09/04/2026
वि.सं. २०८१ चैत २७ मा सम्पन्न स्ववियु निर्वाचनका क्रममा नेपाल विद्यार्थी संघले अघि सारेको “वेबसाइट निर्माण गरी विद्यार्थीका लागि आवश्यक पाठ्यपुस्तक तथा शैक्षिक सामग्री उपलब्ध गराउने” एजेन्डा सुरुवातमा धेरैलाई असम्भवजस्तै लागेको थियो। तर आज नेपाल विधार्थी संघ तर्बाट स्ववियू केएमसीमा, निर्वाचित टिमको निरन्तर मेहनत, दृढ प्रतिबद्धता र अटुट एकताले यसलाई सम्भव मात्र होइन—उल्लेखनीय सफलताको उदाहरणका रूपमा स्थापित गरेको छ।
यो उपलब्धि कुनै सामान्य कार्य सम्पन्न भएको घोषणा मात्र होइन, यो परिवर्तनको एक सार्थक सुरुवात हो। यसले इच्छाशक्ति, दूरदृष्टि, सक्षम नेतृत्व र सशक्त सहकार्यको वास्तविक अर्थलाई प्रमाणित गरेको छ। यस्ता प्रयासहरूले स्पष्ट देखाउँछन् कि जब इमानदार सोच र सक्रिय टिमवर्क एकसाथ अघि बढ्छन्, तब “असम्भव” भन्ने शब्द आफैं हराउँदै जान्छ।
, #यस सफलताले यो पनि पुष्टि गरेको छ कि नेपाल विद्यार्थी संघ केवल एजेन्डा प्रस्तुत गरेर सीमित रहने संगठन होइन, बरु आफ्ना प्रतिबद्धताहरू पूरा गर्न निरन्तर क्रियाशील रहने संगठन हो। “प्राण जाओस् तर वचन नजाओस्” भन्ने मूल्यमान्यतामा अडिग रहँदै, नेवि संघ सधैं आफ्नो जिम्मेवारीप्रति प्रतिबद्ध रहनेछ।
अब हाम्रो लक्ष्य अझ स्पष्ट छ—यस उपलब्धिलाई यहीँ सीमित नराखी, अझ व्यवस्थित, प्रभावकारी र दीर्घकालीन रूपमा विस्तार गर्दै लैजाने।स्ववियु केएमसी टिमलाई हार्दिक धन्यवाद तथा गर्वका साथ हार्दिक बधाई व्यक्त गर्दछौं।
यस्तै साहस, समर्पण र सक्रियताले विद्यार्थी राजनीतिलाई अझ सशक्त, मर्यादित र परिणाममुखी बनाउने विश्वास लिएका छौं।
स्व.वि.यु के.एम.सी वेबसाइट (Website:https://fsukmc.fwu.edu.np/)
जय नेपाल 🇳🇵
नेपाल विधार्थी संघ केएमसी परिवार
