National Human Rights Commission of Nepal - Koshi Province, NHRC Biratnagar

24/09/2026

राष्ट्रिय मानव अधिकार आयोग, कोशी प्रदेश कार्यालय, विराटनगरको आयोजनामा आज ०८३ असोज ८ गते विराटनगर महानगरपालिकाका जनप्रतिनिधि तथा कर्मचारीहरूसँग “मानव अधिकार सम्बन्धी पालिकास्तरीय अन्तरक्रिया कार्यक्रम” सम्पन्न भएको छ। कार्यक्रममा विराटनगर महानगरपालिकाका नगर प्रमुख, वडा अध्यक्षहरू, न्यायिक समितिका सदस्यहरू, वडा सदस्यहरू, महाशाखा प्रमुखहरू र वडा सचिवहरू सहित जम्मा ५६ जनाको सहभागिता रहेको थियो।

कार्यक्रममा कार्यालय प्रमुख सहसचिव श्री वीरबहादुर बुढा मगरले “मानव अधिकारको अवधारणा तथा मानव अधिकार संरक्षणमा स्थानीय तहको भूमिका र दायित्व” विषयमा तथा मानव अधिकार अधिकृत श्री यमराज आङदेम्बेले “स्थानीय कानून तथा नीति निर्माणमार्फत मानव अधिकारमैत्री सेवा प्रवाह” विषयमा प्रस्तुतीकरण गर्नुभएको थियो। अन्तरक्रियाका क्रममा नगर प्रमुख श्री नागेश कोइरालाज्यूले महानगरपालिका मानव अधिकारको संरक्षण तथा प्रवर्द्धनप्रति प्रतिबद्ध रहेको बताउँदै महानगरबाट प्रदान गरिने सार्वजनिक सेवा मानव अधिकारमैत्री रहेको जानकारी गराउनुभयो।

लेखा/प्रशासन अधिकृत श्री कृष्ण नारायण श्रेष्‍ठले सञ्चालन गर्नुभएको कार्यक्रममा मानव अधिकार अधिकृत श्री डिल्लीराम लम्सालले स्वागत मन्तव्य र कार्यक्रमको उद्देश्य माथि प्रकाश पार्नु भएको थियो।

18/09/2026

राष्ट्रिय मानव अधिकार आयोग, कोशी प्रदेश कार्यालय, विराटनगरले आज मिति २०८३ असोज २ गते भानु माध्यमिक विद्यालय, धनकुटाका ९७ जना विद्यार्थीहरूलाई मानव अधिकार, बाल अधिकार, वातावरणको अधिकार तथा जलवायु न्याय र युवाहरूको कर्तव्य तथा जिम्मेवारीका बारेमा अभिमुखीकरण कार्यक्रम सञ्चालन गरेको छ ।
अभिमुखिकरण कार्यक्रममा कार्यालय प्रमुख सहसचिव श्री वीर बहादुर बुढा मगरले 'मानव अधिकारको अवधारणा र राष्ट्रिय मानव अधिकार आयोगको काम कर्तव्य र अधिकार' का बारेमा र मानव अधिकार अधिकृत श्री यमराज आङदेम्बेले 'बाल अधिकार, वातावरणको अधिकार तथा जलवायु न्याय र युवाहरूको कर्तव्य तथा जिम्मेवारी' का बारेमा प्रस्तुतीकरण गर्नु भएको थियो ।

17/09/2026

राष्ट्रिय मानव अधिकार आयोग, कोशी प्रदेश कार्यालय, विराटनगरको आयोजनामा आज मिति २०८३ असोज १ गते साँगुरीगढी गाउँपालिकाका जनप्रतिनिधि तथा कर्मचारीहरूसँग “मानव अधिकार सम्बन्धी पालिकास्तरीय अन्तरक्रिया कार्यक्रम” सम्पन्न भएको छ। कार्यक्रममा साँगुरीगढी गाउँपालिकाका अध्यक्ष श्री जितेन्द्र राई, वडा अध्यक्ष तथा वडा सदस्यहरू, प्रमुख प्रशासकीय अधिकृत, शाखा प्रमुखहरू तथा वडा सचिवहरू सहित जम्मा ६२ जनाको सहभागिता रहेको थियो।

