27/08/2026
रसुवास्थित भोटेकोसी नदीमा तिब्बततर्फबाट आएको अचानकको बाढी तथा त्यसको प्रभावबाट त्रिशूली नदीका तटीय क्षेत्रहरू (नुवाकोट, धादिङ, चितवन, गोरखा लगायत) मा उत्पन्न भएको बाढीको प्रभाव बाट निधन हुनु भएको नेपाली आमाबुबा तथा दाजु भाइ, दिदी बहिनि प्रती नेविसंघ नेपाल ल क्याम्पस हार्दिक श्रद्धाञ्जली व्यक्त गर्द छ। साथै सम्पूर्ण नेपाली आमाबुबा, दाजुभाइ एवं दिदिबहिनीलाइ एकता कायम गर्दै सहयोग तथा उद्धार कार्यमा आवद्ध हुन हार्दिक अपिल गर्दछौ।
नेपाल विधार्थी संघ आफ्नो स्थापना काल देखि बिद्यार्थीको हक हितको लागि आफ्नो आवाज बुलन्द गर्दै विधार्थिको आवज बन्दै हिडेको बिधार्थी संगठन हो । यस विपद बाट अन्दाजी ८ वटा विधालय र हजारौ विधार्थी प्रभावित भएका छन। शिक्षा सबै बिद्यार्थीको हक हो र विधार्थि देशको भविष्य हुन। तसर्थ प्रभावित विधार्थिको शैक्षिक गतिविधि पुनःस्थापन गर्न हामी सबैले पहल गर्न पनि अपरिहार्य रहेको छ।
तसर्थ नेपाल विधार्थी संघ, नेपाल ल क्याम्पस प्रभावित विधार्थीको शैक्षिक गतिविधिलाई पुनर्निरन्तरता दिन विधालय पुनःस्थापना गर्ने, शैक्षिक सामाग्री जस्तै कापी, किताब, कलम लगायत आवश्यक सामाग्री जोहो गरि प्रभावित बिधार्थी लाई सहयोग गर्ने अग्रसर रहको कुरा सम्पुर्णलाई अवगत गराउन चाहान्छौ। त्यसको लागि नेविसंघ, नेपाल ल क्याम्पसले " Mission Pathashala: Restoring future" नामक campaign को सुरुवात गरेको कुरा पनि अवगत गराउन चाहान्छौ। यसको लागि देशभरिका विद्यार्थी एवं विधार्थी संघसंगठनहरुलाई नेपाल विधार्थी संघ, नेपाल ल क्याम्पस सग सहकार्य गरि आफुले सकेको सहयोग गर्ने हादिक अनुरोध एवं अपिल गर्द छौ।
