PHEOC_Lumbini

17/03/2026

स्वास्थ्य तथा जनसंख्या मन्त्रालय अन्तर्गतको स्वास्थ्य आपतकालीन तथा विपद् व्यवस्थापन इकाई (HEDMU/HEOC) को आयोजना र विश्व स्वास्थ्य संगठनको प्राविधिक सहयोगमा लुम्बिनी, कर्णाली तथा सुदूरपश्चिम प्रदेशका ८ वटा स्याटेलाइट अस्पतालहरूका लागि अस्पताल विपद् पूर्वतयारी तथा प्रतिकार्य योजना (HDPRP) विकास सम्बन्धी दुई दिने कार्यशाला आज लुम्बिनी प्रदेशको नेपालगञ्जमा समापन भएको छ।

कार्यशालामा वेष्टर्न अस्पताल, नेपालगञ्ज; कौशल्या मेमोरियल हस्पिटल, कोहलपुर; हेल्थ केयर एण्ड रिसर्च सेन्टर (HCRC), नेपालगञ्ज; कर्णाली केयर इन्टरनेशनल हस्पिटल, सुर्खेत; देउती अस्पताल प्रा.लि., वीरेन्द्रनगर, सुर्खेत; लालरत्न अस्पताल प्रा.लि., कैलाली; गेटा आँखा अस्पताल, कैलाली; तथा घोडाघोडी अस्पताल प्रा.लि., कैलालीबाट ३२ भन्दा बढी स्वास्थ्यकर्मी तथा प्रशासनिक कर्मचारीहरूको सहभागिता रहेको थियो।

सहभागीहरूले विशेषज्ञ प्रशिक्षकहरूको मार्गदर्शनमा Hospital Safety Index Plus (HSI+) एप प्रयोग गरी आफ्ना अस्पतालहरूको HDPRP तयार गर्नेछन्। साथै, जनस्वास्थ्य आपतकालीन अवस्थासम्बन्धी समन्वय तथा सञ्चार प्रणाली, HEOC सञ्जाल, हब–स्याटेलाइट अस्पताल सञ्जाल लगायतका विषयमा प्रस्तुतीकरण गरिनुका साथै योजना परीक्षणका लागि टेबलटप अभ्यास पनि सञ्चालन गरिनेछ। तयार गरिएका योजनाहरू सम्बन्धित अस्पतालहरूमा कार्यान्वयन गरिनेछ र कर्मचारीहरूलाई नियमित अभिमुखीकरण तथा अद्यावधिकमार्फत प्रभावकारी कार्यान्वयन सुनिश्चित गरिनेछ। यसबाट विपद् तयारी तथा प्रतिकार्य क्षमतामा महत्वपूर्ण सुधार आउने अपेक्षा गरिएको छ।

कार्यक्रमको उद्घाटन सत्रमा स्वास्थ्य तथा जनसंख्या मन्त्रालयका प्रवक्ता तथा HEDMU/HEOC प्रमुख डा. प्रकाश बुढाथोकीज्यूले भर्चुअल माध्यमबाट अध्यक्षता गर्दै मन्तव्य दिनुभयो। उहाँले HSI+ जस्ता डिजिटल उपकरणहरूको प्रयोगले अस्पतालहरूको तयारी स्तरको मूल्याङ्कन, योजना निर्माण र कार्यान्वयनमा गुणात्मक सुधार ल्याउने उल्लेख गर्नुभयो। साथै, हब–स्याटेलाइट अस्पताल सञ्जालको सुदृढीकरण, HEOC सँग निरन्तर समन्वय, तथा अभ्यासमा आधारित तयारी (simulation/ tabletop exercise) लाई निरन्तरता दिनुपर्नेमा विशेष जोड दिनुभयो।