कार्यक्रममा कार्यालय प्रमुख सहसचिव श्री वीरबहादुर बुढा मगरले “मानव अधिकारको अवधारणा तथा मानव अधिकार संरक्षणमा स्थानीय तहको भूमिका र दायित्व” विषयमा तथा मानव अधिकार अधिकृत श्री यमराज आङदेम्बेले “स्थानीय कानून तथा नीति निर्माणमार्फत प्रभावकारी, उत्तरदायी तथा मानव अधिकारमैत्री सेवा प्रवाह” विषयमा प्रस्तुतीकरण गर्नुभएको थियो।

अन्तरक्रियाका क्रममा गाउँपालिका अध्यक्ष श्री जितेन्द्र राईले मानव अधिकारको संरक्षण, संवर्धन तथा प्रवर्द्धनप्रति गाउँपालिका प्रतिबद्ध रहेको बताउँदै गाउँपालिकाबाट प्रदान गरिने सार्वजनिक सेवा मानव अधिकारमैत्री बनाउनेतर्फ निरन्तर प्रयास भइरहेको जानकारी गराउनुभयो। साथै, मानव अधिकारसम्बन्धी छैटौँ राष्ट्रिय कार्ययोजना बमोजिम स्थानीय तह समन्वय समितिको गठन गरी समितिको नियमित बैठक सञ्चालन गर्ने प्रतिबद्धता व्यक्त गर्नुभयो।

कार्यक्रमले स्थानीय तहबाट मानव अधिकारको सम्मान, संरक्षण र प्रवर्द्धन गर्दै प्रभावकारी, उत्तरदायी, पारदर्शी तथा मानव अधिकारमैत्री सेवा प्रवाह सुनिश्चित गर्न जनप्रतिनिधि तथा कर्मचारीबीच थप समन्वय र सहकार्य अभिवृद्धि गर्ने अपेक्षा गरिएको छ।

17/09/2026

16/09/2026

राष्ट्रिय मानव अधिकार आयोग, कोशी प्रदेश कार्यालय, विराटनगरले आज मिति २०८३ भदौ ३१ गते मोर्डन एरा इङलिस स्कुल, विराटनगरका १०१ जना विद्यार्थीहरूलाई मानव अधिकार, बाल अधिकार, वातावरणको अधिकार तथा जलवायु न्याय र युवाहरूको कर्तव्य तथा जिम्मेवारीका बारेमा अभिमुखीकरण कार्यक्रम सञ्चालन गरेको छ ।

अभिमुखिकरण कार्यक्रममा कार्यालय प्रमुख सहसचिव श्री वीर बहादुर बुढा मगरले 'मानव अधिकारको अवधारणा र राष्ट्रिय मानव अधिकार आयोगको काम कर्तव्य र अधिकार' का बारेमा र मानव अधिकृत श्री यमराज आङदेम्बेले 'बाल अधिकार, वातावरणको अधिकार तथा जलवायु न्याय र युवाहरूको कर्तव्य तथा जिम्मेवारी' का बारेमा प्रस्तुतीकरण गर्नु भएको थियो ।

26/08/2026

Appeal

राष्ट्रिय मानव अधिकार आयोगको अपिल

मिति २०८३ भाद्र १० गते भोटेकोशी नदीमा आएको बाढीका कारण रसुवा, नुवाकोट, धादिङ लगायतका जिल्लाहरूमा ठुलो सङ्ख्यामा नागरिकहरु, सुरक्षाकर्मी, कर्मचारी, आन्तरिक तथा बाह्यय पर्यटकहरुको मृत्यु भएको, कैयौँ व्यक्तिहरु बेपत्ता तथा घाइते भएको एवं भौतिक संरचनामा ब्यापक क्षति पुगेको घटनाप्रति राष्ट्रिय मानव अधिकार आयोग गहिरो दुःख प्रकट गर्दछ । सो घटनामा परी निधन हुनेहरुमा हार्दिक श्रद्धाञ्जली व्यक्त गर्दै आयोग घाइतेहरुको शीघ्र स्वास्थ्य लाभको कामना गर्दछ ।

