Viketunet i Jondal

23/04/2026

Vår i Viketunet 🤩

14/04/2026

Info om sesong 2026 i Viketunet:

Lokalhistorisk tema og utstilling i Løa vert Hellebrotet på Sollesnes.
Me skal også ha utstilling av pyntehankle og grytekluter.

Har du noko å bidra med til utstillingane?
Kontakt/levering til:
Oddveig (pyntehandkle - evt. med hyller om du har- og gryteklutar)
mob 992 30 596
Olaug (Hellebrotet - bilete, gjenstandar, historier mm))
mob 994 55 439

- Dugnad ute: laurdag 25.april saman med Bygdelaget
- Dugnad inne: tysdag 19. mai

Vil du støtte aktiviteten i Viketunet som støttemedlem, er me takksame:
100 kr til Vipps nr 83 49 53 eller bankkontonr 3633 66 85529

Bakedagar i Eldhuset er populære.
Om du vil vera med og baka, kan du melda deg til Grete mob 900 34 183.

Me er avhengig av VERTAR for å halda ope. Jo fleire vertar, jo fleire opningsdagar.
Kvar vert har 2 dagar a 4 timar.
Me er alltid to vertar saman.
Me set opp lister før sesongen, og byter vakter innbyrdes om nokon er forhindra frå å møta.
Oppgåva er å halda ope, steike vaflar (el. anna) og koka kaffi.
I år satser me på å ha ope i Viketunet torsdagar og laurdagar el. sundagar frå slutten av juni til byrjinga av august.
Vil du vera med oss? Då vert me glade!
Meld deg så snart som råd til Olaug mob 994 55 439 slik at me kan planleggja sesongen.

Er det nokon som har lyst til å underhalda (spela, syngja, dansa, fortelja..) eller på andre vis bidra?
Kontakt oss!

Tidleg i haust planlegg me å ha ein gammaldags basar med berre heimelaga vinstar. Det kan vera bakst som brød/bollar el.l., handarbeid/sløyd, frukt/grønsaker, syltetøy, ved mm. Me håper at mange vil bidra til ein slik basar.
Me kjem tilbake med informasjon om dette seinare, men gje oss gjerne ei tilbakemelding om du vil bidra.

VER VELKOMNE TIL VIKETUNET I SOMMAR - som medhjelpar eller gjest!

Helsing
det nye styret i Viketunet Aktivitetslag Nina, Steinar, Oddveig, Grete og Olaug

05/03/2026

Velkomen til årsmøte i stova i Viketunet laurdag 11.april kl 15.30

09/01/2026

Fint med aktivitet i og rundt Viketunet!
Skøyteisen er flittig brukt av små og store. 🤩❄️
Og iskunsten på rosetreet pyntar opp! 🤩❄️
Takk til brannvesenet for initiativet med isen og (dei ukjende) kunstnarane for iskunsten! ♥️

05/12/2025

Noko av det aller beste er når elevane fyller stova med glad latter, undrande spørsmål og gode refleksjonar kring huset, tinga og historia i Viketunet! 🤩🥰
3.klasse hadde førjulsstund i stova og i kjøkenet i dag. Hjarte ♥️ i form av julekorger og harde vaflar vart laga. Det vart god lukt og fint pynta juletre🎄i huset!
Takk til gode vaksne som held tradisjonen i Viketunet i hevd! 🌺🎄🌺

03/12/2025

Advent i Viketunet ⭐️✨🎄✨⭐️

12/11/2025

06/11/2025

GJESTEBOD PÅ JONATUNET 24.november

I samband med arbeidet med ny Kulturmiljøplan i Ullensvang kommune, er alle bygder/du og eg utfordra til å fortelja kva me set pris på med bygda/staden me bur på, kva som er viktig å ta vare på og kva me vil framheva og arbeida med til glede for kvarandre og dei som vitjar oss.
For at flest mogeleg kan koma fram med sine tankar, er me oppfordra til å invitera til gjestebod og snakka saman. Etterpå sender me inn våre innspel samla.

Me i Jondal inviterer til gjestebod på Jonatunet 24.november klokka 18.

Me håper mange vil koma!
Både unge og eldre er viktige stemmer i dette arbeidet!
Sambygdingar frå alle bygder i gamle Jondal kommune er velkomne!

Me kjem tilbake med meir info, men set av datoen!

Me som inviterer er:
Hardangerakademiet/Jonatunet, Jondal Mållag og Viketunet Aktivitetslag

06/10/2025

Då er åkle- og utvandrarutstillinga historie og løa i Viketunet rydda.

Stor takk til alle bidragsytarar - utan dykk, inga utstilling og ingen historier å fortelja! 🙏😍
Og takk til alle dykk som kom på besøk i Viketunet, såg og høyrde! Det er inspirerande og motiverande at de er interessert i det me driv med! 🤩🌺
Og takk til alle som har vore vertskap i Viketunet og hjelparar på ymse vis gjennom sesongen. For eit mannskap! 🤩😍

03/10/2025

Ein svært triveleg føremiddag der 28 barnehageborn fekk bruka sansane og oppleva Viketunet ute og inne:
Lukt av gamle hus, smak og lukt av lappar og mjølkekaker, klatring opp og ned den bratte trappa til loftet, mange redskaper og ting å ta på og undra seg over, krikar og krokar å utforska, mange hus å gå ut og inn av ….
Oddveig, Inger og Olaug tok imot, baka og viste rundt.
Slike besøk set me pris på!
Takk for besøket 🌺
- og velkomen tilbake! 🥰

30/09/2025

Sjå på denne flotte barnevogna!
Ho sto nokså forkommen i verkstaden. No har Steinar forbarma seg over henne, sett på eit par nye hjul, pussa og spraya m.m. - og no står ho som ei praktvogn i stova! 🤩🌺

21/09/2025

Du er velkomen til Viketunet tysdag 23.september kl 12-14.30.

Då kjem Hardanger Historielag og me skal ha eit foredrag om utvandring til Amerika frå jondalsbygdene frå Samlanes til Årvik - pluss lunsj.

Kom sjølv om du ikkje har meldt deg på!

Om du berre har høve til å vera med på foredraget, kan du koma kl 12-13.

Det er meldt fint vêr, så dette blir ein fin og kjekk dag!