18/01/2026
Møre og Romsdal Høgre sitt fylkesårsmøte er vel overstått! No er vi klare for landsmøtet i februar, der store og viktige endringar skal skje🚀
Høgre-ordfører i Bodø, Odd Emil Ingebrigtsen, var der og holdt eit svært inspirerande innlegg.
Ola Svenneby, ei tydeleg stemme for framtidas Høgre, var der også, og gav oss si analyse av valresultatet og skisserte vegen vår vidare mot neste val.
Vi har ikkje minst vedteke viktige resolusjonar for eit sterkare og meir framtidsretta Noreg:
* Omstilling for framtida. Mindre byråkrati, meir lokalt sjølvstyre og betre bruk av ressursane i velferdsstaten. Vi vil styrkje arbeidslinja, få fleire i jobb og gi næringslivet betre rammevilkår slik at verdiskapinga kan auke.
* Skulen tilbake til røtene. Fokus på lesing, skriving og rekning, mindre skjerm, meir ro og meistring i klasserommet – og ein skule som er betre kopla til arbeidslivet.
Møre og Romsdal sine eigne forslag:
* Helsevesenet står overfor store utfordringar på grunn av manglande samanheng mellom politiske mål om lik tilgang til helsetenester av høg kvalitet og den økonomiske røynda helseføretaka opererer i.
Etter gjennomføringa av fleire store helsereformer er helseføretaka pressa økonomisk. Naudsynte investeringar, med auka renter og avdrag, må i praksis finansierast gjennom kutt i tilbodet. Dette har ført til at 19 av 20 helseføretak går med underskot.
Vi vil sikre ei betre og meir berekraftig finansiering av sjukehusa ved å skilje drifta av sjukehusa frå investeringar i sjukehusbygg, til dømes gjennom ein modell tilsvarande Statsbygg. Slik kan vi sikre ein meir langsiktig og effektiv helsepolitikk.
* Vi vil òg fornye vurderingsformene i vidaregåande skule, slik at dei testar reell kunnskap i ei tid med kunstig intelligens.
Som alltid eit svært hyggelig møte, med gjensyn av kjekke partikollegaer i heile fylket🤩
