27/05/2026
Karl Frode Hansen representerte SV då Naturvernforbundet sjekka miljøstatusen for sjøen utanfor Randesund med ROV. Kjentmann og miljøaktivist Bengt Øyvin Daatland var guide, og dykkarklubben i Søgne stilte med båt.
Vi såg tydeleg at tang og tare er på retur, og at algegruppa lurv tar over. Det fører i sin tur til dårlege oppvekstvilkår for botndyr og fisk. Ålegras såg vi ein del av for det toler meir enn tang. Årsaka til det golde landskapet på sjøbotnen er truleg for mykje næringssalt frå land og auka temperatur på grunn av klimakrisa.
Det er på tide at kommunen bryr seg meir om sjøområda. Vi må kartlegge statusen og overvake korleis utbygging på land over tid påverkar utsette område.
