25/06/2026
भैरहवामा निर्जला एकादशीको अवसरमा पानी तथा जुस वितरण कार्यक्रम सम्पन्न
भैरहवा, असार ११ — निर्जला एकादशीको पावन अवसरमा मारवाडी युवा मञ्च, भैरहवा ले सर्वसाधारणका लागि पानी तथा जुस वितरण कार्यक्रम सम्पन्न गरेको छ।
मिति २०८३ साल असार ११ गते पवन मिष्ठान्न भण्डार अगाडि दिउँसो १:०० बजेदेखि सञ्चालन गरिएको उक्त कार्यक्रममा सर्वसाधारण, यात्रु तथा श्रद्धालुहरूलाई निःशुल्क रूपमा पानी तथा जुस वितरण गरिएको थियो।
कार्यक्रमका संयोजक श्री अर्चित बेरीवाल हुनुहुन्थ्यो। प्रमुख अतिथिका रूपमा सिद्धार्थनगर नगरपालिका वडा नं. ५ का वडा अध्यक्ष श्री पुरण प्रसाद श्रेष्ठ को उपस्थिति रहेको थियो। साथै मारवाडी युवा मञ्च, भैरहवाका अध्यक्ष श्री रोहित अग्रवाल तथा राष्ट्रिय मारवाडी युवा सङ्गठनका राष्ट्रिय अध्यक्ष श्री मनोज अग्रवाल लगायत मञ्चका पदाधिकारी, सदस्य तथा समाजसेवी व्यक्तित्वहरूको उल्लेखनीय उपस्थिति रहेको थियो।
कार्यक्रमको सञ्चालन मारवाडी युवा मञ्च, भैरहवाका महासचिव श्री मोहित सेठियाले गर्नुभएको थियो।
उक्त कार्यक्रममा करिब १,५०० जना यात्रु तथा सर्वसाधारणलाई जुस वितरण गर्ने सौभाग्य प्राप्त भएको आयोजकले जनाएको छ।
निर्जला एकादशीको धार्मिक तथा सामाजिक महत्वलाई आत्मसात् गर्दै गर्मी मौसममा यात्रु तथा सर्वसाधारणलाई शीतल पेय पदार्थ उपलब्ध गराउने उद्देश्यले आयोजना गरिएको उक्त कार्यक्रम सफलतापूर्वक सम्पन्न भएको आयोजकले जनाएको छ।
जय युवा।
