Utne bibliotek

20/03/2026

Det går mot påske, og me har berre ei veke att med ope bibliotek. Så held me stengt i påskeveka. Kom gjerne innom og ta med deg nokre gode bøker til påskedagane 📚🐣

Her ser du opningstidene på biblioteka i Ullensvang for påske: https://ullensvangfb.arena.axiell.com/ #/

12/03/2026

Minner om Litterært pusterom (samlesing/høglesing med prat/Shared Reading, -kjært barn har mange namn) på Utne bibliotek i dag kl 17.30-19.00 =)

Velkomen til eit lågterskeltilbod som får deg til å seinka skuldrene!

08/03/2026

Biblioteket er dessverre stengt måndagane fram til påske, grunna sjukdom. Men tysdagane og torsdagane har me vanlege opningstider.
Velkomen innom til boklån/-levering, ein kaffikopp og gjerne ein prat📚☕️

23/02/2026

Biblioteket må dessverre halda stengt i dag og neste måndag grunna sjukdom. Me har fått vikar tysdag og torsdag denne og neste veka. Då ynskjer Ingvild K. velkomen til biblioteket =)

13/02/2026

Torsdag 12. mars kl 17.30-20.00 vert det Shared Reading/Samlesing på biblioteket!

Avd.leiar Erika Alnæs kjem og les høgt ei novelle og eit dikt, og legg opp til samtale rundt tekstane. Dei som møter skal ikkje førebu seg til anna enn å få utdelt tekstane når me startar, og det er ikkje snakk om analyse eller litterære kuinnskapar. Ein veljer sjølv om ein vil delta i samtalen eller berre lytta.

Velkomen til eit litterært pusterom med spa for hjernen =)

11/02/2026

19/12/2025

Måndag 22. desember er siste dag me har ope før 5. januar.
Me nyttar då høvet til å ta ut avspasering i ei tid det er lite bruk av biblioteket.
Ynskjer du ein tur på eitt av dei andre biblioteka i romjula, finn du opningstidene i Ullensvang her:

I samband med juletida, har me nokre endringar i opningstidene, som du finn her

11/12/2025

Tusen takk til Magni Kristiansen som hadde ei fin forteljarstund for store og små på biblioteket i kveld.
Kjekt at så mange tok turen!

01/12/2025

Det er 1. desember⭐️Kva med å låna ei adventsbok med eit kapittel for kvar dag fram til jolaften? Me har fine bøker for store og små, med forteljingar og aktivitetar!

25/11/2025

Det er Black week nå!!! Dvs svarteveka. Ei riktig så fargerik veke på biblioteket, med hårreisande tilbod du (som elles også) kan få: Gratis lån av bøker, lydbøker, filmar og tidsskrift 📚❣️
Velkomen til biblioteket!

(Foto: Henry Be)

20/11/2025

Me er så stolte! Jammen fekk ikkje Leander Djønne Brageprisen 2025 for Alt et 🤩 Fyrst P2-lyttarane sin litteraturpris for Oskespiralen, og no Brageprisen. For ein bragd!

Me gratulerer🎉

Leander Djønne ble i kveld tildelt Brageprisen 2025 i kategorien skjønnlitteratur. Han mottar prisen for sin kritikerroste roman Alt et. Om Alt et skriver juryen blant annet: «Leander Djønne køyrer vilt og hardt inn i mørkret og nektar å sleppe nokon form for lys inn. Språket er kontant, kon...

18/11/2025

Grunna ein feil i biblioteksystemet, opplever me at veldig mange har vorte pepra med påminningar på lånt materiell med utgått lånefrist.
Me er leie for dette, og har bedt systemansvarleg om å retta opp feilen! Ha tålmod dersom det ikkje skjer raskt...