कार्यक्रमको समापन सत्रमा स्वास्थ्य मन्त्रालय, लुम्बिनी प्रदेशका सचिव श्री दुर्गालक्ष्मी श्रेष्ठज्यूले आफ्नो मन्तव्य व्यक्त गर्दै यस प्रकारका कार्यशालाहरूले अस्पतालहरूको विपद् पूर्वतयारी तथा प्रतिकार्य क्षमतालाई सुदृढ बनाउन महत्वपूर्ण भूमिका खेल्ने बताउनुभयो। उहाँले Hospital Disaster Preparedness and Response Plan (HDPRP) जस्ता योजनाहरू केवल कागजमा सीमित नराखी व्यवहारमा प्रभावकारी रूपमा कार्यान्वयन गर्नुपर्नेमा जोड दिनुभयो।

उहाँले अस्पतालहरूबीचको समन्वय, विशेषगरी हब–स्याटेलाइट अस्पताल सञ्जालको सुदृढीकरणले आपतकालीन अवस्थामा सेवा प्रवाहलाई छिटो, प्रभावकारी र व्यवस्थित बनाउन सहयोग पुग्ने उल्लेख गर्नुभयो। साथै, HEOC/PHEOC सँगको नियमित सम्पर्क र सूचना आदानप्रदान प्रणालीलाई अझ मजबुत बनाउनुपर्ने आवश्यकता औंल्याउनुभयो।

उहाँले यस्ता अभ्यासमूलक कार्यक्रम (simulation तथा tabletop exercise) लाई निरन्तरता दिँदै, समय–समयमा योजना अद्यावधिक र परीक्षण गर्नुपर्नेमा जोड दिँदै सम्पूर्ण सहभागीहरू, आयोजक संस्था तथा प्राविधिक सहयोगीप्रति धन्यवाद व्यक्त गर्नुभयो।

10/02/2026

12/08/2025

गुल्मीको इस्मा गाउँपालिकामा द्रुत प्रतिकार्य समिति तथा टोली सम्बन्धी अभिमुखीकरण सम्पन्न
मिति २०८२ साउन २७ गते गुल्मी जिल्लाको इस्मा गाउँपालिकामा पालिका-स्तरीय द्रुत प्रतिकार्य समिति (RRC) तथा द्रुत प्रतिकार्य टोली (RRT) सम्बन्धी अभिमुखीकरण तथा पैरवी बैठक सम्पन्न भएको छ।
जनप्रतिनिधि, कर्मचारी, स्वास्थ्यकर्मी, महिला स्वास्थ्य स्वयंसेविका लगायतका सरोकारवालाहरूको सक्रिय सहभागिता रहेको उक्त कार्यक्रममा स्वास्थ्य निर्देशनालय लुम्बिनी प्रदेशका वरिष्ठ स्वास्थ्य शिक्षा अधिकृत भरत बहादुर कुँवर, स्वास्थ्य कार्यालय गुल्मीका भेक्टर कन्ट्रोल सुपरभाइजर अधिकृत श्रीकृष्ण भट्टराई, तथा विश्व स्वास्थ्य संगठन (WHO) नेपालका तर्फबाट शंकर अधिकारीको उपस्थिति थियो।
उहाँहरूले द्रुत प्रतिकार्य समिति तथा टोलीको संरचना, कार्यक्षेत्र, जिम्मेवारी र अधिकारका विषयमा सहभागीहरूलाई विस्तृत जानकारी दिँदै अभिमुखीकरण प्रदान गर्नुभएको थियो भने कार्यक्रमको सञ्चालन तथा सहजीकरण इस्मा गाउँपालिका स्वास्थ्य शाखाका होमा कुमालले गर्नुभएको थियो।
बैठकले सम्भावित विविध प्रकृतिका विपद् तथा महामारीको प्रभावकारी व्यवस्थापन सुनिश्चित गर्न पूर्वतयारी, जोखिम न्यूनीकरण र प्रतिकार्यका लागि द्रुत प्रतिकार्य समिति तथा टोलीको गठन गरेको छ ।

