Sør-Fron bibliotek

27/04/2026

‼️📚

❗️Oppdatert informasjon om Sør-Fron bibliotek og helsestasjon

Sør-Fron helsestasjon er nå lokalisert i underetasjen på bygg 2 (gamle NAV), og vil vera der i minst to veker framover.

Sør-Fron bibliotek er framleis stengt, og det blir sett på alternative lokasjonar for midlertidig bibliotekdrift. Vi kjem attende med meir informasjon til brukarar av biblioteket så snart dette er landa.

26/04/2026

Sør-Fron bibliotek og helsestasjon er stengt

Kommunen jobbar med å finne alternative lokasjonar for både biblioteket og helsestasjonen.

Grunnen til at bygget som husar bibliotek og helsestasjon er stengt på ubestemt tid, er at delar av himlinga har falt ned, og det er ikkje trygt å opphalde seg i lokala. Dette har mellom anna medført at eit rør i sprinkleranlegget er brutt. Det er vannskadar i delar av biblioteket.

Grunna den akutte situasjonen blir det ikkje eit helsestasjonstilbod måndag 27.04. Vi jobbar med å få på plass ei midlertidig løysing for helsestasjonen i løpet av veka. Folk som blir berørt, vil bli direkte kontakta. Det er uvisst når vi kan få i gang att eit bibliotektilbod for innbyggarane våre.

Bygget og området er avsperra i påvente av sikring og kontroll av bygget.

Vi kjem attende med meir informasjon i løpet av måndag 27.04.

23/04/2026

Gratulerer med Verdens Bokdag! ✨
Over heile verda markeres Verdens bokdag 23. april kvart år for å oppmuntre til mellom anna lesing. Feiringa knyttar an til ein gamal tradisjon frå regionen Catalonia i Spania. I Noreg har vi markert denne dagen sidan 1997.
Verdens bokdag minner oss om kor viktig lesing er – for språk, fantasi og fellesskap. Ta deg tid til ei bok i dag, og kjenn på gleda ved å lese. 📖✨

21/04/2026

I april har helsestasjonen og biblioteket hatt gleda av å feire alle som er fødd i 2025 i Sør-Fron kommune.
Ordfører og varaordfører delte fine ord om kor viktig det er at folk får barn og etablerar seg i små kommunar, og om verdien av liv, aktivitet og framtidstru i lokalsamfunnet vårt.

Alle babyene fekk bokgave frå biblioteket - ei lita bok, men starten på mange gode lesestunder!
Takk til ordfører, varaordfører, og ikkje minst til alle små og store som bidrog til ei flott feiring 🎉

20/04/2026

Kom på strikkekafè i kveld! 🧶☕️

17/04/2026

BookBites blir til Biblio!
Har du tidlegare brukt Bookbites, må du laste ned appen Biblio for å låne e-bøker frå biblioteket.
NB! Ikkje lag deg ein ny konto i Biblio om du har brukt Bookbites frå før, då må du logge inn med ditt gamle Bookbites-brukarnamn (e-post) og passord.
Alt du har av lån og reserveringar i Bookbites blir med over i den nye appen.

16/04/2026

I dag har Barnehageteateret spelt forestillinga «Lille Lukas hemmelighet» for tre-, fire- og femåringane i Harpefoss og Liene barnehage her på biblioteket. Lille Lukas vaknar tidleg om morgonen, og da finn han på mykje rart i huset. Han et graut, utforsker doen, dansar og finn ut at støvsugaren ikkje er så farleg likevel. Barna kosa seg, og skratta mange gonger! Skodespelar Jarle H. Berentsen har ei evne til å engasjere publikum, og dra dei med inn i historia. Tusen takk til Barnehageteateret for ei artig stund! Og takk til Liene og Harpefoss barnehage for bra oppmøte 😃

16/04/2026

Fjernlån mellombels utilgjengeleg 📚
På grunn av konkurs hjå leverandøren som står for transport av fjernlånsbøker, har vi for tida ikkje moglegheit til å sende eller motta bøker frå andre bibliotek.
Dersom du har bestilt ei bok via fjernlån, må du dessverre rekne med at levering kan ta lang tid. Det blir arbeidd nasjonalt med å finne ei ny løysing for boktransport mellom biblioteka.
Vi stiller gjerne opp og hjelper deg med å finne tilsvarande eller andre spennande bøker i vår eiga samling i mellomtida.

06/04/2026

27/03/2026

Treng du godt lesestoff til late dager, hytteturen eller sofakroken?
Vi held dørene opne laurdag, måndag og tysdag i påska – og hyllane er fulle av bøker som ventar på å bli med deg heim!

27/03/2026

Historielaget hadde årsmøte i går kveld, og i den forbinding heldt Carl Henrik Grøndahl foredrag om historia til Fagerhøy. Godt oppmøte, og interessant historie! ✨