Hareid skule

19/12/2025

🎄From all of us to all of you, Merry Christmas🎄

18/12/2025

🎄 Førjulstid på Hareid skule! 🎄

🍚 300 porsjonar julegraut laga av nedfrosen skulemjølk og grautris på tilbod. Berekraft på sitt mest smakfulle!

🎁 Julegåve frå Trident https://trident.no/ (Tidelgare Intership) : Elevane på 7.trinn fekk bedrifta på besøk, kjapp og god informasjon, og med seg hadde dei splitter nye PC-mapper til elevane🤩 HURRA!! Tusen takk🙏

✂️ Juleverkstad: Kreative elevar og lærarar, restar frå lageret og papirdunken = unik julepynt du ikkje finn nokon annan stad!

🌲 Juletre-gang: Full innsats, god song og nok trening til å sleppe treningssenteret før jul.

✨ Julesamling og julegudsteneste. Vi har fått fine, rolege stunder saman i ei elles travel tid — tradisjonar som betyr mykje for både små og store.

♟️ Sjakkfinale: 30 minutt med høg puls, intens stemning og dramatikk – vist på storskjerm i aulaen som om det var VM.

Super innsats, engasjement og glede kvar dag. No gler vi oss til siste dagen før juleferien! ❤️🎅✨

17/12/2025

📜 Oppskrift på vellykka «julehalloweenshow» av og med 3. trinn:

1. Du treng for det fyrste eit fantastisk 3. trinn.🫶🏼
2. Tilsett driftige foreldrekontaktar, foreldre, søsken og besteforeldre.
3. Lat elevane få vise fram alt dei har laga og øva så godt på. Innhaldet har Halloween-tema, kpop og ein liten «dæsj» med jul.🎃
4. Til dømes: Elevane syng nydeleg til songen «Snowflake». Alle reiser seg for å danse «Monstermash». Lat alle bli litt skremde, men også flire godt av nyheitssendinga om Bigfoot. Imponèr med sjølvlagde dansar. Avslutt showet med «Golden» og «På låven sitter nissen».

Etter ein lang og vel fortent applaus får alle kaffi, gløgg, klementin og ei julekake, medan dei får skravla med kvarandre.

Slik lagar du ein vellykka sosialkveld.
God jul frå 3. trinn!✨

15/12/2025

🎄I desember kan ein mandagskveld bli heilt magisk!

Det fekk vi oppleve i kveld då 7. trinn inviterte familie til juleavslutning i aulaen. 🎄
Elevane stod for både innhald og regi og leverte eit juleshow fylt med sang, dans, trylling og maskorama.
Vi fekk oppleve mange høgdepunkt – blant dei når elevane spelte på boomwhackers på hovudet til sporty frivillige foreldre og rektor (med hjelm, sjølvsagt!), til latter frå salen. 😂🙌
Etterpå vart det drøs med kake og kaffi, takka vere kjekke føresette som stilte opp. ❤️
Ein fin time i førjulstida der kreativitet og fellesskap møttest til glede for alle som var der! 🎅✨

12/12/2025

✨ Luciadagen på skulen og i bygda, Hareid ✨
I dag har 1. trinn spreidd lys og glede med Lucia-tog på skulen. Seinare gjekk både 1. og 6. trinn i Lucia-tog til sjukeheimen, der dei song julesongar og skapte ei stemningsfull stund for bebuarane.
Flotte elevar som spreidde lys, glede og varme for andre! 🌟

05/12/2025

Venleg lita påminning inn i helga. Drammensvegen er stengt for gjennomkøyring oppover⛔️⬆️🟢⬇️

02/12/2025

https://www.hareid.kommune.no/aktuelt/hareid-skule-stenger-droppsona-og-parkering-einvegskoyring-i-drammensvegen.195821.aspx

Krysset i Drammensvegen skal gjerast ferdig og Brekkemarka skal asfalterast.

18/11/2025

FOLKEOPPLYSING MED FRAMTIDSTRU❤️

Smarttelefonfri barndom?
Foreldre frå alle barneskulane i Hareid fekk høyre Stefan N. Halck frå https://www.barnevakten.no/ snakke om at det nyttar å setje grenser.
Engasjert føredragshaldar - engasjerte foreldre!

