Kvam Ungdomsråd

24/12/2025

God jul og godt nyttår frå Kvam ungdomsråd! 🎄✨

Me ønskjer alle i Kvam ei varm og fin julehøgtid – og eit godt nyttår.

Jula kan kjennast ulik for folk. Nokon har det skikkeleg godt, medan andre kan synast det er litt vanskeleg. Difor vil me minna om kor mykje små ting kan bety: eit smil, ei melding, ein invitasjon eller berre det å spørja korleis nokon har det ❤️

Ta vare på kvarandre, og ver litt ekstra rause med kvarandre i desse dagane.

Me vil òg senda ei stor takk til dei avtroppande medlemmene og varaene for innsatsen og engasjementet deira:
Victoria Høyland, Liselotte Lehmbre, Henrikke Steine, Morgan Augestad Ljones, Lisbeth Lingener og Viljar Botnen.

Frå januar er me tilbake att – og då med eit større ungdomsråd! Me går frå 11 til 13 medlemmar, og gler oss til å jobba vidare for ungdom i Kvam!

God jul og godt nyttår! 🎆✨
Helsing Kvam ungdomsråd

10/10/2025

🧠 Verdsdagen for psykisk helse

🎗️ I dag markerer me Verdensdagen for psykisk helse.
Dagen minner oss om kor viktig det er å ta vare på både seg sjølv og dei rundt oss – og om at psykisk helse handlar om heile livet, ikkje berre dei tunge dagane.

⛑️ Temaet i år er «Å styrkja den psykiske beredskapen vår» Det betyr å byggja opp styrke og tryggleik – slik at me kan handtera både små og store utfordringar i kvardagen.

🗣️ Snakk med nokon om korleis du har det
Ein ven, ein lærar eller ein frå familien kan
vere ein god start.

☎️ Du kan òg ta kontakt med profesjonelle
som kan lytte og hjelpe:
• Mental Helse: 116 123 (døgnopen)
• Kirkens SOS: 22 40 00 40 (døgnopen)
• Alarmtelefonen for barn og unge: 116 111 eller chat på www.116111.no

💚 Hugs: Det er heilt greitt å be om hjelp – det viser styrke, ikkje svakheit!

🤝 Saman kan me skapa eit samfunn der alle føler seg sett, høyrt og verdifulle.

🫂 Ta vare på deg sjølv – og kvarandre!

10/09/2025

🤝Internasjonal verdsdag for førebygging av sjølvmord🤝

I dag markerar me den internasjonale verdsdagen for førebygging av sjølvmord. Dette er ein dag som minner oss alle om kor viktig det er å ta vare på kvarandre, vere opne om dei vanskelege kjenslene – og vise at det alltid finst håp.

Har du det tungt, eller kjenner du nokon som slit?
➡️ Du treng ikkje gå gjennom det åleine. Snakk med ein du stolar på - ein ven, eit familiemedlem eller ein lærar.
➡️ Du kan og ta kontakt med profesjonelle som kan hjelpe:
- Mental Helse sin hjelpetelefon: 116 123 (døgnopen)
- Kirkens SOS: 22 40 00 40 (døgnopen)
- Alarmtelefonen for barn og unge: 116 111 (døgnopen)
- Alarmtelefonen for barn og unge (chat): www.116111.no

Hugs: Det er heilt greitt å be om hjelp – det er faktisk ein styrke.

Saman kan me vere med på å førebyggje sjølvmord og skape eit tryggare samfunn for alle.

Du er ikkje åleine!

13/05/2025

Er du kreativ? Likar du å teikne, måla eller ta bilete?

No kan du bli med i konkurransen om å laga diplomet til Årets ungdomskommune 2025!

Premie: 2000 kr til vinnaren!

Tema: Sterke fellesskap
(for eksempel vennskap, samarbeid, samhald eller inkludering)

Kven kan delta?
Ungdom frå Kvam mellom 13 og 19 år.

