04/08/2026
हरिवन नगरपालिका स्थानीयसँग साक्षरता अभियान सञ्चालन :
हरिवन नगरपालिकाका स्थानीय दाजुभाई, दिदीबहिनी तथा ज्येष्ठ नागरिकहरूसँग साक्षरता अभियान अन्तर्गत प्रत्यक्ष संवाद गर्ने अवसर प्राप्त भयो।
कार्यक्रममा शिक्षा, साक्षरता, सीप विकास, सामाजिक चेतना तथा समुदायको समग्र विकाससँग सम्बन्धित विविध विषयमा सार्थक छलफल गरियो। स्थानीय नागरिकहरूको सक्रिय सहभागिता, रचनात्मक सुझाव र उत्साहले कार्यक्रमलाई अझ प्रभावकारी र उपलब्धिमूलक बनाएको छ।
साक्षर समाज नै समृद्ध समाजको आधार हो। त्यसैले प्रत्येक नागरिकलाई गुणस्तरीय शिक्षा, जीवनोपयोगी सीप र निरन्तर सिकाइको अवसर सुनिश्चित गर्न हामी सबैको साझा प्रयास अपरिहार्य छ।
कार्यक्रममा सहभागी भई आफ्नो अमूल्य समय, सुझाव र साथ प्रदान गर्नु हुने सम्पूर्ण स्थानीयवासीप्रति हार्दिक आभार व्यक्त गर्दछु। आगामी दिनहरूमा पनि यस्ता जनमुखी तथा जनचेतनामूलक अभियानलाई निरन्तरता दिँदै समुन्नत हरिवन निर्माणका लागि सबैसँग हातेमालो गर्दै अघि बढ्ने प्रतिबद्धता व्यक्त गर्दछु।
शुभरात्रि !
साक्षर समाज, समृद्ध हरिवन। Part 51
