gler oss til elevrådsskulering neste veke og vidare samarbeid!