विपत्तिको यस कठिन समयमा एक अर्कालाई सहयोग गर्न, उद्धार तथा पुनःस्थापनाको कार्यमा आ-आफ्नो स्थानबाट योगदान गर्न नेपाल सरकार, राजनैतिक दलहरु, राष्ट्रसेवक कर्मचारीहरु, आम नागरिक, सुरक्षाकर्मी तथा सबैमा आयोग अपिल गर्दछ ।
............................
(तप बहादुर मगर)
अध्यक्ष

मितिः २०८३ भाद्र १० गते ।

Link :https://www.nhrcnepal.org/uploads/press_release/NHRC_Nepal_Apeal_BhoteKoshi_Disaster_2083-5-10.pdf

14/08/2026

राष्ट्रिय मानव अधिकार आयोगको आयोजनामा मिति २०८३ साउन २८ गते "मानव बेचबिखन विरूद्धको अधिकार सम्बन्धी राष्ट्रिय प्रतिवेदन २०८२ को सम्बन्धमा छलफल कार्यक्रम" कोशी प्रदेश सभाका सभामुख माननीय अम्बर बहादुर विष्टज्यूको प्रमुख आतिथ्यतामा विराटनगरमा सम्पन्न भएको छ। उक्त कार्यक्रमको विशिष्ट अतिथिका रूपमा आयोगका सदस्य माननीय डा. लीली थापाज्यूको उपस्थिति रहेको थियो भने कार्यक्रमको अध्यक्षता आयोगको कोशी प्रदेश कार्यालयका नि. कार्यालय प्रमुख श्री दयाराम पाठकज्यूले गर्नुभएको थियो।

अतिथिका रूपमा कोशी प्रदेश सरकारका मुख्य न्यायाधिवक्ता श्री नारायण वस्तीज्यू, मोरङ जिल्लाका प्रमुख जिल्ला अधिकारी श्री युवराज कटेलज्यू, नेपाल प्रहरी प्रदेश कार्यालय, धरानका प्रमुख श्री ज्ञानेन्द्र प्र. फुयाँलज्यू, गैरसरकारी संस्था महासंघ, कोशी प्रदेशका अध्यक्ष श्री सोमराज ढकालज्यू र UNODC, राष्ट्रिय कार्यक्रम संयोजक श्री रिना पाठकज्यूको उपस्थिति रहेको थियो। कार्यक्रमको उद्देश्यमाथि प्रकाश पार्दै सहभागीहरूलाई स्वागत आयोगका मानव अधिकार अधिकृत यमराज आङदेम्बेज्यूले गर्नुभएको थियो र उक्त प्रतिवेदन तथा मानव बेचबिखनको वर्तमान अवस्थाको विषयमा विस्तृत प्रस्तुतीकरण आयोगका प्रवर्द्धन विभाग प्रमुख सहसचिव श्री नवराज सापकोटाज्यूले गर्नुभएको थियो।

कार्यक्रममा विभिन्न सरकारी निकाय, सुरक्षा निकाय र गैरसरकारी संस्थाका प्रमुख तथा प्रतिनिधिज्यूहरू, मानव अधिकार रक्षक लगायत सञ्चारकर्मीज्यूहरूको उपस्थिति रहेको थियो भने मानव अधिकार अधिकृत तुलशा कार्कीज्यूले कार्यक्रम सञ्चालन गर्नुभएको थियो।

11/08/2026

आ.व. २०८२/०८३ को चौथो त्रैमासिक प्रतिवेदन।
Click the link below to download the PDF.
https://koshi.nhrcnepal.org/uploads/publication/Fourth_Quarterly_report_20820832.pdf

01/08/2026

राष्ट्रिय मानव अधिकार आयोगका माननीय सदस्य मनोज दुवाडी तथा आयोगको कोशी प्रदेश कार्यालयका कार्यालय प्रमुख सहसचिव वीर बहादुर बुढा मगरसहितको उच्चस्तरीय टोलीद्वारा कप्तानगञ्ज घटनाको मिति २०८३ साउन १५ गते स्थलगत अनुगमन सम्पन्न भएको छ।

31/07/2026

राष्ट्रिय मानव अधिकार आयोग, कोशी प्रदेश कार्यालयको वार्षिक गतिविधि प्रतिवेदन (२०८२/०८३)
Full pdf:https://koshi.nhrcnepal.org/uploads/publication/Annual_Activity_Report_2082-083.pdf