06/08/2025

मिति २०८२ साउन २१ गते, बुधवार, स्वास्थ्य निर्देशनालय लुम्बिनी प्रदेशको आयोजना, स्वास्थ्य कार्यालय गुल्मीको समन्वय तथा विश्व स्वास्थ्य संगठन नेपालको प्राविधिक र आर्थिक सहयोगमा गुल्मी जिल्लाको धुर्कोट गाउँपालिकामा पालिका-स्तरीय द्रुत प्रतिकार्य समिति (RRC) तथा द्रुत प्रतिकार्य टोली (RRT) सम्बन्धी अभिमुखीकरण तथा पैरवी बैठक सम्पन्न भएको छ।
उक्त कार्यक्रममा जनप्रतिनिधि, पालिकाका कर्मचारी, स्वास्थ्यकर्मी, महिला स्वास्थ्य स्वयंसेविका लगायतका सरोकारवालाहरूको सक्रिय सहभागिता रहेको थियो।
कार्यक्रममा स्वास्थ्य कार्यालय गुल्मीका भेक्टर कन्ट्रोल सुपरभाइजर अधिकृत श्री कृष्ण भट्टराई, लुम्बिनी प्रदेश स्वास्थ्य निर्देशनालयका वरिष्ठ स्वास्थ्य शिक्षा अधिकृत श्री भरत बहादुर कुँवर तथा विश्व स्वास्थ्य संगठन (WHO) नेपालका तर्फबाट श्री शंकर अधिकारीको उपस्थिति रहेको थियो।
उहाँहरूले द्रुत प्रतिकार्य समिति तथा टोलीको संरचना, कार्यक्षेत्र, जिम्मेवारी र अधिकारका विषयमा सहभागीहरूलाई विस्तृत जानकारी दिँदै अभिमुखीकरण प्रदान गर्नुभएको थियो।
कार्यक्रमको सञ्चालन तथा सहजीकरण धुर्कोट गाउँपालिकाका स्वास्थ्य शाखा प्रमुख श्री प्रेमलाल खनालले गर्नुभएको थियो।
बैठकले सम्भावित विविध प्राकृतिक विपद् तथा महामारीको प्रभावकारी व्यवस्थापन सुनिश्चित गर्न पूर्वतयारी, जोखिम न्यूनीकरण र प्रतिकार्यका लागि द्रुत प्रतिकार्य समिति तथा टोलीको गठन गरेको छ।

09/07/2025

आज मिति २०८२ असार २५ गते बुधवार पाल्पा जिल्ला, रिब्दिकोट गाउँपालिकामा पालिकास्तरीय द्रुत प्रतिकार्य समिति र द्रुत प्रतिकार्य टोली सम्बन्धी पैरवी बैठक सम्पन्न भएको छ । बैठकमा जनप्रतिनिधि, कर्मचारी, स्वास्थ्यकर्मी, महिला स्वास्थ्य स्वयंसेविका लगायतको उपस्थिति रहेको थियो । उक्त कार्यक्रममा स्वास्थ्य कार्यालय पाल्पाका निमित्त प्रमुख टुक प्रसाद पोख्रेल, वरिष्ठ ल्याव टेक्निसियन निरिक्षक मधुसूदन भट्टराई र विश्व स्वास्थ्य संगठनका डा. गौरव गोंगलले समिति र टोलीको संरचना, काम, कर्तव्य र अधिकारका विषयमा अभिमुखीकरण प्रदान गर्नुभयो । कार्यक्रमको संचालन र सहजीकरण रिब्दिकोट गाउँपालिकाका स्वास्थ्य शाखा प्रमुख सुनिल अधिकारीले गर्नुभएको थियो । बैठकले विभिन्न किसिमका विपद र महामारीको पूर्वतयारी गरि जोखिम न्यूनीकरण तथा प्रतिकार्यका लागि द्रुत प्रतिकार्य समिति र टोलीको पुनर्गठन गरेको छ । Khem Saruस्वास्थ्य मन्त्रालय लुम्बिनी प्रदेश

07/07/2025

The formation of the Provincial Rapid Response Team (RRT) and Rapid Response Committee (RRC) in Lumbini Province, Dang, was conducted under the leadership of the Health Directorate. The program was held in the presence of the Health Secretary, Director of the Health Directorate, Director of the Provincial Public Health Laboratory (PPHL), representatives from the Ministry of Internal Affairs, Provincial Health Logistics Management Center (PHLMC), doctors from Lumbini and Rapti Provincial Hospitals, Bhalubang Hospital, private medical colleges, and health workers. स्वास्थ्य मन्त्रालय लुम्बिनी प्रदेश

