07/03/2026
लोकतन्त्रको सुन्दरता जनताको मतलाई सर्वोच्च मान्नुमा निहित हुन्छ। यही विश्वासका साथ मैले नेपाली कांग्रेस सप्तरी निर्वाचन क्षेत्र न.४ रूख चुनाव चिह्न बाट प्रतिनिधि सभा सदस्यको निर्वाचनमा सहभागी भएको थिएँ। यसपटक अपेक्षित परिणाम हासिल गर्न नसके पनि निर्वाचनको परिणामलाई पूर्ण सम्मानका साथ स्वीकार गर्दछु। जनताको निर्णय सधैं मेरो लागि मार्गदर्शक रहनेछ।
यस निर्वाचन यात्रामा मलाई माया, विश्वास र साथ दिनुहुने सम्पूर्ण मतदाता, समर्थक, अग्रज, साथीभाइ, युवाशक्ति तथा शुभेच्छुकहरूप्रति हृदयदेखि नै कृतज्ञता व्यक्त गर्दछु। तपाईंहरूको साथ, प्रेरणा र भरोसाले मलाई सधैं उत्साहित बनाइरहेको छ।
निर्वाचन अभियानमा दिनरात खटिनुहुने सबै साथीहरू र सहयोगीहरूप्रति विशेष धन्यवाद व्यक्त गर्दछु। तपाईंहरूको मेहनत, समर्पण र साथले यो यात्रा अर्थपूर्ण बनाएको छ।
निर्वाचनमा हार भए पनि जनताको सेवा गर्ने मेरो प्रतिबद्धता अडिग रहनेछ। समाज र राष्ट्रको समृद्धिका लागि म निरन्तर समर्पित रहनेछु।
फेरि एकपटक सम्पूर्ण मतदाता, समर्थक र शुभेच्छुकहरूप्रति हार्दिक धन्यवाद। 🙏🙏
तेजु लाल चाैधरी
नेपाली काङ्ग्रेस
