30/07/2026
#प्रेस विज्ञप्ति
सुनसरी जिल्लाको देवानगञ्ज लगायत तराईका विभिन्न जिल्लामा केही दिनयता भइरहेका श्रृंखलाबद्ध हिंसात्मक घटनाहरू तथा जारी प्रदर्शनका क्रममा सरकारी पक्षको अत्यधिक बल प्रयोग बाट युवाहरुको मृत्यु भएको घटनाप्रति अनेरास्ववियुको गम्भीर ध्यानाकर्षण
भएको छ ।
देशले विषम परिस्थितिको सामना गरिरहेको यस समयमा प्रधानमन्त्री र गृहमन्त्रीले समस्या समाधानका लागि आवश्यक तदारुकता देखाउनुपर्नेमा मौन रहँदै कुनै ठोस पहल नगर्नु अत्यन्त गैरजिम्मेवारपूर्ण छ । सरकारले ठोस कदम चाली घटनालाई नियन्त्रणमा लिनुको सट्टा आंफै मस्त निन्द्रामा परी नागरिकलाई मर्न बाध्य बनाउने रवैयाप्रति गम्भीर खेद प्रकट गर्दछौं ।
राज्यको अनियंत्रित बल प्रयोगका क्रममा ज्यान गुमाएका युवाहरुप्रति भावपूर्ण श्रद्धाञ्जली अर्पण गर्दै शोकसन्तप्त परिवारजनप्रति गहिरो समवेदना व्यक्त गर्दछौं । साथै, वर्तमान परिस्थितिलाई थप जटिल बन्न नदिन सम्पूर्ण राजनीतिक दल, प्रदेश सरकार, नागरिक समाजका अगुवा, बुद्धिजीवी, स्थानीय जनप्रतिनिधि, विभिन्न धार्मिक समुदायका अगुवा तथा सम्बन्धित सबै सरोकारवालाहरुलाई सामाजिक सद्भाव, शान्ति, संयम र सहअस्तित्वको पक्षमा एकजुट हुन हार्दिक अपिल गर्दछौं 🙏