18/06/2025

आज मिति २०८२ असार ४ गते बाँकेको नेपालगंज स्थिति जमुनाहा नाकामा रहेको हेल्थ डेस्कमा कार्यरत कर्मचारीहरुलाई विश्व स्वास्थ्य संगठनका डा गौरव गोंगल तथा शंकर अधिकारीले SORMAS (Survellience Outbreak Response Management and Analysis System) सम्बन्धी Onsite Training प्रदान गर्नुभएको छ । उक्त कार्यक्रममा स्वास्थ्य मन्त्रालय लुम्बिनीका सचिव दुर्गालक्ष्मी श्रेष्ठ, स्वास्थ्य निर्देशनालय लुम्बिनी प्रदेशका निमित्त निर्देशक रोशनलाल चौधरी, स्वास्थ्य कार्यालय बाँकेका सम्पर्क व्यक्ति नरेशबाबु श्रेष्ठ तथा नेपालगंज उप-महानगरपालिकाका स्वास्थ्य शाखा प्रमुख रामबहादुर चन्दको उपस्थिति रहेको थियो।

10/06/2025

22/04/2025

स्वास्थ्य तथा जनसंख्या मन्त्रालय अन्तर्गतको स्वास्थ्य आपतकालीन तथा विपद् व्यवस्थापन इकाई को आयोजना तथा विश्व स्वास्थ्य संगठन, नेपाल र यूरोपेली संघ (EU) को सहयोगमा रामपुर अस्पताल पाल्पा र गुल्मी अस्पताल, तम्घासमा ‘अस्पताल पूर्वतयारी तथा प्रतिकार्य योजना’ सम्बन्धी स्थलगत अनुशिक्षण तथा अनुगमन कार्यक्रम सम्पन्न भएको छ । कार्यक्रममा विपद तथा महामारीको समयमा अस्पतालको आकस्मिक र नियमित सेवा प्रवाहलाई निरन्तरता दिन र घाईते तथा विरामीको उपचार व्यवस्थापनलाई प्रभावकारी बनाउनको निम्ति गर्नुपर्ने विभिन्न कार्यहरुको बारेमा प्रस्तुतीकरण तथा छलफल भएको थियो कार्यक्रममा दुवै अस्पतालको पूर्वतयारी तथा प्रतिकार्य योजनाको समयानुकुल अध्यावधिक गरिएको छ भने समापन समारोहलाई स्वास्थ्य तथा जनसंख्या मन्त्रालयका प्रवक्ता तथा HEDMU/HEOC का प्रमुख डा. प्रकाश बुढाथोकीज्यूले भर्चुअल रूपमा सहभागिता जनाउनुका साथै स्थलगत अनुशिक्षणले अस्पताल पूर्वतयारी तथा प्रतिकार्य योजना कार्यान्वयन सुदृढ गर्न, कमिकमजोरी पहिचान गर्न, मुख्य क्षेत्रहरू सुधार गर्न तथा स्वास्थ्यकर्मीहरूबीच सहकार्यपूर्ण सिकाइ प्रवर्द्धन गर्न महत्वपूर्ण भूमिका खेल्ने उल्लेख गर्नुभयो ।

An on-site training and monitoring program on ‘Hospital Preparedness and Response Plan’ has been completed at Rampur Hospital, Palpa and Gulmi Hospital, Tamghas, organized by the Health Emergency and Disaster Management Unit under the Ministry of Health and Population and supported by the World Health Organization, Nepal and the European Union (EU). The program included presentations and discussions on various tasks to be done to ensure continuity of emergency and regular service delivery of hospitals during disasters and pandemics and to make the treatment and management of injured and sick people effective. The preparedness and response plans of both hospitals have been updated in a timely manner. Dr. Prakash Budhathoki, spokesperson of the Ministry of Health and Population and Head of HEDMU/HEOC, participated in the closing ceremony virtually and stated that on-site training will play an important role in strengthening the implementation of hospital preparedness and response plans, identifying weaknesses, improving key areas and promoting collaborative learning among health workers. Khem Saru