15/04/2026
Velkomen til Alver kulturskule - i år har me søknadsfrist 20. april!
Kunne det vore spennande å lære seg å spele eit instrument? Kva med å spele saman med andre,- kanskje i eit rockeband? Likar du å teikne og male, eller er du ein som berre elskar å danse? Kanskje teater hadde vore noko, eller er draumen din å synge eller kanskje til og med få jobbe i eit musikkstudio?
Kulturskulen har over 30 ulike tilbod for born og unge i kommunen vår i alderen 4 - 20 år*; du finn søknadsskjema og detaljert informasjon på https://alver.kommune.no/artikkel/praktisk-informasjon-for-kulturskulen
Undervisninga i Alver kulturskule er desentralisert og finn stad på grunnskular i heile kommunen der det er stor nok søknad, men hovudvekta av kulturskuleundervisninga finn stad i den gamle Prestegarden på Manger, i Meland Aktiv ved Frekhaug og i Kulturskulehuset i Knarvik. Me får plass til nesten alle som søkjer innan fristen og har svært korte ventelister.
På nettsida vår finn du meir informasjon om dei ulike tilboda våre og kvar undervisninga er. På sida finn du og nyttig informasjon om dag og tid, påmelding, aldersgrenser, pris og rabattordningar, leige av instrument - og mykje meir.
Hjarteleg velkomen til oss!
(*musikkterapi/særskild tilrettelagt undervisning har inga aldersgrense)
