27/05/2026
राष्ट्रिय मानव अधिकार आयोगको २६औँ वार्षिकोत्सवको अवसरमा मिति २०८३ जेठ १३ गते विशेष कार्यक्रम सम्पन्न भएको छ।
का माननीय अध्यक्ष श्री तपबहादुर मगरज्यूको अध्यक्षतामा आयोजित उक्त वार्षिकोत्सव कार्यक्रममा सम्माननीय सभामुख श्री डोलप्रसाद अर्यालज्यू प्रमुख अतिथिका रूपमा उपस्थित हुनुहुन्थ्यो।
कार्यक्रममा आयोगका माननीय सदस्य डा. लीली थापाज्यूले स्वागत मन्तव्य व्यक्त गर्नुभएको थियो। साथै, गैरसरकारी संस्था महासंघका अध्यक्ष श्री अर्जुन भट्टराईज्यू तथा संयुक्त राष्ट्रसंघ आवासीय प्रतिनिधिको कार्यालयको तर्फबाट संयुक्त राष्ट्रसंघ विकास कार्यक्रम (UNDP) का डेपुटी आवासीय प्रतिनिधि श्री जुलियन सिल्भारज्यूले मानव अधिकारको संरक्षण तथा संवर्द्धनको अपरिहार्यता र आयोगको भूमिकासम्बन्धी विचार व्यक्त गर्दै शुभकामना मन्तव्य दिनुभएको थियो।
वार्षिकोत्सव कार्यक्रममा कानुन, न्याय तथा मानव अधिकार समितिका माननीय सभापतिज्यू, महिला तथा सामाजिक मामिला समितिका सभापतिज्यू, संवैधानिक आयोगहरूका अध्यक्षज्यूहरू, नेपाल सरकारका महान्यायाधिवक्ताज्यू, कानुन, न्याय तथा मानव अधिकार समिति तथा महिला तथा सामाजिक मामिला समितिका सदस्यज्यूहरू, प्रधानसेनापतिज्यू, राष्ट्रिय मानव अधिकार आयोग लगायत संवैधानिक निकायका सदस्यज्यूहरू, सर्वोच्च अदालतका मुख्य रजिस्ट्रारज्यू, राष्ट्रिय मानव अधिकार आयोगका सचिवज्यू, नेपाल सरकारका सचिवज्यूहरू एवं विशिष्ट श्रेणीका अधिकृतज्यूहरू, प्रहरी महानिरीक्षकज्यू, सशस्त्र प्रहरी महानिरीक्षकज्यू, राष्ट्रिय अनुसन्धान विभागका प्रमुखज्यू, सुरक्षा निकायका प्रतिनिधिज्यूहरू, नेपाल सरकारका उच्चपदस्थ अधिकारीज्यूहरू, विभिन्न मित्रराष्ट्रका महामहिम राजदूतज्यूहरू, कूटनीतिक नियोगका विशिष्ट प्रतिनिधिज्यूहरू, नेपालस्थित युरोपियन युनियन प्रतिनिधिमण्डलका सम्माननीय प्रतिनिधिज्यूहरू, संयुक्त राष्ट्रसंघीय निकायका प्रमुखज्यू तथा प्रतिनिधिज्यूहरू, विकास साझेदार संस्थाहरूका प्रमुख तथा प्रतिनिधिज्यूहरू, विश्वविद्यालय तथा विभिन्न शैक्षिक संस्थाका प्राध्यापक एवं प्रतिनिधिज्यूहरू, गैरसरकारी संस्था महासंघका सदस्य तथा प्रतिनिधिज्यूहरू, नेपाल बार एशोसिएशनका अध्यक्षज्यू, नेपाल पत्रकार महासंघका प्रतिनिधिज्यूहरू, विभिन्न मानव अधिकार संस्थाका प्रमुख तथा प्रतिनिधिज्यूहरू, नागरिक समाज संस्थाका प्रमुख तथा प्रतिनिधिज्यूहरू, आदिवासी जनजाति महासंघका अध्यक्ष तथा प्रतिनिधिज्यूहरू, राष्ट्रिय अपाङ्ग महासंघका अध्यक्ष तथा प्रतिनिधिज्यूहरू, दलित गैरसरकारी संस्था महासंघका अध्यक्ष तथा प्रतिनिधिज्यूहरू, उपभोक्ता अधिकारको क्षेत्रमा क्रियाशील अधिकार रक्षकज्यूहरू, महिला मानव अधिकार रक्षकज्यूहरू, युवा अभियानकर्मीहरू, वकिल तथा पत्रकारज्यूहरू लगायत सम्पूर्ण मानव अधिकार रक्षकज्यूहरू तथा विभिन्न पेशा र क्षेत्रसँग आबद्ध महानुभावज्यूहरूको उपस्थिति रहेको थियो।
सो अवसरमा आयोगले सर्वोत्कृष्ट मानव अधिकार सेवा पुरस्कार उपसचिव श्री श्याम बाबु काफ्लेज्यू, उत्कृष्ट मानव अधिकार सेवा पुरस्कार मानव अधिकार अधिकृत श्री खिमलाल सुवेदीज्यू तथा मानव अधिकार अधिकृत श्री कल्पना नेपाल आचार्यज्यूलाई प्रदान गरेको थियो। त्यसैगरी, मानव अधिकार सेवा पुरस्कार कार्यालय सहयोगी श्री रोजिना लुइँटेलज्यूलाई प्रदान गरिएको थियो।
आयोगमा २५ वर्षभन्दा बढी सेवा गर्नुभएका कर्मचारीहरू उपसचिव श्री जीवन न्यौपानेज्यू, कार्यालय सहयोगीहरू श्री सूर्यकान्त खतिवडाज्यू, श्री रोजिना लुइँटेलज्यू तथा श्री ज्ञानेन्द्र महर्जनज्यूलाई सम्मान गरिएको थियो। त्यसैगरी, १५ वर्षभन्दा बढी सेवा गर्नुभएका कर्मचारीहरू सुरक्षा गार्ड श्री हरिप्रसाद लामिछानेज्यू, सवारी चालकहरू श्री संग्रामजित लामाज्यू, श्री कुमार तामाङज्यू, श्री भीमबहादुर लामाज्यू, श्री बालमुकुन्द कार्कीज्यू तथा श्री राजकुमार घिमिरेज्यू, साथै कार्यालय सहयोगीहरू श्री सरोज कार्कीज्यू, श्री लालबहादुर लामाज्यू, श्री अजिता ढकालज्यू, श्री विनिता के.सी.ज्यू तथा श्री राजन सापकोटाज्यूलाई दीर्घ सेवा सम्मान प्रदान गरिएको थियो।
Remarks Delivered by Hon. Dr. Lily Thapa:https://nhrcnepal.org/uploads/activity/Welcome_Speech_2083_By_lily_thapa.pdf
Remarks delivered by Hon. Top Bahadur Magar:https://nhrcnepal.org/uploads/activity/Speech_of_Hon_Chiarperson_2083-2-13.pdf
PC: Umesh Ranamagar/NHRCNepal
