Surnadal bibliotek

05/08/2026

Vi har endeleg ope igjen etter 3 veker med stengt.
Det er begrensa opningstider denne veka (3.-9. august):
Måndag til fredag kl. 11:00 - 15:30.

Velkomen!

27/07/2026

Vi legg ut vekas kodeord i Sommarles her, sidan biblioteket er stengt.
Vekas kodeord er: TEIKNESERIE

20/07/2026

Vi legg ut vekas kodeord i Sommarles her, sidan biblioteket er stengt.
Vekas kodeord er: BREKKJERN

13/07/2026

Vi legg ut vekas kodeord i Sommarles her, sidan biblioteket er stengt.
Vekas kodeord er: BLYANT

02/07/2026

VM-feber?⚽️🇳🇴 Vi har kjøpt ein del nye fotballbøker, og har òg mange frå før. Kom og lån!

22/06/2026

Bokslepp for Bygdebok for Surnadal band 6 i kveld (måndag) på Mo skule kl. 19.
Boka kan kjøpast hos oss frå tysdag.

Bokslepp!

«Bygdebok for Surnadal», band 6, er ferdig! Det blir bokslepp på Mo skule måndag 22. juni kl. 19.00.

Den nye boka omfattar området frå Dalsegga til og med Svean på nordsida av Surna, og i tillegg markagardane på Nordmarka.

Vi ønskjer alle interesserte hjarteleg velkomne på bokslepp! Her vil det bli ein presentasjon av boka og arbeidet med henne. Utan ein formidabel innsats frå frivillige hadde det vore umuleg å laga boka. Vi må derfor også nytte høvet og gjera litt stas på våre dyktige frivillige!

Det vil vidare bli sett av tid til ein prat om framtida til bygdebokprosjektet. Kommunestyret har kutta alle midlar til vidare bygdebokproduksjon, så band 6 ser ut til å bli siste boka av det nye verket. Vi vil mellom anna stille spørsmålet: Er det muleg å vidareføre prosjektet på andre måtar?

Den nye boka må naturlegvis også feirast med kake og kaffe/te/saft. Etterpå vil det bli mulegheit til å bla i eller å kjøpe boka.

Elles vil det vera muleg å få kjøpt bygdebøker:
• på biblioteket (kulturhuset)
• på Ark Surnadal (butikksenteret)

I samband med boksleppet og fram til Surnadal kulturhus stenger for sommaren 10. juli, vil det vera muleg å gjera eit superkupp på bygdebøker: Dei som kjøper det nye band 6, vil i tillegg kunne kjøpe tidlegare band for kr 500,- per stk. Tilbodet gjeld berre under boklanseringa på Mo skule og i skranken på kulturhuset.

Arr.: Bygdebokprosjektet i Surnadal

22/06/2026

Denne sommaren må vi halde biblioteket stengt i veke 29-31 (11. juli-2.august).
Kom innom før det for å låne bøker til ferien og hente Sommarles-premiar🙂

15/06/2026

For eit par veker sidan hadde vi besøk av Martine Grande - forfattar og illustratør.🤩 Ho kom for å ha Boklek med boka si Stor. Dette tilbodet har vi fått gjennom fylkeskommunen og det er vi så glad for! Alle skulestartarar i kommunen vart invitert til Boklek, og i tillegg får alle barnehagane eit eksemplar av boka og alle skulestartarar får eit bokmerke 📚

Martine las boka, hadde dialog med barna og avslutta med teiknegjømsel med ulike dyr🐻 Veldig artig😄 Det var dessverre mange barnehagar det ikkje passa for denne gongen. Vi håpar å få tilbod om Boklek fleire gonger, og då satsar vi på at fleire kan kome. Tusen takk for besøket, Martine!

Takk til Møre og Romsdal fylkeskommune, Innlandet fylkesbibliotek, Norsk Litteraturfestival og Kulturrådet som har utvikla opplegget.

01/06/2026

No er vi endeleg igang med årets Sommarles!🎉
Sommarles er biblioteka sin lesekampanje for 1.-7. trinn (inkludert skulestartarar), og held på i juni, juli og august.
KLAR, FERDIG, LEEEES! 📖

Nytt av året er at ein skal registrere tida ein har brukt på lesing i staden for antal sider. Ein kan f.eks. legge ein lapp i boka ein les, notere ned minutta ein les - og legge inn på nettsida seinare. Eller legge inn på nettsida for kvar gong ein les, viss ein vil det. Du kan og hente leselogg-lappar her på biblioteket :)

Du kan hente premiar hos oss på level 10, 20, 30, 40 og 50.

Lukke til, og velkomen innom oss for å låne bøker!

26/05/2026

Tysdag 26. mai: Ubetjent bibliotek og kulturhus - dette pga. kraftig støy i samband med byggearbeid! Huset er ope 11- 15:30, men du finn nok ingen i skranken (med mindre støyen opphøyrer), då det er for mykje støy til å jobbe der. Støyen når godt ut i resten av huset óg.

Avisene våre finn du i biblioteklokalet i 2. etasje i dag.