Gjennom Facebook-sidene håper vi å kunne nå ut til eit breitt publikum med viktig og nyttig kommunal informasjon. Vi vil også nytte sidene til å marknadsføre ledige stillingar i kommunen, våre eigne kulturarrangement og fortelje om andre større og mindre saker som kan vere av allmenn interesse. Målgruppa er i hovudsak innbyggjarar og fritidsinnbyggjarar i kommunen, men alle er velkomne til å følgj
e oss på Facebook. Kommunen sine ordinære nettsider https://oystre-slidre.kommune.no vil framleis vere den viktigaste informasjonskanalen vår, og mykje av det som blir publisert på Facebook vil difor vere lenker/henvisningar til artiklar og informasjon på dei ordinære nettsidene. Facebook-sidene er meint som eit supplement til desse sidene, og som ein arena der kommunal informasjon blir gjort enkelt tilgjengeleg for dei som vel å følgje oss på Facebook. Vi ynskjer ei konstruktiv Facebook-side, og usaklege innlegg eller innlegg som inneheld hatefulle ytringar, sensitive personopplysninger, negativ omtale av einskildpersonar/identifiserbare grupper av personar eller reklame vil som hovudregel bli sletta utan videre. Det same gjeld innlegg som inneheld trugsmål, kallenavn, stygge ord eller banning. Kommentarar som er kritiske til kommunen som organisasjon er velkomne, men blir sletta om dei bryt med retningslinjene over. Spørsmål vil i hovudsak bli besvart i kontortida. Kommunen driv ikkje saksbehandling over Facebook eller gjennom Messenger. Henvendingar som krev saksbehandling og/eller arkivering vil bli henvist til andre kanalar. Dersom du skal sende formelle førespurnader til Øystre Slidre kommune, kan du sende ein e-post til [email protected]. Facebook-sida er ikkje meint som et forum for diskusjon fram mot politiske vedtak og heller ikkje for fortsatt diskusjon mellom fleirtal og mindretal i saker der det er politisk uenighet. Innlegg i slike diskusjonar vil difor ikkje bli besvart.
