04/02/2026
Er du hamneverten me leiter etter? Me treng ein knakande kjekk sjef for hamna og Flytenaustet i sommar, søk og bli med oss på eit eventyr av ein sesong🥳 Eller del med nokon du tenker er perfekt for rolla.
Sesongansvarleg for Flytenaustet og Våge Gjestehamn
Vil du ha ansvar for ein levande og synleg møteplass på Tysnes gjennom sommaren?
Flytenaustet er sommarkiosken i Våge hamn. Her møtest barnefamiliar, ungdom, båtgjestar og sommargjester for burger, is og enkel servering. Me søkjer no ein sesongansvarleg som får ansvar for heilskapen i drifta gjennom sommaren.
Dette er ei praktisk og operativ ansvarsrolle, der du både jobbar i kiosken og har overordna ansvar for området, flyt og trivsel.
Som sesongansvarleg har du hovudansvar for:
• Dagleg drift av Flytenaustet
• Vertskap for hamna og båtgjestar
• Drift og oppfølging av sauna og servicebygg
• Oppfølging av sesongtilsette
• Planlegging og gjennomføring av minst eitt lavterskel arrangement i veka
• Orden, trivsel og heilskap i området
Dette inneber både ansvar og praktisk arbeid, mellom anna:
• Dagleg sjekk av hamna og området
• Spyling og rydding av kai og fellesareal ved behov
• Tømming og oppfølging av bossbann
• Sjå til at hoppeslott og andre aktivitetar fungerer som dei skal
• Enkel handtering av vatn, slangar, straum og utstyr
• Sørga for at området framstår trygt, ryddig og triveleg for
gjestar i alle aldrar
Du har eit vertskapsansvar og skal ta eigarskap til plassen, me sett pris på ein som kan vere med å utvikla konseptet rundt hamna.
Stillinga er sesongbasert og fordelt slik:
• Juni: 100 prosent stilling
• Juli: 100 prosent stilling
• August: 60 prosent stilling
I tillegg kjem timesbasert arbeid på våren, knytt til planlegging og drift i samband med påske og pinse.
Flytenaustet er ope frå 19. juni til 9. august.
Stengt måndagar.
Utvida opningstid til kl. 23:00 laurdagar i juli.
(du kan vera med å påvirka opningstidene ut frå det du tenker er rett).
Me ser etter ein person som:
• Likar ansvar og jobbar sjølvstendig
• Har praktisk erfaring frå kiosk, servering, butikk eller liknande
• Kan stå i kiosken og jobba operativt med sal av is, burger og drikke
• Er komfortabel med høgt tempo i travle periodar
• Er ryddig, løysingsorientert og til å stola på
• Er trygg i møte med både barn, ungdom og vaksne
Erfaring er viktig, men haldning, arbeidsvilje og evne til å ta ansvar er avgjerande.
Me tilbyr
• Ei synleg og variert ansvarsrolle i sommarsesongen
• Reelt ansvar for ein heil plass
• Praktisk leiarerfaring og vertskapsrolle
• God støtte frå eigar og organisasjon
• Ein jobb som gir verdifull erfaring vidare
Søknad
Send kort søknad og CV til
[email protected]
Frist innan 1. mars. Søknader blir vurdert fortløpande.
Kontaktperson for stillingen
Patrick Madsen/Dagleg leiar
48198346 / [email protected]
Om bedriften
Mandelhuset AS er ein etablert møteplass på Tysnes, med restaurant, arrangement og opplevingar heilt nede ved sjøen i Våge. Me jobbar med lokale råvarer, godt vertskap og aktivitetar som skapar liv i sentrum gjennom heile året.
Våge Gjestehamn ligg tett på Mandelhuset og er ein viktig del av sommartilbodet i Våge. Hamna tek imot båtgjestar frå heile kysten og er eit naturleg knutepunkt for både fastbuande og besøkande.
Flytenaustet er sommarkiosken i hamna, med fokus på enkel mat, is og drikke i uformelle rammer. Saman utgjer Mandelhuset, Våge Gjestehamn og Flytenaustet ein levande møteplass med høgt tempo, god stemning og stort fokus på trivsel, tryggleik og gode opplevingar for gjestane.
Del gjerne🥳