Format:
Du kan levera teikning, måleri, foto eller annan kunstform – men hugs at det må vera plass til å trykka teksten:
Vinnarkommune – Årets ungdomskommune – 2025

Frist: 10. juni
Send bidrag i trykk-kvalitet til:
[email protected]

⸻

28/01/2025

🌟 Sondre og Alexander 🌟 frå Kvam Ungdomsråd møtte Barne- og familieminister Kjersti Toppe for å snakka om ein viktig sak: fråvær for ungdom som er politisk aktive.

🔥 Ungdomsrådet brenn for at ungdom som engasjerer seg, skal få betre vilkår til å vera med i politikken utan å stresse med fråvær.

📌 Kvam Ungdomsråd jobbar for å styrka rettane til ungdomsrådsrepresentantar i heile landet.

📢 Saman skal me sikra at stemmene til ungdom vert høyrt – både lokalt og nasjonalt!

📬 Vil du vita meir? Ta kontakt med oss!

19/01/2025

Kvam ungdomsråd er eit rådgjevande og lovpålagt folkevalt organ, som er sett saman av 11 ungdomar som representerer aldersgruppa 13- 19 år. Representantane er valde frå Strandebarm skule, Norheimsund Friskule, Kvam ungdomsskule, dei vidaregåande skulane i Kvam, Kvam kulturskule (nytt frå hausten 2024) og Ungdomsbasen i Norheimsund. Kvar representant er valt for ein periode på 2 år og skal ikkje ha fylt 19 år på valtidspunktet. I tillegg er det vald ein representant frå Kvam heradsstyre som er valt for ein periode på 4 år som tilsvarar heradsstyreperioden.

Ungdomsrådet skal arbeida for å skapa best mogeleg ungdomsmiljø i Kvam. Rådet kan uttala seg i saker som gjeld ungdom før desse vert politisk handsama og vedtekne. Det kan i tillegg ta opp saker og fremja forslag for politiske organ som gjeld barn og unge sin kvardag.

Ungdomsrådet kan arbeida med konkrete aktivitetar og prosjekt knytt til barn og unge.

Kvam ungdomsråd har møte- og talerett i Kvam formannskap og Kvam heradsstyre sine møte i dei saker som kjem inn under ungdomsrådet sitt arbeidsområde.

På Kvam heradsstyre sitt møte 14.11.2024 vart samansetjinga av ungdomsrådet for hausten 2024- hausten 2025 formelt vedteke. Kvam ungdomsråd konstituerte seg 25.11.2024. Hallvard Valland Nordheim frå Kvam ungdomsskule vart vald til leiar og Alexander Nitter frå Kvam ungdomsskule vart valt til nestleiar.

09/12/2021

Ungdomsprisen 2020!

I dag delte me ut ungdomsprisen til Hardanger skyttarlag. Dette var grunngjevinga: «Hardanger Skyttarlag vinn prisen på bakgrunn av sitt arbeid for å innkludera alle ungdomar til sine aktivitetar. Dei gjer og ungdomar som ikkje passar inn i andre idrettar ein plass der dei kan føla meistring»

Me gratulera!

04/11/2021

Kristiansand!
Måndag og tysdag var Sebi og Sander til Kristiansand på ungdomskonferansen i Kristiansand! Me lærde mykje og vart kjend med andre engasjerte ungdommar!

24/10/2021

Kvam Undomsråd føl situasjonen tett. Alle, uansett alder kan pårørande ta kontakt med legevakten.

Me kjem tilbake med meir.

18/08/2021

Ei helsing frå oss til elevane i Kvammaskulen!

God skulestart, alle elevar i kvammaskulen! Om du er heilt ny på ein skule eller berre startar på eit nytt år så ynskjer me i Kvam Ungdomsråd deg lukke til!

15/06/2021

Viktig budskap! Kun dei kule kidza bruke belte på buss❤️

Kvam herad er godkjend som trafikksikker kommune av Trygg Trafikk. Ein gong i månaden legg me ut ein plakat frå dei, som ei påminning og oppmoding.

22/03/2021

Me er Kvam Ungdomsråd 2021! Me er klare til å jobba for saker som angår unge i Kvam!