01/11/2025
🌿 हरिबोधनी एकादशी तथा तुलसी विवाहको हार्दिक मंगलमय शुभकामना 🌿
सम्पूर्ण श्रद्धेय गुरुजन, साधु–सन्त, धर्माचार्य, भक्तजन तथा शुभेच्छुक महानुभावहरूमा अखिल नेपाल हिन्दू महासभाका तर्फबाट हार्दिक शुभकामना प्रकट गर्दछौं।
आजको पवित्र हरिबोधनी (प्रबोधिनी) एकादशीका दिन भगवान् श्रीहरि विष्णु चातुर्मासको निद्राबाट जाग्रत हुनुहुने तथा भगवान् विष्णु र देवी तुलसीको दिव्य विवाह सम्पन्न हुने धार्मिक परम्परा रहिआएको छ। यस दिवसले धर्म, सत्य, भक्ति र सत्कर्मप्रतिको निष्ठा पुनः जागृत गराउने सन्देश दिन्छ।
यस पावन अवसरमा भगवान् श्रीहरि र तुलसी माताको दिव्य कृपा सबैमा रहोस्, शान्ति, समृद्धि, स्वास्थ्य र सद्भाव फैलियोस्, र श्रीहरि विष्णु भगवान र तुलसी माताको सबैका जीवनमा आध्यात्मिक प्रकाश फैलियोस् भन्ने हार्दिक कामना गर्दछौं।
