02/06/2026
NTNU-studien «Eldres perspektiver på inkluderende KI» ser etter deltakarar
NTNU, Fakultet for arkitektur og design, gjennomfører ein ny studie om Eldre og kunstig intelligens - og du som er eldre kan vere med på det.
NTNU har dei siste åra forska på korleis eldre opplever og bruker kunstig intelligens (KI).
I den første studien, «Eldres bruk av kunstig intelligens – ein spørjeundersøkelse», var målet å kartleggje korleis eldre tek i bruk slik teknologi, og kva utfordringar dei møter.
No følgjer forskarane opp med ei ny undersøking: «Eldres perspektiver på inkluderende KI». Her er merksemda retta mot korleis KI kan utformast betre for å møte behova til eldre vaksne.
Dei oppmodar også folk til å dele undersøkinga vidare i nettverka sine. Som ein liten ekstra motivasjon blir det trekt gåvekort frå Norli blant deltakarane.
Her er lenkja til den nye undersøkinga: https://nettskjema.no/a/624722
