17/07/2025
टौमढी युथ क्लब द्वारा अग्नि नियन्त्रण सम्बन्धी जनचेतनामूलक कार्यक्रम सम्पन्न।
भक्तपुर, २०८२ असार ३२,
टौमढी मा टौमढी युथ क्लबको आयोजनामा तथा जुद्ध बारुण यन्त्र कार्यालय,भक्तपुरको प्राविधिक सहयोगमा एकदिने अग्नि नियन्त्रण सम्बन्धी जनचेतनामूलक कार्यक्रम सम्पन्न गरिएको छ।
कार्यक्रममा आगलागी नियन्त्रणका उपायहरु, आगलागी भएमा अपनाउनु पर्ने सावधानी, प्रारम्भिक उद्धारका तरिका लगायत व्यवहारिक अभ्याससमेत समेटिएको थियो। प्रशिक्षण जुद्ध बारुण यन्त्र कार्यालयका फायर कमाण्डर श्री सानुराम दहाल, फायर फाइटर श्री अनिल कपालि, श्री मञ्जय धौभडेल र फायर फाइटर श्री सजीव मुल्मीले प्रदान गर्नुभएको थियो।
जुद्ध बारुण यन्त्र कार्यालयका कार्यालय प्रमुख श्री विजय प्रसाद धौभडेलज्यूले कार्यक्रमबारे प्रकाश पार्नुका साथै सहभागीहरुलाई प्रशिक्षण समेत प्रदान गर्नुभएको थियो। कार्यक्रममा स्थानीय बासिन्दा, व्यवसायी, टोल विकास संस्था, होटल तथा रेष्टुरेन्टका प्रतिनिधिहरू, विद्यार्थीहरू र क्लबका सदस्यहरुको उल्लेखनीय उपस्थिति रहेको थियो। प्राविधिक टोलीले प्रत्यक्ष अभ्यास (डेमो) पनि प्रस्तुत गरेको थियो।
यस कार्यक्रमको सञ्चालन क्लबका सचिव श्री रवीन्द्र कुमार श्रेष्ठज्यूले गर्नु भएको थियो। कार्यक्रममा संयोजक श्री हरिशरण त्वातिज्युले सम्पूर्ण सहभागी र सहयोगी निकायहरुलाई धन्यवाद ज्ञापन गर्नुभएको थियो। कार्यक्रमलाई क्लबका उपाध्यक्ष श्री दिपेश जोशी ज्यूले फेसबुक लाइभ मार्फत प्रत्यक्ष प्रसारण गर्नुभएको थियो।
कार्यक्रमको समापनमा क्लबका अध्यक्ष श्री शिवराम भुजु ज्यूले जुद्ध बारुण यन्त्र कार्यालयलाई धन्यवाद पत्र प्रदान गर्दै यस्ता जनचेतनामूलक कार्यक्रमहरुलाई आगामी दिनहरुमा पनि निरन्तरता दिने क्लबको प्रतिबद्धता व्यक्त गर्नुभएको थियो।
श्री शिवराम भुजु
अध्यक्ष
टौमढी युथ क्लब, परिवार