15/11/2025

Fantastisk innsats på First Lego League og re-opning av ballbingen! 🚀🤖

Laurdag tok alle 6. og 7. klassingane i kommunen del på FLL-turneringa på Volda Campus – ein dag fylt med kreativitet, samarbeid og teknologi! 🌟

Hareid skule stilte med fire lag:
• 6. trinn: «Arkeoboks» og «Arkescan»
• 7. trinn: «The Wood Warriors» og «Grav og Grev»

Vi er utruleg stolte av elevane våre!
🏆 Grav og Grev tok 1. plass på prosjekt
🥈 The Wood Warriors sikra 2. plass på teknologi

Før konkurransen hadde vi generalprøve i gymsalen, der politikarar, føresette og lokale bedrifter fekk sjå dei innovative ideane våre. På imponerte laga med både robotkamp og stand!

Tusen takk til alle som har gjort dette mogleg:
• Våre sponsorar: Coop Extra, Floriss, Bunnpris, Apotek1, Brudevoll Kjøtt, SSR, Hofseth Sport, Libra, TopFix, Hareid og Ulstein brannvesen, Ward1 og Ulmatec.
• Ulmatec for bedriftsbesøk som gav inspirasjon til nyskapingane våre.
• Brakali Group for trygg og god busskyss til og frå Volda.

Dette er eit flott døme på korleis samarbeid mellom skule, næringsliv og lokalsamfunn gir barn og unge spennande læringsopplevingar! 💡👏

Ny glede på heimebane! ⚽🌱
Vi har også gleda oss over re-opninga av ballbingen med splitter nytt kunstgras – sponsa av Fredrik Aursnes! I tillegg har vi fått nye fotballar frå Island Offshore, slik at elevane kan nyte topp kvalitet både på underlag og utstyr.
Opninga vart markert med klipping av snor og ein herleg fotballkamp mellom dei tilsette og elevrådet – ein ekte sjarmørkamp der vinnarane ikkje vert heidra 😉.
Tusen takk til alle som har bidrege til å gjere skulekvardagen vår endå meir aktiv og kjekk! 🙌

Bildedryss frå generalprøva, konkurransedagen og den flotte ballbingen!

24/10/2025

Ishavsmuseet i Brandal

I haust har 5.trinn hatt høgtlesing frå boka “Dei et ikkje sjokoladepålegg i krigen” av Ingunn Røyset, og på uteskule har dei sykla rundt i bygda på jakt etter stadane som er skildra i boka på Hareid.

I dag gjekk turen til Brandal og Ishavsmusset for å finne fleire ting vi har lese om i boka. På museet fekk dei sjå og høyre meir om fyrstereisegutane frå Brandalsbygda, livet om bord i ishavsskutene, turane til Vesterisen, 2. verdskrig, Kvitneset og fuglane som russefangane spikka som takk til lokalbefolkninga som hjalp dei. Elevane fekk seg også ein rundtur på Aarvak. Det er ikkje kvar dag ein får stå i styrhuset på ei ekte ishavsskute! Skikkeleg stas! 🪢

FOR eit historisk skattkammer Ishavsmuseet er - ein stad du må oppleve! Vi er svært takksame for at vi fekk kome, og ei ekstra takk til Beathe Holstad som tok oss med rundt, viste fram og fortalde frå ei historisk tid. Vi gler oss til å kome tilbake og lære enno meir. 🦭🐻‍❄️⚓️🤩🙏🏻

22/10/2025

https://www.spleis.no/453884
Hareid skule har fått inn heile kr. 83.630 på spleisen sin til TV-aksjonen i år. Heilt fantastisk!! Tusen takk 😀
Det er over fjorårets resultat. Det er fortsatt mogleg å gi eit bidrag for den som ikkje har gjort det😀

Årets TV-aksjon går til Atlas-alliansen og skal åpne dører for funksjonshemmede som lever i krig og fattigdom. Sammen skal vi gi nødhjelp, utdanning og muligheten til et bedre liv.

15/10/2025

For oss er du berre heilt konge!!!!! TUSEN TAKK FREDRIK AURSNES ⚽️🥇🎖⚽️

Flott bidrag frå Benfica-spelaren! ⚽️⚽️⚽️Sjå lenke i kommentarfeltet -->